MATTHEW 17:3 - Sumi Naga CL (Re-edited) Bible (BSI)

³ Tileno Moses ngo Elijah pama no panoqo lau ipeghi eno Jisü sasü küptsa.

BAIBEL (BSI)

³ Tileno Muse ngo Elija pamano panoqo lau ipeghi puzu Jisu sasu kuptsake ithulu.

Sümi Tiqhelimi Bible

³ Paikhavi lono tilehi panongu zülo Moses ngò Elijah no ipeghino Jisü sasü küptsa akeu ithulu.

MATTHEW 17:3 Referans Kwoze

Luke 24:44

Tishino Pa no panongu vilo pi, “Moses Yezah lono Tungkupmi eno Leshele kutolo I vehu yepüa keu kümtsü shikupuve masae pi I no nongu gholo acheke lono atsa hipaqo nongu vilo pikhavae.”

Mark 9:4

Tileno panongu zülo Elijah ngo Moses ipeghi, eno pama no Jisü sasü küptsa ae.

MALAKI 4:5

“Julo, atsala kije eno aküighüpu ighikumo züu I no Elijah tungkupu nongu lau puwu nani.

Luke 24:27

Pa no Kuchoyesü lo Khristo vehu kümtsü aboake shi Moses kaku lono huthusü Tungkupmi no yekeqo kutolo pama lau hepho piye.

Luke 16:16

“John ghuloki kutolo Ayezah eno Tungkupu kakuqo pekishe sheshu ighi; tinguno tilau ye Alhou yekipe lo atsakiviu ghili sheshu ighi kelo kümtsü no tile ilo niye anguka shi shoxüsü cheni.

Luke 9:33

Pama no Jisü launo wuve chekelo Peter no Jisü vilo pi, “Ampeu, ningu no hile aghi keu ye alovae. Ningu apusho küthü tshüni nolo, lakhi no o sala, eno Moses ngo Elijah ghenguno lakhikhi,” pa ye kiu pi akeno ithimoe.

Luke 1:17

Pa no Elijah nguagha eno küka lono apuaza pelo atianuli lau tsüghü ighi, eno hekibidemi pelo amikuchomi laghi lo ighi penike Ampeu züuno wu nani, tishikeu lono Ampeu ghenguno timiqo kutope qhitsü nani.”

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

ZAKINIU 34:10

Israel lo Moses toike tungkupmi khilemu ipeghi mphi, kughengu pa ye Ampeu sasü agi kinheqhe no küptsa cheke.

ZAKINIU 18:18

I no o toike tungkupu lakhi pano thiküzümi lau puwu nani. I no pa kichi lo I tsa sütsü no pa no I no azah tsükeu kiqi lono thokha panongu vilo pi nani.

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

MATTHEW 17:2

Eno panoqo zülono Jisü ye ajuhi kilive, pa gino khetsünhe toi vüqaive eno pa phimini no aküvü toi metsüghoive.

MATTHEW 17:4

Ikelo Peter no Jisü vilo pi, “Ampeu, ningu no hile aghi keu ye alovae; nono pulo aye, I no hile apusho küthü shini, lakhi no o ghenguno lakhi no Moses, eno lakhi no Elijah ghenguno.”