MATTHEW 18:8 - Sumi Naga CL (Re-edited) Bible (BSI)

⁸ O u momu o pukhu no o pelo axine shipe aghi aye michepe pevelo. O ghenguno apukhu momu au xapusü alhomi lo vesüve pekepu ye apukhu momu au lakhi kühano aküxüpu lo ilove keu pavie.

BAIBEL (BSI)

⁸ “O-u momu opukhuno opelo axinelo ghukesawupe aghi aye, ti michevelo eno pevelo. Oghenguno apukhu momu a-u xapusu alhomilo vesuvepeni kepuye apukhu lakhi momu a-u lakhi kuhano akuxupulo ilokeu pavie.

Sümi Tiqhelimi Bible

⁸ Tsalá O u momu O pukhu no O müsü sasü axiné shive pe aye, tipau ghithave no pevelo. O ghengu ye au kini momu apukhu kini xapusü alhomi lo vesüve akepu ye, aphi-au khoshe shive momu apukhu kighichemi shive no lhokta küxüpu lo ilove keu pavie.

MATTHEW 18:8 Referans Kwoze

Rommi 13:12

Tsüküzü ye wove chea; tsüküvü ipecheae. Ikehu ningu aküzü lo kümlaqo peve no aküvü lo ghünanu pepuni nolo.

Piyeküsü 20:15

Khukhumu aküxüpu kaku lo aje ye püaghimo keu ye amiyizü lo vesüve.

Piyeküsü 14:10

azü temokeu tsaiji toi pa jukhu lo Alhou loghu akümkau lesü no pije nani, eno kungumi kimthemi ngo Ambeti zülono ami eno amichu pesü ghimeqhi piti nani.

EZEKEL 18:31

Nongu no axine shive keu kümtsü nongu launo pevelo, eno nongu ampi no amlo kithe eno aghungu kithe shilu lo! O Israel laghami, nongu ye kushiye thiveni kea?

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Luke 14:33

Tihutoi nongu dolo khukhumu pa no aghi keu qhoi phevemo kelo pa ye I khopemi shimlae.

MATTHEW 25:46

Panongu ye alho ghimepu lo ilove nani, ikemu achipikaluve keqo ye lhokta küxü lo wu nani.”

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

ISAIAH 33:14

Zion lo axinemi, mithekumomi ye thüthüshi akümsa no tshüluvae. “Ningu khuu no ami lo ngoluni kea? Khuu no alhomi lo xüluni kea?”

Luke 16:24

Pa no ighamku, ‘Apu Abraham, I kimiyekütü tsülo, ni ye ami no piti keu ghime puqhemla no anike Lazarus puwu no pa uloti no azü lo chosü püzü I mili dikumko tsü pelo.’

ISAIAH 30:22

Tishino now ghükayi ngo ameshoyi no shikeu julhoqo vilo nongu no, “Chevelo” ipi shipünha nani. Nongu no tipaqo ikhipe mithekumo thime paphishi peve nani.

MATTHEW 17:27

Tishimu timi hipaqo püxa monike ghenguno azüghi lo wuno akha kümsüpuyi vesülo, eno akha müsülu tüghüu sünhephe no tipau kichi sükhoju aye nono pisa muno ithulu nani. Tipau ikhilu no I ghenguno ngo nongu ghenguno asüqha panoqo tsüvelo.”