MATTHEW 27:31 - Sumi Naga CL (Re-edited) Bible (BSI)

³¹ Pa thaigha tave kethiu, panongu no hughüike phi xaluve, eno pa phimini puuve no yeda nike sünhe sawuve.

BAIBEL (BSI)

³¹ Pa thaigha tave kethiu, panonguno lahuphi hu xaluve, eno pa- phimini pu-uve, eno kros lo pa yeda nike sunhe sasu wuve.

Sümi Tiqhelimi Bible

³¹ Panongu no pa junuqhi tave kethiu, chijeboboi-phi xave tsü püzü paw tiphimini pesü pa pu-uve. Tisheno pa yedave nike sasü wuve.

MATTHEW 27:31 Referans Kwoze

ISAIAH 53:7

Pa nedaqoda eno ghimeqhi ke, ikeghi pa ye atsa lakhimu piqhimoe; ambeti lakhi hekiqhiki lo sawu cheke toi, eno ambe no pa mhi ghoche kemi zülo inaqhoi ngo ketoi Pa ye atsa lakhimu piqhimoe.

IBRIMI 13:12

Titoi Jisü ghi pa likhi pa ji vecheo timiqo shikimthe tsüniye khagho nguno khalau no pithive.

Apostolmi 7:58

Eno aphughi khalau pa sünhephe no atu pesü veqhi pithive. Tishino thopimi no pano phi xape apumi lakhi Saul ipikeu pukhu philo qhitsü.

MATTHEW 21:39

Ikehu panongu no pa tsüqü luve eno atsailu lono khalau vephe no pa pithive.

KUKAMI ATUGHIU 21:13

Eno küsaküghami kini no ighi no pa zülono timiqo küa lono Naboth nguku, “Naboth ye Alhou ngo akükau ghushovae.” Ikehu panongu no pa sasü aphughi khalau ipe no atu pesü veqhive.

KUKAMI ATUGHIU 21:10

Eno küsaküghami kini pesü pa zülo küghüqa no pama pelo pa nguku pelo, ‘No ye Alhou ngo akükau ghushovae.’ Tishino pa sasü aphughi khalau ipe no atu pesü veqhive lo.”

John 19:27

Pa no akhopeu vilo pi, “Hi no o zake!” Tinguno tilauno akhopeu huno li sasü pa kilo wove.

John 19:16

Tighenguno pa no Jisü yedave penike panongu u lo süvetsü. Tighenguno panongu no Jisü sawuve,

MATTHEW 20:19

eno ashiaye kütami pelo thogha eno heqhi püzü yedave penike tsüve nani. Tishino pa ye aküthüni no xüputhu nani.”

AKIKIHI 15:35

Tile Ampeu no Moses vilo pi, “Timi hu pithivelo; aqoaho kümtsü no aghazü khalau no atu pesü pa veqhive lo.”

MATTHEW 26:2

“Hechekulu Ghulhu shini keu ghulo kini likhivae pi nongu no ithi ani, eno Timi Nu pesü kros lono yedave penike pephe tsüveni cheni.”

Mark 15:20

Kughou panongu no pa süqoqhive keno, panongu no hughai keu hebephi puu püakeu xave tsüno pa phimini pipeve, eno yedave nike pa sünhe saipeve.