MATTHEW 3:3 - Sumi Naga CL (Re-edited) Bible (BSI)

³ Kughengu khaghi Isaiah tungkupu vecheo ishi pikeu ye pa ghenguno ke, “Yenguyi ke-a lo milakhi no ighamku ani: ‘Ampeu ghenguno ala kutolo; pa laghi müzüchoi shitsülo.’”

BAIBEL (BSI)

³ Isaya tungkupuno puzuuno ishi pipuakeu huye Johan vehu pipuanike: “Khukelano timi kughunamo keu-a lono ishi asheshu anie, ‘Ampeu laghi kutope qhilo, pano wuniye akeu laghi mzuchoyi shitsulo.’ ”

Sümi Tiqhelimi Bible

³ John ye tungkupuu Isaiah vechewo ishi pipüa keu hu ke: “Küghünamokeu-a lono asütsa lakhi no ishi ighamuku anie, ‘Ampeu ghenguno alaghi ghepe qhitsülo, pa no wu kepu laghi müzüchoi shitsülo.’ ”

MATTHEW 3:3 Referans Kwoze

ISAIAH 40:3

Asütsa lakhi no piani: “Ampeu sala yenguyike-a lo alaghila kutolo; ni Lhou ghenguno asayeqha lo ala müzüchoi shitsülo.

MALAKI 3:1

“Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

John 1:23

Pa no pi, “Isaiah tungkupu no pipüa ketoi, ‘Ampeu laghi müzüchoi shitsülo’ ipi asayeqha lono ighamku keu sütsa huno nike.”

Luke 1:76

Anu, no ye Shishe Akiqheuw tungkupu kepi ku nani; kughengu nono Ampeu züuno pa laghi kuto tsünike wunani,

Luke 1:17

Pa no Elijah nguagha eno küka lono apuaza pelo atianuli lau tsüghü ighi, eno hekibidemi pelo amikuchomi laghi lo ighi penike Ampeu züuno wu nani, tishikeu lono Ampeu ghenguno timiqo kutope qhitsü nani.”

Mark 1:3

Yenguyi ke-a lo milakhi no ighamku ani: ‘Ampeu ghenguno ala kutolo; Pa laghi müzüchoi shitsü lo,’”