MATTHEW 18:7 - Sumi Naga CL (Re-edited) Bible (BSI)

⁷ “Axine lo ghuju sawuve keu ghenguno ayeghiqha hasapue! Kughengu ghukuju ye ighi masa nani, ikemu khuu vecheo ghukuju ighini keno pa haküsapue!

BAIBEL (BSI)

⁷ Timi pelo axinelo ghukesawuve pekepu akeu ghenguno ayeghiqhalo ahakusapue! Kughengu ghukesawuve kepu ighimasakeu ani, ikemu timi khuuno vechewo ghukesawuve kepu ighi nikeno timi tipanoye ahakusapu ani!

Sümi Tiqhelimi Bible

⁷ Ayeghiqha ghengu ahaküsapue! Kughengu ayeghiqha’w thimeqo no timiqo pelo axiné lo ilove pe cheni ke. Hitoi keu ye ighi anani ke, ikemu timi khuu vechewo tipaqo ighini keno ahaküsapue.

MATTHEW 18:7 Referans Kwoze

Luke 17:1

Jisü no pa khopemi vilo pi, “Axine lo ghuju sawuve kepu tüqhüdo ighini pütsae, ikemu khuu vecheo ti süghini keno ahasapue!

1 Kor. 11:19

kughengu nongu dolo amqo kütüta aghini cheni, tishino khunono kuchou keno tipaqo kimchilu peniye ke.

MATTHEW 26:24

Kuchoyesü lo pa ghili yepüake toi Timi Nu ye wuve nani, ikemu khuu no Timi Nu thechu keno pa hasapue! Timi tipau ghengu ye punu move keu pavini chekena.”

Jude 1:4

Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.

Titus 2:8

o tsapi lo timi no pipütha pemo kepushi mtsümishei shilo, tishikeu lono küla akemi shikujove no ningu shou alhoksa pilu kepu kühave nani.

Titus 2:5

alikhi aghasülu pe, mqhamqhiyi, aki lo mlaitha, kimiyekini piye, eno pütüta kimi qhoqhülu pemasa, tishianguno khunomu Alhou tsa thoghamo nani.

1 Tim. 6:1

Khunono aqüaxe lo ani keno, pano mpemi ye qhoqhü küzü kepi kümsülu lo, tishianguno timi khuu pelomu Alhou je eno shiküka pipüsa pemonie.

Apostolmi 1:16

“Athiküzü chelimiqo, Judas no Jisü küghakulumi lapiyeu shive keu ye Aghungu Kimthe no azünatha David vecheo pi püakeu Kuchoyesü shikupu niye ke.

John 17:12

I no panoqo gholo akelo ni ye O je lono Nono I tsükeqo khekuto cheke. I no panoqo süsho che, eno Kuchoyesü shikupu niye kütsakungo nu no kumo aye panoqo gholo lakhimu pühamoe.

Mark 13:7

Kughou nongu no aghüshi sütsa eno uyeu ghüshi sütsa chiluni keno, khilemu amlo hau kevilo. Hi ye ighini pütsae, ikemu ashekuho ye kumphie.

SAMUEL AKINIU 12:14

Tishimu, akümla hipau vecheo nono akumou lono Ampeu thoghake ghenguno, o lau anu punu keu ye thive nani.”

SAMUEL ATUGHIU 2:17

Ikehu achineu pama xine ye Ampeu zülo ighono kije shive, kughengu pama no Ampeu kümllagho küthakügha shi peithake.

BOTHUBO 13:7

eno Abram tsü-aqu khemi ngo Lot tsü-aqu khemi dolo mtomshu keu auve. Tipa ghuloki lo Canaanmi ngo Perizimi ye ayeghi tipau lo küghüna ache.

MATTHEW 16:23

Ikemu Jisü no tsüghüwo Peter vilo pi, “I launo wuvelo, Satan! No ye I püxa ani, kughengu no ye Alhou kükümsü kumono timi kükümsü ghola lo ani.”