MATTHEW 5:12 - Sumi Naga CL (Re-edited) Bible (BSI)

¹² Alovilo eno amlokiqi shialo, kughengu kungugha lo nongu saxü ye kije ani, eno nongu lau shike toi panongu ye nongu züu tungkupmi ghi ghimeqhi püanike.

BAIBEL (BSI)

¹² Alokiqipushi alovilo, kughengu kungughalo osaxu kije kutope ani. Nongu zuu tungkupumi achekeqo ghi timiqono tihutoi shikimighi cheke.”

Sümi Tiqhelimi Bible

¹² Alovishelo eno alovi alo, kughengu kungugha lo nonguw qesaxu kijè ani, kughengu panongu ye nongu züu tungkupumiqo ghí tihutoi pishi-puju acheke.

MATTHEW 5:12 Referans Kwoze

Luke 6:23

Tipa tsala lo alovi eno alokivi shi ilhelo, kughengu kungugha lo nongu jume ye kije ani. Pano puasüqo no titoi tungkupmi peitha püsa cheke.

James 1:2

I thiküzümiqo, kughou nongu no akijiksa jeli sholuni keno, ti kümtsü alokivi lo kihisülo,

Kolosiami 3:24

Ampeu launo amheghi shi o saxü ithulu nani kepi ithilo. No ye Ampeu Khristo qe anie.

1 Peter 4:13

Ikemu alovilo, kughengu atsa kuchou lo nongu ye Khristo ghime sasü küsajelu anike, tishianguno kughou Pa juküvü pepheni keno nongu ghi alovi eno amloqilu nani.

Kolosiami 1:24

Nongu ghenguno itehi I no aghime sholu akelo ni ye alovi ani, eno I phimpi lono Khristo no pa phimpi, ti ye akukuhou, ghenguno aghime shiwo tomono akeu I no shikupu tsü ani,

Rommi 5:3

Tinguno alau niw shiluküsa lo ghi ningu ye aloviqhiyi acheni, kughengu nino ithi akeu no shiluküsa huno kheakulu iqiphe cheni,

RUTH 2:12

Nono kiu mlave akeno Ampeu no lochile peni, eno Israelmi Lhou Ampeu, khuu chishibo qholo nono itshü luniye ighive akeno Pa pelo asaxü kuchopu o tsü peniu!”

LESHELE 58:11

Timiqo no pi nani, “Mtsüqheino amikuchomi ghenguno asaxü ani; mtsüqheino ayeghi shou xaküthau Alhou ani.”

ISAIAH 3:10

Amikuchomi vilo pano sala akivi anie pilo, kughengu pano ye pano kümla xochu nani.

AHOLE 11:18

Kixikilami ye pishikiqhi jume qelu cheni ikemu khuu no amikucho xusüni keno mtsüqhei no asaxü ithulu cheni.

YEKIKITHI AKINIU 36:16

Ikemu panongu no Alhou tsapemi thaigha, eno Ampeu loghu no panongu shou ikughi moke kutolo eno ti küghüqü luni keu kühave moke kutolo, Pa tsa jukünatha eno Paw tungkupmi junuqhi ke.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

IBRIMI 11:6

Aküpülü küha keloye Alhou mlo kiqipu shimlae, kughengu khuu no Alhou lau ighini keno pa ye Alhou ye acheni eno Pa phu ighi kemi Pa no asaxü tsücheni kepi pülülu masae.

1 Thes. 2:15

Jewmi no Ampeu Jisü eno tungkupmi ghiqhive, eno ningu hapheve, Alhou pulou kumo shive, eno timi kümtsü ghümi shino

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

KUKAMI ATUGHIU 18:13

Jezebel no Ampeuw tungkupmi heqhi akelo I no pano 100 pesü amqo kini shino atuki lo küsüve no asho ngo azü panongu tsükeu ghili I mpeu vilo pimphi keshea?

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,

Apostolmi 5:41

Apostolmi no hoho zülono cheve no Jisü je ghenguno akukujo ithulu küzüpu shikehu alokivi shive.

MATTHEW 6:16

“Kughou nongu no kümvüni keno keghilishi kemi toi nongu ye khümüi keu ju piye kevilo, kughengu panongu ye kümvü anie pi timi pelo ithulu peniye panoqo gi mu phamono thibui piye cheni. Kuchou no I no nongu vilo piani, panongu ye pano jume qhoi ithulu khavae.

1 Kor. 3:8

Abo shosü keu ngo azü pusü keu pama gha athoe, pütüta no mlasü keu kiqi lono ajume ithulu nani.

