MATTHEW 22:16 - Sumi Naga CL (Re-edited) Bible (BSI)

¹⁶ Panongu no pano khopemi khami gholo Herod papemi ishi Jisü lau puwu no pipe, “Shikükau, nino ithi anike no ye kuchou eno kuchou shi Alhou laghi shika cheni, eno kütami no o züluve pe chemoe, kughengu no ye ashou koghe juchemoe.

BAIBEL (BSI)

¹⁶ Ikehu panonguno panokhopemi khami pelo Herod laumi sasu kumtsa Jisu lau puwu. Tipaqono ishipi, “Kutsuchekeu ninguno ithi anike noye amikuchomi eno timi ghenguno Alhou pulou akeu vehu kuchou nono kutsu cheni, eno kutamiye kishi kumsu aghi nani kela ipi pi chemoe, kughengu noye timino ashouno kiu kiu thotsu shi aghinamu tipau jupesu kutuqukeu shichemoe.

Sümi Tiqhelimi Bible

¹⁶ Phariseemiqo no panongu khopemiqo eno Herod papemiqo puwu no ishi pipe, “Akükütsüu, ningu no ithi akeu ye no ye kikhikighimi eno Alhou laghi kuchou kiqi lono kütsü achenie. No ye kütami no züluve chekemi kumo, kughengu pano ye khuu keno no ye tipau akhotoshi chemo ke.

MATTHEW 22:16 Referans Kwoze

Mark 3:6

Tile Phariseemi no khalau ipeve no mtazü Herod papemi sasü kishi pa kütsave kepu keno kuchughu thuve.

Luke 20:21

Ikehu tipaqo no pa vilo pi, “Shikükau, no ye achipi lono pi eno shika cheni püzü agijumo no mtsüqhei Alhou laghi pesü shika cheni kepi nino ithi ani.

Mark 12:14

Panongu no ighi no pi, “Shikükau, no ye süchomie pi nino ithi ani. Kughengu no ye khuu lau mu agiju chemo momu ala saphu mono aphiphishi kihi cheni, eno kuchou no Alhou laghi pesü shika cheni. Ike zame pesü Caesar tsükeu ye ayezah kiqilo kemo kea? Ningu ye tsü kepu kemo kea?”

Mark 8:15

Jisü no panongu ghutu ghi pi, “Jukuto lo; Phariseemi ngo Herod kholaqhi lono tsükhüi shilo.”

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

John 18:37

Tile Pilate no pa vilo pi, “Tishiaye no ye akükau keshea?” Jisü no khochile, “Ni ye akükau kepi nono piani. Hi ghenguno I punue eno hi ghenguno ni ye ayeghi lo ighie— ti ye kuchou lau thopi shiniye ke. Khunono kuchou laumi keno I sütsa ini cheni.”

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 7:18

Khuu no pa kükagha lono pini keno pa jekipipu phucheni. Ikemu khuu no pa puwu keu jekipipu phuni keno, pa no kuchou eno pa lau ye kichile kühae.

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

1 Thes. 2:4

ikemu Alhou no ningu ikhikulupu shitsü no atsakiviu pesü pichebe tsüke toi ningu no pi cheni, ningu ye timi pulou kumono Alhou khuu no ni mlo peju cheni keno Pa pulou shicheni.

Galatiami 2:6

Ikemu khunono akhotomi ipi kihiche keno (panongu no kiu kiu shi aghimu I ghengu ye kiumu tipaqo kimhe akepu kühae; Alhou ye agiju chemoe) I no pi anike akhotomi ipi chekeqo ye I ghenguno ame kühae.

Galatiami 1:10

Ishi pi kelo ni ye timi momu Alhou launo akishekütsü laju ani keshea? Momu timi mlokiqi shinike pükapütsa ani keshea? Itehi kutolo I no timi mlokiqipu shinishi aghi aye ni ye Khristo qeu kumovae.

2 Kor. 5:16

Ikehu hinguno hilau ye ningu ye timi khumu ashi gholau no ikhilu moae. Ghuthu lakhi lo ningu no ashi gholau no Khristo ikhilu püaghi namu itehi ye tishi movae.

2 Kor. 4:2

Ikemu ningu ye tuqho-tugho eno akukujopu kümla qhikhavae. Ningu ye mqümgha momu Alhou tsa süchighive chemo, ikemu pekiphe shi kuchou ghili pikeu vecheo ningu ye Alhou zülo ningu ampi pesü timiqo kiviküsa lokütsü zülo ikhiphetsü acheni.

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.

Luke 7:40

Jisü no khochile ghi pa vilo pi, “Simon, ni ye o vilo kiuala pikepu ani.” Pa no pi, “Pilo, Shikükau.”

Mark 10:17

Jisü no tipa-a qhive no wuche kelo timi lakhi no ala lo hasü ighi no pa zülo qhoqhünhepe ngono pi, “Shikükau kiviu, ni ye lhokta küxü ighilu nike kiu shimasa kea?”

MATTHEW 26:49

Judas no mtazü Jisü lau ighi no “Petha lulo, Rabbi!” ipi püzü pa mümae.

MATTHEW 26:18

Pa no pi, “Nongu ye aphughi lo timi lakhi lau wuno pa vilo pilo, ‘Shikükau no piani, I do ye kupunuve ake ni ye I khopemi sasü o ki lono Hechekulu Ghulhu ikhiluni cheni.’”

MATTHEW 22:26

Titoi athiküzüu akiniu eno aküthüu lono akütsüniu kutolo tishive.

MATTHEW 22:24

“Shikükau, Moses no pi, ‘Milakhi no atianuli kühano thive aye, pa thiküzüu no pamu nipu sasü külave no pa sala atianuli shitsü masae.’

MALAKI 2:9

ikehu nongu no I laghi papemo eno nongu kükütsütsa lo agiju keu qhemi I no nongu pesü timi kümtsü zülono thaigha eno jukuloti peke.”

MALAKI 2:6

Kuchou kükütsütsa no pa kichi lo ae, eno pa mütsü loye kiumu achipikumo ithumla. Külakishi eno müzüchoi I gholo cheche, eno pa no axine lono timi kutomo tutsüghü tsüe.

AHOLE 29:5

Khuu no alatsa pesü pa küsau sheqhe cheni keno pa likhi pa lichhe shipeqhi anie.

LESHELE 55:21

Pa tsapi ye akichhizütha toi müdüniyi, ikemu aghükishi no pa mlo lo ani; pa tsa ye thazü nguno mtshaminhei, ikemu panongu ye azütakikihi xajope ani.

LESHELE 12:2

Kümtsü no pa kisüghüu lau akimki tsa pie; amili shobapu eno amlo kini xapusü atsa picheni.

LESHELE 5:9

Kughengu panoqo kichi lo kuchou kühae; pano lolo shiküpsapu likhie; pano kughoki ye akumoki lhaphe püakeu ke; pano mili no akimki picheni.

KUKAMI ATUGHIU 22:14

Ikemu Micaiah no pi, “Ampeu xü anike Pa no kiu I vilo pi keno ni ye ti pi nani.”

ZAKINIU 33:9

Pa no pa puaza vehu lo pi, ‘Ni ye pama kihi movae’; pa no pa thiküzümi pheve eno pa tianuli jukümghaleve ke. Kughengu panongu ye O tsau no akhoto shive eno Ow puloshoqhi pape wuve ke.

Mark 12:13

Tithiu Phariseemi ngo Herod papemi no Jisü tsapi lono pa meluve niye pano qomi khami pa lau puwu.