MATTHEW 22:37 - Sumi Naga CL (Re-edited) Bible (BSI)

³⁷ Jisü no pa vilo pi, “No ye o mlo kuchopu, o ngulho kümtsü, o kükümsü kümtsü eno o kumto kümtsü pesü Ampeu o Lhou kimiyeni.

BAIBEL (BSI)

³⁷ Jisu no pa vilo pi, “Noye omlo kuchopu okuxu kumtsu, okukumsu kumtsu eno okumto kumtsu pesu Ampeu oLhou qhuivumasae.”

Sümi Tiqhelimi Bible

³⁷ Jisü no khochile: “ ‘O mlo, O ngulho eno O kükümsü kümtsü pesü O mpeu O Lhou kimiye lo.’

MATTHEW 22:37 Referans Kwoze

Luke 10:27

Timi huno khochile, “O mlo kuchopu, o ngulho kuchopu, o kumto kümtsü, eno o kükümsü kümtsü pesü Ampeu o Lhou kimiye lo, eno o likhi o toi o kisüghüu kimiye lo.”

ZAKINIU 6:5

O mlo kuchopu, o ngulho kuchopu, eno o kumto kuchopu pesü Ampeu o Lhou kimiye lo.

ZAKINIU 10:12

“O Israel, Ampeu nongu Lhou ye nongu launo kiu khu ani nomu hike, nongu mlo eno angulho kuchopu pesü Pa sümsa lo, thokha lo Pa pulou lono cheche lo, Pa kimiye eno huthu lo,

Mark 12:33

Eno tipau gholo amlo kuchopu, vethakulu eno akumto kümtsü pesü Pa kimiyeni keu, alikhi ampi toi akisüghüu kimiyeni keu, hipaqo no kuchopu kipti kümllagho eno aghakishi kümtsü nguno akijeu ke.”

ZAKINIU 30:6

Ampeu nongu Lhou no nongu eno no polo kughukomi mlo kishekimthe nani, tishikeu lono nongu no amlo eno angulho kuchopu pesü Ampeu nongu Lhou kimiye eno xülu nani.

Rommi 8:7

Ashi küdau amlo tsükeu ye Alhou ghümi shivae, kughengu ti ye Alhou Yezah qhoqhü luamoe; kuchou no ti ye qhoqhü lumo nani.

ZAKINIU 6:4

“O Israel, hi inilo: Ampeu ni Lhou likhi no Alhou ke!

MATTHEW 22:36

“Shikükau, Ayezah lo khikhi no azakütsü akhotou kea?”

MATTHEW 22:38

Hi no azakütsü gholo akhotou eno atüghüu.

1 John 4:21

Ningu no Alhou launo azakütsü ithulu keu ye hike: khunono Alhou kimiye cheni keno pa thiküzümi ghi kimiye masae.