MATTHEW 18:19 - Sumi Naga CL (Re-edited) Bible (BSI)

¹⁹ Itaghi I no nongu vilo piani, ayeghi lo nongu gholo mikini no kiu kiumu pulo küqha no inikhu aye, I Pu kungugha lo akeu no ti shitsü nani.

BAIBEL (BSI)

¹⁹ Tinguno alau ino nongu vilo hi pini, kugho kughomu ayeghilo nonguno avehu kiuala ghenguno inikhu akeulo nongu gholo mikini nomu kumtsa kuqhalu aye, nonguye iPuh kungughalo akeu launo ti ithulu nani.

Sümi Tiqhelimi Bible

¹⁹ “Itaghi I no kuchou no O vilo pìní, tsalá ayeghi lo panongu no avehupu shi akeu ghenguno kiu-kiumu khu kelo, nongu gholo mikini nomu puloküqhalu aye, I pù kungugha lo akeu no panongu ghenguno shive tsü nani.

MATTHEW 18:19 Referans Kwoze

MATTHEW 7:7

“Khulo, eno ti nongu tsü nani; phulo, eno nongu no phulu nani; kukhulo, eno nongu lau khaqhitsü nani.

Mark 11:24

Tighenguno I no nongu vilo piani, nongu no kiu kiumu akighini lono khu kelo, ti ithuluvae pi pülülo, tishi aye ti ye ow shilu nani.

John 16:23

Tipa tsala lo nongu ye I vilo kiumu khumo nani. Kuchou no I no nongu vilo piani, nongu no I je lono Apu vilo kiu kiumu khu kelo Pa no nongu tsü nani.

FILIPIAMI 1:19

ti ye nongu kighini lono eno Jisü Khristo Ghungu kukuphu huno I kuqhophe kulupu akeu I no ithi ani kehue,

MATTHEW 21:22

Eno nongu no akighini lono kiu kiumu khu kelo, nongu no aküpülü aghi aye ithulu nani.”

John 15:7

Nongu no I gholo kimepe eno I tsa no nongu lolo aye, nongu no kiu pulo keno khulo, eno nongu ghenguno tipau shitsü nani.

1 John 3:22

eno kiu kiumu nino khu kelo ithulu cheni, kughengu ningu no Pa zakütsü pelu eno Pa pulou shi cheni kehue.

Apostolmi 12:5

Ikehu Peter pesü akughu shive kemu akukuhou no pa ghenguno akumtoshi Alhou vilo inikhu ae.

John 15:16

Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

Apostolmi 1:14

Hipaqo kümtsü akükümsü lakhi shino tamono akighini shia, panongu gholo totimiqo, Jisü paza Mary, eno pa thiküzümi ae.

MATTHEW 5:24

o gho ye tile akhache lo qhipüaghi no wulo. O thiküzümi sasü külashi luve paghilo, tithiu no ighi no o gho pesü mlla lo.

Apostolmi 6:4

Eno ningu ye akighini eno atsa shekushu kümla lo ado tsüveni.”

Apostolmi 16:10

Kughou Paul no kungunhetsü hipau ithulu keno, tipa mtsa ningu ye Macedonia lo wuniye kuto, kughengu hi ye atsakiviu pesü panongu lau pi peniye Alhou no ningu kuani kepi ithive.