MATTHEW 20:15 - Sumi Naga CL (Re-edited) Bible (BSI)

¹⁵ I no akeu pesü kiu shinishi keno ni ye shimlani keshea? Ikeo, Iw tsüjekini ghenguno o nheshuve kea?’

BAIBEL (BSI)

¹⁵ Ino pisa akeu pesu kiu shinishi keno tipau shipemoni kesha? Ikeo, ino alokeu shike ghenguno onheshuve kya?’ ”

Sümi Tiqhelimi Bible

¹⁵ I likhi iw pisa pesü I no kiu shinishi ani keno shini ke I chipiu küha keshea? Ikeo, I no tsükini shi akeu ghenguno O nheshuve kea?’

MATTHEW 20:15 Referans Kwoze

ZAKINIU 15:9

Mthamini kixikila kükümsü nongu lolo iloghive no, ‘Ampe akütsüniu, apiashe qhikütsü mpe kupunuvae,’ ipi no amlo alomo qhiyi no thiküzümi akumlhou juno kiumu pa tsümove nosae. Pa no nongu küla ghi Ampeu lau ighamku kelo nongu ye akipimi shive nani.

Mark 7:22

alakimne, kixikila, pishikiqhi, ashi ghakiqipu, anhekushu, küthakügha, aqheküza, eno mbomzü.

MATTHEW 6:23

ikemu o nhethi no alhoksa shiaghi aye, o phimpi kuchopu aküzü likhive nani. Tishiaye o lolo aküvü akeu huno aküzü shive aye, kishita aküzü kije shinia kelae!

John 17:2

Kughengu Nono khunoqo pesü pa tsü keno tipaqo lau lhokta küxü tsü peniye timi kümtsü shou no aküka pa tsüvae.

Ephesiami 2:1

Ghuthu lakhi lo nongu ye akipimi eno axine lo thi ache.

Ephesiami 1:11

Alhou khuu no thokha Pa pulou kimji lono mlaitha cheni keno, Pa kukughu lono azünatha ningu kishelu kehu ningu ye Khristo laumi shilu keu lono Alhouw akütsa mheghi shiluvae,

1 Kor. 4:7

Khuu no nongu ye kütami nguno paküta kepi ithulu kea? Nongu ye Alhou launo ithulu mokeu kiu ani kea? Nongu no ithulu püaghi aye, ti ye kümsagho kumo kesheno nongu ye kushiye qheza cheni kea?

Apostolmi 13:45

Ikemu kughou Jewmi no aqokitikhi ithulu keno, panongu lolo anhekushu iloghive no Paul thaigha ghi pa no pikeu küla thuve.

MATTHEW 11:25

Tipa tüqhüdo lo Jisü no pi, “Apuo, kungugha eno ayeghi Mpeu, I no O shikimthi ani, kughengu nono thime hipaqo pesü ayeghi lo lokütsümi ngo ithikuthu kemi launo küsüve no hi itimi kititiqo lau pephe tsüke;

AHOLE 28:22

Shonutsümi ye aqüagha no pa shou ikughi nanie pi mthano paikhavi kinimi shini keu kümsü cheni.

AHOLE 23:6

Akimchhimi chuqupu chukevilo, pa no achuqupu kutope qhitsü keu minemighei kevilo,

ZAKINIU 28:54

Nongu dolo timi ighono akümtshau eno kithikiyi keu timiu ghi pa thiküzüu momu pa no kimiye chekeu nipu momu pa no püxü püakeu tianuli sasü achuqupu kije chumo nani.

IPEKULU 33:19

Eno Pa no pi, “I no Iw akivi kümtsü pesü o zülono wupeni eno o zülono I je ‘Ampeu’ ipi sheshuni. I no khuu küpüqhiyini keno pa küpüqhiyi nani, eno khuu kimiyeqhiyini keno pa kimiyeqhiyi nani.

James 5:9

Athiküzümiqo, nongu shou küghathabe pemo nike lakhi no lakhi shou muchho kevilo; julo, Küghaküthau ye ahukikha lo puthugho ani.

James 1:18

Pa pulou lono kuchou tsa vecheo Pa no ningu lhosüe, tishianguno Paw pulhoküsüqo gholo ningu pelo amsüu xathi shipeniye ke.

Ephesiami 2:5

nino ni xine lo thi akeghi Khristo gholono aküxüpu kughulhove tsü—nongu ye küpükini lono xaluvae—

JEREMIYA 18:6

“O Israel kibo, alikümlau hipau no shike toi Ni ye nongu mlalu moni keshea? ipi AMPEU no asheshu. Julo, alikümlau u lo aghani aketoi, nongu ye I u lo ani, O Israel kibo.

MATTHEW 20:14

Kiu no ow keno luve no wuvelo. I no o tsüke qhemi ni ye timi ashekhau hukeu ghi tsünike pulovae.