MATTHEW 25:41 - Sumi Naga CL (Re-edited) Bible (BSI)

⁴¹ “Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

BAIBEL (BSI)

⁴¹ Tileno pano pa-u piyiu akeqo vilo ishipi nani,”Ilauno chevelo, nongu Alhou no musuinivekeqo! Tughami ngo pawu kungumiqo ghenguno alhomi kutope puakelo ilovelo!

Sümi Tiqhelimi Bible

⁴¹ “Tishi no pa no pa u piyiu akeqo vilo pi nani, ‘I lau no wuvelo, nongu ghushove no alhomi lo tüghami eno paw kungumiqo ghenguno kutò pe qhive kemiqo.

MATTHEW 25:41 Referans Kwoze

2 Peter 2:4

Kughengu kungumi thotsü axine shive kelo Alhou no süchile mono panoqo pesü küghakütha tsala tomoke kutolo ayikha no tshüpe aküzü qokutho lo qhive aye;

2 Thes. 1:9

Panongu ye lhokta kütsakungo keu ghime sholu nani, Ampeu zülono eno Pa kumto jekipi lono hapheve nani,

MATTHEW 13:42

eno panoqo pesü amiqo lo vesüve nani. Tile küqa kumlo eno ahu tsüghü bubushi nani.

MATTHEW 13:40

Alupiqo thaqhü piqhe küqhape ami lono pitive ketoi, tiqheli shekuho lo ghi titoi nani.

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

MATTHEW 7:23

Tileno I no panongu lau shuphe nani, ‘Ni ye khilemu nongu mthae; nongu ayezah heküxamiqo, I launo chevelo.’

MATTHEW 3:12

Pa ye athi gholono amuu kütashi fuleve no pa niqa shikimtheve nike pa u lo aphighi pe ani, eno pa no pa thi pekütsüpe ale lo süve nani, ikemu amuu ye pa no ghapinhe kümlapu mi lono pitive nani.”

IBRIMI 6:8

Ikemu tile asahu ngo alupi thuipeghi aye, ti ye ameküha eno ghushove ke paphi shive cheni, eno ashekha loye ami no pitive kepu shive cheni.

MATTHEW 13:50

eno panoqo ye pesü amiqo lo vesüve nani. Tile küqa kumlo eno ahu tsüghü bubushi nani.

ISAIAH 66:24

“Eno panongu no kuwolau ye khunono I mjochile keno tipaqo kithi kumo ithulu nani. Kughengu panoqo kumo lo apitheqo ye khilemu thimo nani, eno ami no panoqo piti akeu khilemu inhemo nani. Panoqo ye timi kümtsü lau aphikümqhüpu shi ache nani.”

1 John 3:10

Khunono Alhou nuli eno khunono tüghami nuli keno hipau lono michilu ani: achipiu-mikucho pesü xümo kemi ye Alhou laumi kumo, tike kumo athiküzümi kimiyemo kemi ghi Alhou laumi kumoe.

Luke 16:24

Pa no ighamku, ‘Apu Abraham, I kimiyekütü tsülo, ni ye ami no piti keu ghime puqhemla no anike Lazarus puwu no pa uloti no azü lo chosü püzü I mili dikumko tsü pelo.’

Luke 13:27

Ikemu pa no pi nani, ‘I no piani, ni ye nongu no khilau no ighi ani keno mthae. Nongu alhoksa kümlami, kümtsü I launo cheve lo!’

MATTHEW 25:46

Panongu ye alho ghimepu lo ilove nani, ikemu achipikaluve keqo ye lhokta küxü lo wu nani.”

MATTHEW 18:8

O u momu o pukhu no o pelo axine shipe aghi aye michepe pevelo. O ghenguno apukhu momu au xapusü alhomi lo vesüve pekepu ye apukhu momu au lakhi kühano aküxüpu lo ilove keu pavie.

MATTHEW 5:22

Ikemu I no nongu vilo piakeu ye khukhumu pa thiküzümi shou amloide keu ye küghaküthapu lo ilo nani; eno pa thiküzümi thaigha keu ye hoho lau khochile masa nani; eno itaghi khukhumu kütami vilo ‘No aghüzüu’ ipikeu ye aghimepu mi pesü küghatha nani.

JEREMIYA 17:5

Ampeu no ishi piani: “Khuu no timi shou pükhübeni, aphimpi kumto pükhüni eno Ampeu launo tsüghüveni keno müsüinivae.

LESHELE 139:19

O Alhou, Nono küsaküghami ghiqhive tsüke aye lae! O ajiküxümi, I launo chevelo!

LESHELE 119:115

I launo chevelo, nongu alhoksa kümlami, tishiaye ni ye I Lhou zakütsü papelu nani.

LESHELE 119:21

O zakütsü lono pove keqo, aqheküzami, müsüinive keqo Nono sakiyi cheni.

LESHELE 6:8

Nongu alhoksa kümlami kümtsü I launo chevelo, kughengu Ampeu no I küqa sütsa chiluvae.

MATTHEW 4:10

Tileno Jisü no pa vilo pi, “Chevelo, Satan! Kughengu ishi yepüani, ‘No ye Ampeu o Lhou mlla lo eno pa likhi huthu lo.’”

MATTHEW 25:42

Kughengu I no müzüthi akelo nongu ye achuqupu I tsümoe, I no tüghüthi akelo nongu ye yekepu I tsümoe,

2 Thes. 1:7

eno aghime sholu akemi ngo ningu lau ghi Pa no alokughuno tsü nani. Hi ye kungugha lo Ampeu Jisü, Paw kungumi akumtomi gholo pephe kelono tishi nani.