MATTHEW 21:5 - Sumi Naga CL (Re-edited) Bible (BSI)

⁵ “Zion limi vilo pilo, ‘Julo, o kükau o lau cheni, ivünhei khurha shouno cheni, khurhati shouno cheni.’”

BAIBEL (BSI)

⁵ “Zion phughi vilo pilo: Julo, okukau olau cheni, Paye ivunheyikemi eno gadaha lakhi shouno cheni, Paye gadaha ti lakhi shouno cheni.”

Sümi Tiqhelimi Bible

⁵ “Zion Ngá vilo pilo, ‘Julo, O kükau O lau chenie, akümtsha shi khurha lakhi sasü chenie, pa ye khurhati shou iqa püzü chenie.’ ”

MATTHEW 21:5 Referans Kwoze

ISAIAH 62:11

Julo, Ampeu no ayeghi shekha kuto sheshuvae, Zion ngaqo vilo pilo, “Julo nonguw xakuluu ye cheni, julo, Pa no asaxü pecheni, eno Pa no xaphe luve kemi no Pa züu shino cheni.”

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

HOSIYA 1:7

Ikemu I no Judah shiaye küpüqhiyi nani, eno Ni Ampeu panoqo Lhou no panongu xalu nani. Ni ye shexilika, azütakikihi, aghükishi, khurshi momu khurshimi vecheo xalumo nani.”

ISAIAH 40:9

O Zion, asütsa kivi shekushuu, naghuto kiqhe lo iqholo; O Jerusalem, asütsa kivi shekushuu, akumtoshi o sütsa süqhelo; vekipighi asheshulo, msa kevilo; Judah phughiqo vilo pilo, “Nongu Lhou julo!”

EZEKEL 37:24

“I qeu David no panoqo shou akükau shinani, panongu kümtsü ghenguno ambekheu lakhi anani. Panongu ye Iw pimheyeqo pape nani eno I yezahqo gholuni ke kutokupui nani.

EZEKEL 34:24

Eno Ni, Ampeu no panoqo Lhou shive nani, I qeu David no panoqo gholo kükapuu shive nani. Ni ye Ampeu ke; I no piqhivae.

MATTHEW 11:29

Iw kuokhasü ikhipe xapulo, eno I launo shikalu lo, kughengu ni ye ivünhei eno aqhokighemi, eno nongu ngulho ghenguno nongu no akulhokiqhi ithulu nani.

MATTHEW 2:6

‘Judah yeghi lo O Bethlehem, no ye kiu gholau nomu Judah yepemi dolo akimkheu kumoe, kughengu o launo yepeu ighi nani pa no Iw timi Israel kheu shinani.’”

MATTHEW 2:2

eno ighiju, “Jewmi kükau shiniye akeu khuu anileshi punu püani keno, anu hu khile ani kea? Kughengu ningu ye kipelau no pa yepu ipeghi keu ithulu kehu pa mlla nike ighi ani.”

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

2 Kor. 10:1

Ni, Paul ampi no Khristo kümtsha küghüvü pesü nongu qhüiniju ani—kughou nongu sasü kinheqhe kusholuni keno ni ye ivünhei ikemu nongu launo putosüve aye mghachhoi!—

LESHELE 9:14

tishianguno I no Ow shekiqhe kümtsü kümsü luni, Zion limi khagho lono I no Ow xakulu lono alovini.

KUKAMI ATUGHIU 10:26

Solomon no khurkulu ngo khurshimi hekütsü jukelo khurkulu 1,400 eno khurshimi 12,000 aghi. Pa no khurkulu phughi lo kutokughoi pe qhi eno khami ye Jerusalem lo pa gholo qhive.

KUKAMI ATUGHIU 1:33

Akükau no panongu vilo pi, “I nu Solomon pelo Iw khurgha shou iqa no I qemi nongu gholo sasü Gihon lo wulo.

SAMUEL AKINIU 16:2

Akükau no Ziba vilo pi, “Kushiye no ye hipaqo süghi ani kea?” Ziba no khochile, “Khurha no akükau kibolomi no iku peni, asho eno tsülü tusho xathi no akükauw lhothemi no chupeni, eno aji no yenguyike-a lo khunono tüghüthi ani keno panoqo no ye penie.”

XAKUTHAMI 12:14

Pa ye anu lhobidi eno atilimi shighi ache, eno tipaqo no khurha 70 sasü iqhoiqi che. Pa no ampe tache Israelmi shou xaküthau shilu.

XAKUTHAMI 5:10

“Nongu khurha kimiye sakichemi, amekusho küqhaphi qhaiqa chekeqo, alaghila lo kichemiqo, hipau ghili pesü pilo.

ZAKINIU 17:16

Akükau ye khurshi kutomo pa sala qhimoni, momu khurshi qhünike Egypt lo paw timi pelo idewo pemoni, kughengu Ampeu no ishi nongu vilo pivae, ‘Nongu ye khilemu tipa laghi lo idewo moae.’

AKIKIHI 24:19

Jacob launo ighikeu no qhasü nani eno ghükulumi kütsavetsü nani!”

John 1:49

Nathanael no pa khochile, “Rabbi, no ye Alhou Nu! No ye Israel Kükaue!”

MATTHEW 21:6

Akhopemi pama no wu püzü Jisü no mijetsü ketoi shi.

Luke 24:27

Pa no Kuchoyesü lo Khristo vehu kümtsü aboake shi Moses kaku lono huthusü Tungkupmi no yekeqo kutolo pama lau hepho piye.