MATTHEW 3:2 - Sumi Naga CL (Re-edited) Bible (BSI)

² “Xaidelo, kughengu kungugha yekipe ye kupunuvae.”

BAIBEL (BSI)

² “Axine lono Alhou lau xaideighivelo, kughengu Kungugha yehkipeye kupunuvae!” ipi pano pie.

Sümi Tiqhelimi Bible

² eno ishi pi, “Amlo pebidelo kughengu kungugha kükaphu ye kupunú ighivae.”

MATTHEW 3:2 Referans Kwoze

MATTHEW 4:17

Hipa ghuloki lono huthusü Jisü no ishi kütsü thuve, “Xaidelo, kughengu kungugha yekipe ye kunupu khoivae.”

Mark 1:15

“Ado ye kupuvae, eno Alhou yekipe ye kupunuvae, xaidelo eno atsakiviu pülü lulo.”

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

Luke 24:47

eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae.

MATTHEW 6:10

O yekipe ighilo, kungugha lo toi ayeghi lo ghi O pulou shilo.

2 Kor. 7:10

Kughengu Alhou küdau no amloghime peitha luve keu no aküxü xaidelu no xakulupu lo sawu cheni eno tile kümsüchile kepu kühae, ikemu ayeghilo mloghime no akithi süghi cheni.

MATTHEW 10:7

Nongu no wuche kelo ishi sheshu lo, ‘Kungugha yekipe ye kupunu khoivae.’

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,

Luke 15:10

Tihutoi I no nongu vilo piani, axinemi lakhi no xaidelu keu lo Alhouw kungumi gholo ghi alokivi kije acheni.”

Luke 13:3

Moe, I no nongu vilo piani; ikemu nongu no xaidemo kelo nongu kümtsü titoi pühave nani.

Luke 11:20

Ikemu Alhou no au chhosü keu vecheo I no tüghami haphe aye, Alhou yekipe ye nongu lau ighivae.

2 Peter 3:9

Timi khami no Ampeu ye Paw pikiqhitsa shikupuni keu lo asheshi kepi kihi cheni, ikemu Pa ye asheshi mono nongu lau kheakulu shi ani, Pa ye khuu pelomu pühave penishimo kemu kümtsü pelo xaideghilu penishi kehue.

Apostolmi 17:30

Mthake ghuloki loye Alhou no jukümghale ighivae, ikemu itehi ye Pa no aqha kuchopu lo timi kümtsü vilo xaide lopi azah tsü ani,

Apostolmi 11:18

Panongu no hi chilu kelo inaqhoive, eno Alhou sheqhe ghi pi, “Tishiaye Alhou no Jewkumomi lau ghi aküxüpu lo wulu kepu xaidekulu tsüvae.”

Apostolmi 2:38

Peter no panongu vilo pi, “Nongu xine qhivetsü kepushi xaideghi no Jisü Khristo je lono baptiz shilulo, eno nongu no Aghungu Kimthe gho ithulu nani.

Luke 6:20

Tishino pa no akhopemi lau jupuwo no pi: “Nongu khunono kumlhomi keno akümghapue, kughengu Alhou yekipe ye nonguw ke.

MATTHEW 13:52

Pa no panoqo vilo pi, “Tighenguno Ayezah shikükami khuu pesü kungugha yekipe ghenguno qophe luve akeno, pa ye aki mpeu toike. Pa kinikhuki lono thime kiu no akithe eno kiu no aqa keno kümtsü ikhiphelu cheni.”

MATTHEW 13:47

“Itaghi kungugha yekipe ye akhame lakhi azüghi lo vesü kelo akha jeli kümtsü velu chekeu toike.

MATTHEW 13:33

Itaghi Jisü no kimghikipiye kütau panoqo vilo pi, “Kungugha yekipe ye kholaqhi toike. Totimi lakhi no ti au kichhi lakhi pewo ashomkhu ashoghi kichhi lakhi gholo xukütshü kelo ti kümtsü ingu ipeghive chekeu toike.”

MATTHEW 12:41

Küghakütha lo Nineveh phughimi no ithu hipa tiqhelimi akipimi tsü nani, kughengu panoqo ye Jonah shekushu vecheo xaide ke, eno julo, Jonah nguno akijeu kiuala hile ani.

2 Tim. 2:25

eno mtshaminhei pa mjochile kemi shikithe tsü masae. Ishiake Alhou no pano pelo amlo xaidelu no kuchou ithilupe nani,

Kolosiami 1:13

Pa no aküzü yekipeqha lono ningu xaphelu no petsüghü sawo Pa qhuu Nu yekipe lo ighike.

Apostolmi 20:21

Jewmi eno Greekmi vilo ghi Alhou lau xaide ighi no ni Mpeu Jisü Khristo pülü penike thopi shi püani.

