MATTHEW 5:10 - Sumi Naga CL (Re-edited) Bible (BSI)

¹⁰ “Achipiu mikucho ghenguno khuno ghimeni keno akümghapue, kughengu kungugha yekipe ye panow ke.

BAIBEL (BSI)

¹⁰ ‘Achipiu-mikucho shikeu ghenguno kutamino ghimeqhikemi kumghae, kughengu Kungugha yehkipeye panoqo wuke!

Sümi Tiqhelimi Bible

¹⁰ Achipiumikucho ghenguno pishi-puju ache kemi kümghae, kughengu kungugha kükaphu ye panoqow ke.

MATTHEW 5:10 Referans Kwoze

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,

MATTHEW 5:3

“Aghungu lo kumlhomi shikemi kümghapue, kughengu kungugha yekipe ye panow ke.

Luke 6:22

“Kughou Timi Nu ghenguno timi no nongu mithini, eno nongu hapheve no thaigha ghi atichepu shi nongu juaje shitsüni keno, nongu ye akümghapue!

2 Tim. 2:12

nino puqhekulu shi aye, ningu ghi pa gholo ka nani; nino pa milive aye, pa ghi ningu milive nani;

FILIPIAMI 1:28

thono kiu lonomu nongu mjochile chekemi pelo shikümsave penishi amoe. Hi no panongu kütsaveni keu michipue, ikemu nongu ghenguu ye hi no Alhou launo ighikeu xakulupu ke.

Luke 21:12

Ikemu hi kümtsü züuno nongu küghape kijipüsa nani, sinagog yepemi u lo süve no akughuki lo süve nani, eno I je ghenguno nongu sasü kükami ngo angh zülo wu nani.

John 15:20

I no nongu vilo pikeu tsa kümsü lulo: ‘Aqemi ye pa mpeu nguno akijeu kumoe.’ Panongu no I pishipuju aye, nongu ghi pishipuju nani. Panongu no I tsa pelu aye, nongu tsa ghi pelu nani.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

2 Tim. 3:11

Antioch, Iconium, eno Lystra lo I shikighime keu eno I ghime kümtsü, I no kishi ghichheghime puqhe eno Ampeu no ti kümtsü lono I xaphe keno nono ithi ani.

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

LESHELE 37:12

Kixikilami no amikuchomi shou küsüqe no ahu tsüghü piye cheni,

Mark 10:30

asaxü ithulu nani. Hipa tiqheli lo eno ighini keu lhokta küxü lo pa no itehi akibo, athiküzü acheli, aza, atianuli, aki alu akeu nguno, eno kijiküpsa ghi süküqha no, ghuthu aqhe piqi ithulu nani.

Luke 6:20

Tishino pa no akhopemi lau jupuwo no pi: “Nongu khunono kumlhomi keno akümghapue, kughengu Alhou yekipe ye nonguw ke.

MATTHEW 10:23

Kughou aphughi lakhi lono nongu pishipujuni keno, kütau lakhiu lo povelo, kughengu I no kuchou no nongu vilo piani ke nongu no Israel lo aphughi kümtsü lo wumphi lono Timi Nu ighive nani.

1 John 3:12

Ningu ye Cain toi kepu kumo, pa ye alhoksau laumi eno pa thiküzüu Abel heqhi pithive. Pa ye kushiye pa thiküzüu heqhi pithive kea? Kughengu pa kümla ye alhoksa likhi eno pa thiküzüu kümla no amikucho kehue.

Apostolmi 8:1

Saul no Stephen pithive keu lo pulo tsüe. Tipani no Jerusalem lo akukuhou kijiküpsa kije ipeghive. Apostolmi thono küpülümi kümtsü Judea ngo Samaria qhalo apanagha kuhave.

Apostolmi 5:40

Panongu no apostolmi kusü no küghape heqhi püzü khilemu Jisü je lono timi pütsa kevilo pi mtotoi azah tsüve no puwuve.

ISAIAH 66:5

Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

MATTHEW 19:14

ikemu Jisü no pi, “Itimiqo lakha kevino panoqo pelo I lau ighi pelo, kughengu Kungugha yekipe ye hitoi kemi salake.”

Mark 10:14

Ikemu kughou Jisü no ti ithulu keno, pa ye aghaideve no panoqo vilo pi, “Itimiqo pelo I lau ighi pelo; panoqo lakha kevilo, kughengu Alhou yekipe ye hitoi keqo salae.

Luke 22:29

ikehu I Pu no ayekipeqha I tsüke toi I no nongu tsü ani.

James 5:11

Julo, khunoqo no puqhekulu keno, tipaqo ye akümghaue pi ningu no kihi cheni. Job no puqhekulu shikeu nongu no chiluvae, eno ashekha lo Ampeu kimji kiu akeno ithuluvae. Pa ye amlo ighiqhiyi eno kimiyekini ke.