MATTHEW 2:13 - Sumi Naga CL (Re-edited) Bible (BSI)

¹³ Kughou panongu no wove keno, julo, Ampeuw kungumi lakhi no asamou no Joseph lau ipeghi no pi, “Ithulo, eno anu ngo paza sasü Egypt lo povelo, eno I no o vilo pimoke kutolo tilau ngo aghilo, kughengu Herod ye anu kütsave nike phuniye ani.”

BAIBEL (BSI)

¹³ Ayepu kighithimino idewove kethiu, Ampeuw kungumi lakhino asamouno Josef lau ipeghi puzu ishipi, “Ithulo, eno anu ngo paza pama sasu Ijip lo povelo, ino ovilo pimoke kutolo tilau ngo aghilo; kughengu Herod ye anu pithive nike pa phuju ighini chenie.”

Sümi Tiqhelimi Bible

¹³ Alokütsümiqo no wuve kethiu, kungumi lakhi no asamou no Joseph lau ipeghi. Kungumi hu no pi, “Ithuvelo, angá eno pazá sasü Egypt lo pokajo luvelo. I no O vilo pimo ke kutólo tilau ngo aghílo, kughengu Herod ye anu pìthíve nike ghenguno pa phuju niye shi anie.”

MATTHEW 2:13 Referans Kwoze

Apostolmi 12:11

Peter no atsüveshe ipeghi kelo pi, “Itehi ye I no mtsümishei ithivae, Ampeu no paw kungumi hapuwu no Herod u lono eno Jewmi no shinie pi kümsü akeu kümtsü lono I xaphe luvae.”

Apostolmi 10:7

Kungumi pa pütsa akeu no wuve kethiu, Cornelius no pa qemi kini eno pa hikujuu ghüshimi Alhou lau amlo tsüqhiyi kemi ku,

Apostolmi 5:19

Ikemu putho lono Ampeuw kungumi no akughuki hukikha khaqhive no panongu saipeghi no pi,

MATTHEW 2:12

Eno panongu ye Herod lau idewo pemoni ke asamou no kütüghüve kehu ala kütau no pano ghakhu lo wove.

MATTHEW 1:20

Ikemu pa no hipa vehu kümsükuto ake lono julo, Ampeuw kungumi lakhino asamou no pa lau ipeghi no pi, “David nu Joseph, Mary pesü o nipu shinikeu msa kevilo, kughengu li no khikhi mishipu ani keno ti ye Aghungu Kimthe launo ke.

IPEKULU 1:22

Tithiu Pharaoh no paw timi kümtsü lau azah tsü, “Hebrewmi lau anu kiptimi punu keqo kümtsü nongu no Nile lo vesüve lo, ikemu anga totimi ye kümtsü püxülo.”

MATTHEW 2:16

Kughou Herod no ayepu kighithimi no pa mqüqhive kepi ithi keno, pa ye ighono axuideve, eno ayepu kighithimi launo pa no ado kihilu keu kiqi lono Bethlehem eno tipa tokukujo kümtsü lo anu kiptimi ampe kini eno tinguno aqhou thaqhü ghiqhi pithi khavepe.

JOB 33:15

Putho lo kughou timi no züchei akeno azüa lo ihozü akelono asamo, züxou no,

JOB 33:17

tishianguno pa lhoksa kümla lono tsüghüve eno aqheküza peve peniye ke;

JOSHUA 4:18

Kughou Puloshoqhi Bohu kipemi achinemi no Jordan mta lono ipeghi no panongu pukhu no amkü tove keno, aghoki no thosülo toi qowuve, eno ghulo kütau toi amkü kuchopu qochilive.

Piyeküsü 12:14

Ikemu li lau alhuqu kije chishibo kini tsüpüa kehu tino li pelo apighi launo yewo yenguyike-a lo ampe küthü tüxa kutolo khileno li loji peniye kuto püatsü keno, tipa-a tolupe.

Apostolmi 16:36

Akheu no hipa tsa Paul vilo pi, “Xaküthami no nokujo puwuve lo pivae. Tighenguno nokujo ye ipeghi no aloino wolo.”

Apostolmi 10:22

Panongu no pi, “Kungumi kimthe no azah tsüke toi Cornelius, aqhe zatsüu, süchomi, Alhou sükümsami, Jewmi shiye kümtsü no gihu chekeu no nono kiu pikepu ani keno ininike o pelo pa kilo ighitsü peniye kupuwu ani.”

Apostolmi 7:19

Pa no mkamihi ni timi peitha no anguka lono ni sünoqo pelo pano tianuli püxülu pemoni ye peve peke.

MATTHEW 10:23

Kughou aphughi lakhi lono nongu pishipujuni keno, kütau lakhiu lo povelo, kughengu I no kuchou no nongu vilo piani ke nongu no Israel lo aphughi kümtsü lo wumphi lono Timi Nu ighive nani.

JOSHUA 3:17

Israelmi kümtsü no aghoki katha iku moke kutolo, eno shiye kümtsü no Jordan kathalu moke kutolo achinemi no Ampeuw Puloshoqhi Bohu pesü Jordan mta lo qhaike yeghi lo puthughoe.

Piyeküsü 12:6

eno atotiu ye atsala 1,260 kutolo yenguyike-a lono tucho peniye Alhou no khile kuto püatsü keno, tilau pove.

JOSHUA 4:10

Ampeu no Joshua vecheo timiqo vilo shilopi keqo kuchopu shikha mphilo achinemi ye Jordan mta lo puthughope ngo eno ti ye Moses no Joshua vilo pikeu kiqi lono ke. Timiqo no akimighi shi katha ikuve.

JOSHUA 3:13

Eno kughou Puloshoqhi Bohu kipemi no azü lo apukhu nesüni keno, ayeghiqha Mpeu no Jordan zülo ngoluve nani, eno Jordan zü huno qowu move nani, eno qoiqi chekeu züno kuchope kunguu ikuve nani.”

Piyeküsü 12:4

Pa shomhi no atsütsü lo ayepu kikije küthü lo lakhi ghokütsü luve no ayeghi lo küzaqhive. Pa ye atotiu khuu no pununi ye akeno li no punu keu nga tsüchu nike li zülo puthugho ae.

MATTHEW 2:22

Ikemu kughou pa no Herod nu Archelaus no Judea lo papu a-lo ka anipi chilu keno, pa ye tilau wonikeu msave, eno asamou no kütüghü püa kehu tipa qha vechesü Galilee tokukujo lo wuve.

KUKAMI ATUGHIU 3:5

Tipa ji Gibeon lo Ampeu no asamou no pa zülo ipeghi no pi, “I pelo kiu o tsü penishi ani kea?”

MATTHEW 2:14

Tileno Joseph no ithu anu ngo paza sasü putho lono Egypt lo pove

Apostolmi 12:7

Paikhavi Ampeuw kungumi no pa phivilo puthugho aghi eno aküvü no achebo yepüvüve. Pa no Peter tukini küdaputhu no pi, “Mtazü ithulo.” Tile pa u lono ayikichhe iko ikiqive.

KUKAMI ATUGHIU 11:17

Ikemu Hadad ye pa pu qemi khami sasü Egypt lo pove, pa ye itimi shiche.