MATTHEW 25:35 - Sumi Naga CL (Re-edited) Bible (BSI)

³⁵ Kughengu I no müzüthi akelo nongu no achuqupu I tsü, I no tüghüthi akelo nongu no yekepu I tsü, I no inami shi akelo nongu kilo I sasü,

BAIBEL (BSI)

³⁵ Kughengu ino muzuthi akelo nonguno achuqupu itsu; ino tughuthi akelo nonguno yekepu itsu; ino inami lakhi shi akelo nongu kilo isasu;

Sümi Tiqhelimi Bible

³⁵ Kughengu I no müzüthi akelo nono chu kepu hami I tsüke, I no tüghüthi akelo nono shokepu hami I tsüke, I no inami shiche kelo nono I sasǘ tsüke.

MATTHEW 25:35 Referans Kwoze

EZEKEL 18:16

khumu shikughujumo, aküna shoqhi lumo, kiumu pükamo, ikemu müzüthi akemi lau pa sho tsü eno akuuphi pesü aphikümsa shi akemi pipe,

EZEKEL 18:7

khumu shikughujumo, ikemu apiagha kupumiw aküna shoqhi tsüchileve, kiumu pükamo, pa sho pesü müzüthi akemi tsü eno aphimini pesü aphikümsa shi akemi pipe,

IBRIMI 13:16

Akivi mlani keu kughucho kevilo eno nongu no akeu pesü küsaje kilelo, kughengu titoike ghakishi no Alhou lopuke.

James 1:27

Apu Alhou zülo tsüghükhüi eno shipuqo mokeu chineye ye hike: mighimi eno chimemi no aghimeshi akelo xujuni keu, eno ayeghi pelo shikitiqe pemoni keu ke.

Rommi 12:13

Küpülümi vehupu lo qhasü tsülo eno pütüta ki lo shoinami sasükinimi shilo.

JOB 31:32

(ni ye shoinami lau I hukikha khaqhitsü ighie; kupokicheu ye alaghila lo zü püamoe),

Rommi 12:20

Tipa züqhulo, “o ghümi no müzüthi aghi aye pa loji lo; pa no tüghüthi aghi aye kiuala yekepu tsülo; kughengu nono tishikeu huno ami kuchughei keu hipe pa kütsü lo pukutsü keshi nani.”

IBRIMI 6:10

Alhou ye achipiu kehu nongu no akümla eno kikimiye, Pa je lono küpülümi lau pephe püakeu eno itehi kutolo mu tishi akeu juzüvetsü nanike kumoe.

Philemon 1:7

I thiküzüu, ni ye o kikimiye lono alokivi eno alokughuno shishe ithuluvae kughengu o vecheo küpülümi ghüthi püxü tsüke.

1 Tim. 5:10

li ye akümla kivi hitoike ghenguno ajuaje kivi aghi masa: atianuli akivishi saputhu kemi, inami sasü kinimi, Alhou qemi pukhu qhutsü kemi, shiluküsami kuphu kemi, eno thokha lo akümla kivi shi kemi.

Ephesiami 4:28

Hinguno hilau ye küpkami no aküpka qhivelo, tishi nike züqhu ichheime mu aphiau pesü amikucho lono mla chulo, tishikeu lono khuana avesa akeu lau küsajelu nani.

Rommi 16:23

Ni eno akukuhomi kümtsü saküsüu Gaius no nongu petha tsü ani. Aphughi kinipighiu Erastus, eno ni thiküzüu Quartus no nongu petha tsü ani.

Apostolmi 16:15

Kughou li no abolomi sasü baptiz shiluve keno, li no ningu kusü no pi, “Nongu no ni ye Ampeu pükhükulupu shivae pi xathalu aghi aye, ighi no I kilo ngolo.” Li no ningu pütsaqhi luve.

Apostolmi 11:29

Ikehu akhopemi no pütüta no toluke qhemi Judea lo athiküzümi lau akukuphu tsünie pi xathalu.

Apostolmi 10:31

eno pi, ‘Cornelius, o kighini eno nono kumlhomi kuphu chekeu hu Alhou no ikhiluve tsüae.

Apostolmi 4:32

Küpülümi kümtsü no amlo akükümsü lakhi shi, eno khunomu pa no kiu akeno ti ye paw ke ipimoe, ikemu panongu ye thokha kümtsü aqü shike.

John 13:29

Judas no pisabo puche kehu Jisü ye pa vilo “Aghulhu ghenguno ningu no kiu avehupu shiani keno qhüvelo,” momu kiu kiumu pesü kumlhomi tsü masae, ipi ani küghashi khami ye kümsüve.

Luke 11:41

Ikemu alou no ipeghi püzü kumlhomi tsülo, eno julo, nongu ghenguno thokha mithe ani.

Mark 14:7

Kughengu kumlhomi ye alhokuthu nongu no sasü anani, eno kugho kughomu nongu no pano lau akivi kümla shinishi kelo shilu nani. Ikemu nongu ye alhokuthu I sasü anike kumoe.

MATTHEW 26:11

Kughengu kumlhomi ye alhokuthu nongu gholo anani, ikemu ni ye alhokuthu nongu ani chemoe.

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

MICAH 6:8

O timi, kiu no alo keno Ampeu no o vilo pivae; kuchou xakütha eno iqemokeu kikimiye piyeni keu eno aqhokigheu lono nongu Lhou gholo checheni keu nguno alau Pa ye o launo kiu avehupu shi ani kea?

DANIEL 4:27

Ikehu, O akükau, I kükümsü o lau ikhikulupu shitsülo: achipiu mikucho pape keu vecheo o xine phevelo, eno aghime no qhasüpe akeqo lau kikimiye pephe keu vecheo ow küsaküghaqo phevelo, tishiaye ow küakini ye pepushu luvike.”

AHOLE 25:21

O ghümi no müzüthi aghi aye pa kughulhu lo, pa no tüghüthi aghi aye azü piyelo,

AHOLE 22:9

Tsü-jekini mlo ache kemi ye kumlhomi sasü achuqupu kijechu chenike ghenguno kümghatsü nani.

AHOLE 19:17

Ililai kumlhomi tsü-je kemi ye Ampeu püna ani, Pa no tipau ghenguno lochile nani.

AHOLE 14:31

Kumlhomi nedaqoda kemi ye pa Lhoküsüu thogha ani, ikemu aveküsami tsü-jelu keu ye Ampeu gihu ani.

AHOLE 14:21

Akisüghümi jukünatha chekemi ye axinemie ikemu süchile mono kumlhomi tsülu keu ye akümghapue.

KUKAMI ATUGHIU 17:11

Li no süghini ye wuche kelono pa no itaghi pi, “Asho ghi hami süghi tsülo.”