Luke 6:35

Ikemu no ghümi kimiye lo, akivi mla lo, ithulu chileni keu kiumu lajumo no püna lo, eno nongu jume ye kije shi nani, nongu ye Shishe Akiqheu tianuli shi nani, kughengu Pa ye amlo lo shikimthikütsü küha kemi eno alhoksami lau ghi kimiyeqhiyi cheni.

BOTHUBO 15:1

Hipaqo shive kethiu, kungunhetsü lono Ampeu tsa Abram lau ighi: “Msa kevilo, Abram, Ni ye o züto ke; o saxü ye shishe kije shi nani.”

NEHEMIA 9:26

“Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

Apostolmi 16:25

Zübumta lo Paul ngo Silas pama no Alhou lau akighini shi ale phe akelo akughumi kütami no inia,

Luke 13:34

Jerusalem, O Jerusalem, tungkupmi pithive tsü chekeu eno khunoqo tile puwuni keno atu pesü veqhive tsü chekeu phughi! Ni ye khijeta awuqu no achishibo qholo ati vakütsü keshi o nuliqo hekütsüni shiche kela, ikeghi nono pulomoe!

JEREMIYA 2:30

Ni ye adou lono no tianuliqo heqhivae; panongu no shikithe kütsü ikhilu tsümoe; abongshuu yiküsa toi nongu züta no now tungkupmi ghiqhivae.

LESHELE 19:11

Tinguno alau, tipaqo vecheo O qemi ghutulu cheni; ti papelu keu lo asaxü kije ani.

YEKIKITHI AKINIU 16:10

Asa no tungkupu shou amlo ideve no pa küghape ayikichhe no tshüpe qhive. Eno hipa ghuloki lono Asa no timi khami ghi ghimeve.

KUKAMI ATUGHIU 18:4

eno kughou Jezebel no Ampeuw tungkupmi heqhi akeno Obadiah no pano 100 sasü amqo kini shino atuki lo küsüve eno asho ngo azü pesü panongu loji.)

JEREMIYA 26:8

Kughou Jeremiah no Ampeu no timiqo vilo pi penike azah tsükeu pitave keno, achinemi ngo tungkupmi eno timi kümtsü no pa tsüqü luve no pi, “No ye thi nani!

KUKAMI ATUGHIU 22:8

Israel kükau no Jehoshaphat vilo pi, “Ampeu lau ighiju luni keu milakhi Imlah nu Micaiah aphi, ikemu ni ye pa mithie, kughengu pa ye alhoksa thono I ghenguno khilemu tungkuptsa akivi pitsü chemoe.” Jehoshaphat no pi. “Akükau ye tishi pikepu kumoe.”

KUKAMI ATUGHIU 21:20

Ahab no Elijah vilo pi, “I ghümi, no ye I phuluve akea?” Elijah no khochile, “Iyei, I no o phuluvae kughengu no ye Ampeu zülo kiu no achipi kumo keno shinike o jesüvae.

IBRIMI 11:26

Egypt küakini nguno Khristo ghenguno tichetighe xapu keu no akijeu kepi pa no kiqilue, kughengu pa ye asaxü shou jupuku cheke.

KUKAMI AKINIU 1:9

Ikehu akükau no ghüshimi lhopungu shou kepten gholo paw ghüshimi lhopungu Elijah lau puwu. Elijah no atoghi kütsüqa lo ake lono pa no ighi no pi, “O Alhouw timi, akükau no, ‘Hilau iqighi lo,’ ipi ani.”

KUKAMI ATUGHIU 19:2

Jezebel no Elijah lau pi puwu, “Thoghiu hipa ghuloki lo I no o küxü pesü nono tungkupmi lau shike toi shimo aye, alhouqo pelo niu heqhi pithive peniu.”

JEREMIYA 37:14

Jeremiah no pi, “Ti ye akimki; Ni ye Chaldeami lau wu chemoe.” Ikemu Irijah no pa tsa ini tsümo, eno Jeremiah küghape hiyampemi lau ighi.

FILIPIAMI 1:29

Kughengu Khristo je ghenguno nongu ye Pa pülüni keu likhi kumono Pa ghenguno imeni keu do kivi ghi kophepe nongu tsüvae,

IBRIMI 10:34

Nongu no akughumi gholo ime küqha, eno alokivishi no küakini ghi sükishe luvetsü peke, kughengu nongu ye küakini akiviu eno pülhapuju acheni keu thime aphi kepi nongu no ithi ake.

IBRIMI 11:33

aküpülü vecheo panongu no kükaqha lelu, kuchou xakütha peitha, pikiqhitsa ithulu, abongshuu baxa lakhalu,

James 5:10

Athiküzümiqo, aghime lo kheakulu shinike kichekipiye shi tungkupmi khunoqo Ampeu je lono piche keno, panongu kümsülu lo.