MATTHEW 27:51 - Sumi Naga CL (Re-edited) Bible (BSI)

⁵¹ Eno julo, achineki lo kokütha tozü shi nhaqhiphi achekeu ye akütsüqa lono abophi kutolo ala kini shi ixü kütüta shive. Tishino ayeghi itha thuve eno atuquqo no ipo kütüta shive.

BAIBEL (BSI)

⁵¹ Tileno Judami chinekilo kokuthabo phi atsuqa lono abophi kutolo ala-kini shi suxu kututashive. Ayeghi sukughutha eno atuquqono ipokututa shive,

Sümi Tiqhelimi Bible

⁵¹ Tishi kemtsa, achineki lo nhaqhiphi hu no atsǜqo lono abò kutólo ixü kütüta kini shive. Ayeghi no itha, atuqo no amta lono ipokütüta shive

MATTHEW 27:51 Referans Kwoze

Mark 15:38

Tileno achineki lo kokütha nhaqhiphi ye akütsü lono abophi kutolo ixü kütüta shive.

IBRIMI 6:19

Ningu ye lajupu hipau angulhow thebei eno ithamo keu yiküba toi ani, lajupu hi no nhaqhiphi thiu alou chebo lo ilocheni,

Luke 23:45

ti ye khetsünhe küvü no hailove. Achineki lo nhaqhiphi no ixü kütüta shive.

Piyeküsü 11:19

Tileno kungugha lo Alhou chineki khaqhi eno tilehi Paw Puloshoqhi bohu akeu ithulu. Ikelo tsütsüküsü küvü no phaphashi, vekipighi igha, ayeghi no ilüuve no mürasü kuloghi ghuqhi thuve.

MATTHEW 27:54

Ghüshimi aqhe shou zatsüu eno pa gholo akeqo no Jisü khekuto akelo ayeghi küghütha eno tile kiu shive keno kümtsü ithulupe thüghüive no pi, “Pa ye kuchou no Alhou Nue!”

MATTHEW 28:2

Tile ayeghi küghütha kije ighi, kughengu kungugha lono Ampeuw kungumi iqighi no atulupha tukulove no tipau shou iqave.

ISAIAH 25:7

Eno ashiaye ngo shiye kümtsü nhape achekeu akithi hu Pa no hipa toghi lono munove nani.

Piyeküsü 11:13

Tipa tüqhüdo lono shishe ayeghi ilüuve, eno aphughi kikije chighi lo lakhi ye kütsave. Ayeghi küghütha lono timi 7,000 thive, eno achili aghi keqo ye thüghüive no kungugha Lhou lau ajekipi juküvü tsüe.

IBRIMI 9:3

Nhaqhiphi akiniu thiu Shishe Akimthe-a ipikeu akiniu bocho ache,

HABAKUK 3:10

Naghutoqo no No ithulu no thüthüshi; azü no fuchighi qowu; azükutho no mqhomzai ipeghi no azü fukuchope qhemghai süqhe.

YEKIKITHI AKINIU 3:14

Pa no tsülabei, hughai, hughüi, eno amekusho phi pesü nhaqhiphi mla, eno tile cherubim shisüpe qhie.

ACHINE 21:23

ikemu pa ye aphimpi lo tukutiye ani kehu nhaqhiphi phivilo momu akiptia kupunu ighi moni. Pa ye I kimthe nhemgha shipixi moni, kughengu Ni ye tipaqo shikimthe chekeu Ampeu ke.”

HABAKUK 3:13

Nono Ow timi, nukishe luve keqo xaluni ke ghenguno wuke. Nono kixikila kibo lo atou chunuqhi, eno pa kütsü lono apukhu kutolo aphikümsa shivetsü.

LESHELE 18:15

O Ampeu, Nono alomipi kelo, O nigipe lono atuthu shephe kelo, azüghi qowu akeqo ithulu, eno ayeghi boqha vezaleive.

LESHELE 18:7

Tile ayeghi no khokhoshi eno itha thuve; naghuto boqha ghi süküghütha eno ithauve, kughengu Pa no axuideve ke.

ACHINE 16:2

eno pi, “O mu Aaron vilo ado kümtsü lo nhaqhiphi thiu Akimthe-a lo Puloshoqhi bohu shou kimiyekini lakhü zülo ighi kevilo pilo, tishikeu lono pa ye thimo nani. Kughengu Ni ye tipa shou khüngküsü lono ipeghi nani.

IPEKULU 40:21

Eno pa no puloshoqhi bohu pesü Ampeu kungo phiki lo ilo no nhaqhiphi pesü nhave, eno Ampeu no Moses azah tsüke toi, puloshoqhi bohu lo ashepe nhape qhive.

AKIKIHI 4:5

Kughou aghazü iqeve kepu shini keno, Aaron ngo pa nuliqo no ilo nhaqhiphi xape Puloshoqhi Bohu khonhani.

Luke 23:47

Aqhe shou zatsüu no ti kümtsü ithulu no Alhou sheqhe, “Mtsüqheino timi hipau ye akipimi küha kena!”