Luke 15:7

Tihutoi I no nongu vilo piani, kungugha lo amikuchomi lhotoku-toku khuno müzülo xaidekulu avehupu shimoa keno, tipaqo ghenguno alovi keu nguno axinemi lakhi xaidelu keu lokiviu paje nani.

Luke 13:5

I no nongu vilo piani, kumoe; ikemu nongu no xaidemo kelo nonguu ghi kümtsü titoi pühave nani.”

Luke 9:2

eno Alhou yekipe sheshu eno küsükini shipivi penike panoqo puwu.

Mark 6:12

Ikehu akhopemi no wu püzü timi kümtsü no xaide masa keu tsa pesü sheshu.

Mark 1:4

John no yenguyi ke-a lo baptiz shisü ighi eno axine qhitsü kepushi Alhou lau xaide ighi no baptiz shilu penike sheshu.

MATTHEW 5:10

“Achipiu mikucho ghenguno khuno ghimeni keno akümghapue, kughengu kungugha yekipe ye panow ke.

MATTHEW 5:3

“Aghungu lo kumlhomi shikemi kümghapue, kughengu kungugha yekipe ye panow ke.

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

JOB 42:6

tighenguno I no ni ampi ju aghaide ani eno ayevu amkhu shi xaideghi anie.”

Piyeküsü 2:21

I no li pelo xaidelu penike ado tsü kemu li ye asalha xine lono xaideni keu milive ke.

MATTHEW 13:31

Jisü no kimghikipiye kütau panoqo vilo pi, “Kungugha yekipe ye timi lakhi no alu lo aghanethi vesüke toie.

MATTHEW 13:11

Pa no khochile, “Kungugha yekipe tuqhou ithi penike nongu lau tsüvae, ikemu panoqo lau ye tsümphi.

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

Piyeküsü 2:5

Tighenguno no ye khileno ikiqive akeno kümsü lulo; xaidelo, eno atüghü lo nono kiu mlache keno tipau shilo. Nono xaidemo keloye, I no o lau ighi no o kulukibepu hu tipa-a lono ikhivetsü nani.

IBRIMI 6:1

Tighenguno ningu abothu lo Khristo ghili pekishe chekeqo nguno alau tekhoike küdau wuni nolo, akithi kümla lono xaidelu keu eno Alhou lau aküpülü belu keu boqha qhakithe moni,

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

MATTHEW 22:2

“Kungugha yekipe ye kükami lakhi no pa nu ghenguno külakupu ghulhu kutotsü ketoi ke.

MATTHEW 25:1

“Kungugha yekipe ye ilimi chighi no akulu pesü külapuu kusho niye wukeu toi nani.

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.

MATTHEW 20:1

“Kughengu Kungugha yekipe ye aki-alu pighimi lakhi no pa tsailu lo hupenike ajumi piqe niye inaqhe itheno kapewu ketoie.

MATTHEW 18:23

“Tighenguno Kungugha yekipe ye kükami lakhi no pa qemi sasü kihikülai juniye aketoie.

MATTHEW 11:20

Tishino Jisü no aphughi khipaqo lo pa no akümzapu kümla shipüa keno, tipaqo no xaidemo kehu sakiyi thuve.

KUKAMI ATUGHIU 8:47

ikeghi akughu shiake yeghi lono panongu no amlo pebide no xaide püzü, ‘Nino axine shivae eno kixikila shi xüighivae,’ ipi qhüiniju aye,

Luke 21:31

Titoi kughou nongu no thime hipaqo huthuuve keu ithuluni keno, Alhou yekipe ye cheae pi ithive lo.

Luke 16:30

Pa no pi, ‘Moe, apu Abraham, khuana thive keu huno ithu pi aye, panongu ye xaide nani.’

MATTHEW 25:14

“Kungugha yekipe ye timi lakhi no kicheghüzü lo wuve niye pa qemi kukumqo no pa küakini kulhuqhi tsüve ketoi ke.

MATTHEW 13:24

Jisü no kimghikipiye kütau pesü panoqo vilo pi, “Kungugha yekipe ye timi lakhi no apiti kivi pesü pa lulo xusüke toie.

MATTHEW 4:23

Jisü no Galilee qha kümtsü lo wuno sinagog lono timiqo shika, kungugha yekipe tsakiviu pesü sheshu, eno aküsü aghime jeli kümtsü shipivi tsü.

Luke 1:16

Pa no Israelmi kutomo sachile sawo Ampeu pano Lhou tsü nani.

JOB 39:12

Pa ye o sala athi ghokütsü pe aniqa lo qhitsülu nanie pi no ye pa lau aküpülü ani keshea?