MATTHEW 23:8 - Sumi Naga CL (Re-edited) Bible (BSI)

⁸ Ikemu nongu ye shikükau lakhi ani kehu nongu pesü rabbi ipi kelau kumono kümtsü athiküzümi ke.

BAIBEL (BSI)

⁸ Ikemu kutami pelo ‘Kutsuchekeu’ ipi nongu kupe kepu kumoe, kughengu nonguye kutsuchekeu lakhi likhi ani eno nonguye lakhino lakhi sasu athikuzumike.

Sümi Tiqhelimi Bible

⁸ “Ikemu nongu ye ‘Rabbi,’ ipi ku kepu kumoe, kughengu nongu ye akükütsüu lakhi likhi ani, eno nongu kümtsü athiküzümi ke.

MATTHEW 23:8 Referans Kwoze

James 3:1

I thiküzümiqo, nongu kutomo no shikükami shikepu kumoe, kughengu nongu no ithi anike ningu khunoqo no shika cheni keno, ningu shou pachi küghathabe nani.

1 Peter 5:3

khunoqo pesü nonguw jukükütsü qholo kuchoqhi püatsü akeno, panoqo qhasü kevi, ikemu ambe loji lau kichekipiye shilo.

Luke 22:32

ikemu o küpülü itha pemoni ke I no o ghenguno inikhuvae. Kughou nono ideighini keno, o thiküzümi shikumto lo.”

MATTHEW 23:10

Momu ‘Qokipheu’ ipi kupe kevilo, kughengu nongu qokipheu lakhi, Khristo anike.

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

Piyeküsü 1:9

Jisü laumi shino aghime kitikhi shi Alhou kükaqha ghenguno kutuokutuu puqhe chekeu nongu küsau eno athiküzüu, ni John, ye Alhou tsape eno Jisü shepekishi ghenguno Patmos ipikeu züdoyeghi lo ake.

Piyeküsü 22:9

kemu pa no I vilo pi, “Moe, tishi kevilo! No eno o thiküzümi tungkupmi, eno khunono kaku hipau lo akeu tsaqo pecheni keno, tipaqo gholo nighi aqemi lakhike. Alhou mllalo.”

Piyeküsü 19:10

Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.

Ephesiami 3:15

Pa vecheo kungugha eno ayeghi lo akibo kümtsü je kutsü cheni.

2 Kor. 4:5

Kughengu ningu ye ningu ampi sheshu chenike kumoe ikemu Jisü Khristo ye Ampeu kepi sheshu cheni eno Jisü ghenguno nongu qemi shi acheni.

2 Kor. 1:24

Nino nongu küpülü qhasüpe anike kumoe, ikemu nongu lokivipu ghenguno nino nongu sasü mlaitha cheni, kughengu nongu ye aküpülü lo mtotoi acheni ke.

MATTHEW 26:49

Judas no mtazü Jisü lau ighi no “Petha lulo, Rabbi!” ipi püzü pa mümae.

MATTHEW 10:25

Akhopeu ye pa kükütsüu kimihi shilu keu no lukümkhae, tihutoi aqüaxeu ghi tishike. Timiqo no akibo mpeu vilo Beelzebul ipi kucheni aye, pa kibolomi kütami vilou ye kishi aje küsa tsünani kelae.

MATTHEW 23:7

Alhikishi-a lo kütami no pano sasü petha shi eno rabbi ipi peni keu no pano lokütüe.

MATTHEW 26:25

Jisü thechu niye akeu Judas huno pi, “Rabbi, ti ye ni keshea?” Jisü no pa vilo pi, “Nono piluvae.”

Mark 9:5

Peter no Jisü vilo pi, “Rabbi, ningu no hile aghi keu ye achipi shivae. Ningu apusho küthü mlani, lakhino o sala, lakhino Moses eno lakhino Elijah sala.”

Mark 10:51

Jisü no pa vilo pi, “No ye I pelo o ghenguno kiu shitsü penishi ani kea?” Anhecheu no pi, “Rabbi, ni ye ithulu kitheni shiani.”

Mark 11:21

Peter no kümsülu no Jisü vilo pi, “Rabbi, julo! Nono müsüini ketoi mububo huye thi-ilovae.”

Mark 14:45

Judas no Jisü phivilo ighi kemtsa pi, “Rabbi!” Eno pa mümave.

John 1:38

Jisü no idewo pama no pa pape cheghi keu ithulu no iniju, “Nokujo ye kiu phucheni kea?” Pama no pa khochile, “Rabbi” (tipa kiqi ye Shikükau), “no ye khile ani kea?”

John 1:49

Nathanael no pa khochile, “Rabbi, no ye Alhou Nu! No ye Israel Kükaue!”

John 3:2

Pa no putho lono Jisü lau ighi no pi, “Rabbi, nino ithi anike no ye Alhou launo ighikeu shikükami, kughengu Alhou aghimo keloye khunomu nono amchipu kümla shi akeqo shimlae.”

John 3:26

Panongu no John lau wuno pi, “Rabbi, Jordan kukuu milakhi o gholo akeu, khuu vehu nono thopi shi keno—julo, pa ye baptiz shitsü ani eno kümtsü no pa lau wuve ani.”

John 4:31

Ikelo akhopemi no ishi pa qhüiniju ae, “Chulo, Rabbi.”

John 6:25

Kughou panongu no azüghi kukuu Jisü phulu keno panongu no pa vilo ighiju, “Rabbi, no ye kughou no hilau ighive kea?”

John 9:2

Pa khopemi no ighiju, “Rabbi, timi hipau no keo pa puaza xine ghenguno pa ye anhethi iche ghi punu kea?”

John 11:8

Akhopemi no pa vilo pi, “Rabbi, Jewmi no atu pesü o veqhi niye shikeu kushuo kumphi püzü no ye itaghi tilau wuni keshea?”

John 20:16

Jisü no li vilo pi, “Mary.” Li no igho ighi no Aramaic tsauno pi, “Rabboni!” (tipa kiqi ye Shikükau).

Philemon 1:16

ti ye aqüaxemi gholau no kumoe, ikemu aqüaxemi nguno alau qhuivü keu thiküzüu toilu peniye ke. Pa ye ashi lo eno Ampeu küdau ghi I qhuu ke, ikemu tinguno alauno o qhuu ke.