MATTHEW 2:23 - Sumi Naga CL (Re-edited) Bible (BSI)

²³ Pa no Nazareth ipikeu phughi lo xüsüve, tishikeu lono tungkupmi vecheo pa ye Nazarene ipi kunanie pi püakeu shikupuve.

BAIBEL (BSI)

²³ eno Nazaret taun ipi chekeulo wupuzu tila acheuve. Tiye tungkupmino, “Paye Nazorio lakhi ipi kunanie.” ipi puakeu shikupu niyeke.

Sümi Tiqhelimi Bible

²³ eno pa ye wu no mishiphu lakhi Nazareth ipikeu lo xüacheuve. Tihu no Jisü ye Nazarene ipi ku nani kepi tungkupumiqo vechewo piqhipüa keu shikupuve ke.

MATTHEW 2:23 Referans Kwoze

XAKUTHAMI 13:5

kughengu julo, nono mishipuve no anu punu nani. Khilemu pa kütsüsa miyetsü kevilo, kughengu pa ye atita lono Alhou lau ikhiphepe tsüve kemi, Nazirmi shinani, eno pa no Philistiami launo Israelmi xaluni keu kümla huthu nani.”

Mark 1:24

“O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu ke.”

MATTHEW 26:71

Pa no akulaghi lo ipeve, ikelo aqeliu kütami no pa ithulu no tile akeqo vilo pi, “Timi hipau ye Nazarethmi Jisü gholo cheke.”

MATTHEW 1:22

Hi kümtsü shikeu ye Ampeu no tungkupu vecheo kiu pipüa keno shikupu niyeke:

Apostolmi 24:5

Timi hipau ye aküsü kupuu toi ayeghiqha lo Jewmi kümtsü gholo aküküpna xukutho cheni, pa ye Nazarethmi mqo lo atou ke.

Apostolmi 2:22

“Israelmiqo, atsa hipaqo inilo, Alhou no Nazarethmi Jisü nongu lau kophe tsüno pa vecheo aküka kumto, akümzapu eno amchipu kümla shikeu nongu ampi no ithi ani.

John 19:19

Pilate no atsa ghi yepe kros lo qhitsü. Ishi yepüa, “Nazarethmi Jisü, Jewmi Kükau.”

John 18:7

Ikehu Jisü no panoqo vilo itaghi iniju, “Nongu ye khuu phucheni kea?” Panongu no pi, “Nazarethmi Jisü.”

John 18:5

Panongu no khochile, “Nazarethmi Jisü.” Jisü no panoqo vilo pi, “Ni ye pake.” Pa thechuve keu Judas ye panoqo sasü kümtsa puthugho ae.

Luke 2:39

Kughou pama no Ampeu Yezah kiqi lono akhuaye kupuve keno, panongu no Galilee lo panow mishiphu Nazareth lo ideighive.

Luke 1:26

Elizabeth no aqhi akütsüghou lo chekelo, Alhou no Galilee lo Nazareth mishiphu lo kungumi Gabriel puwu,

AKIKIHI 6:13

“Nazirmi ghenguno ayezah hi anie, kughou pa kütashi akeu do kupuni keno: pa sasü Kuposhukulu Phiki kulaghi lo ighini,

SAMUEL ATUGHIU 1:11

Li no ashoqhi lakhi shino pi, “O aqokitikhi Mpeu, tsala Nono o qeliu ghime jutsü eno o qeliu kümsümave tsümo no anu lakhi pesü o qeliu tsü aye, I no pa pesü aküxü kupuju ghenguno Ampeu lau tsüveni eno aqe pesü pa kütsü lo bemoni.”

MATTHEW 21:11

Eno aqokitikhi no khochile, “Hi ye Galilee lo Nazareth lono ighikeu tungkupu Jisü huke.”

Mark 1:9

Tipa ghuloki lo Jisü ye Galilee qhalo Nazareth lono chesü ighi no Jordan ghoki lono John no baptiz shive tsü.

Luke 18:37

Panongu no pa vilo pi, “Nazarethmi Jisü hu hipaqha kathawu cheni.”