MATTHEW 17:27 - Sumi Naga CL (Re-edited) Bible (BSI)

²⁷ Tishimu timi hipaqo püxa monike ghenguno azüghi lo wuno akha kümsüpuyi vesülo, eno akha müsülu tüghüu sünhephe no tipau kichi sükhoju aye nono pisa muno ithulu nani. Tipau ikhilu no I ghenguno ngo nongu ghenguno asüqha panoqo tsüvelo.”

BAIBEL (BSI)

²⁷ Ikemu timi hipaqo puxamoni keghenguno azughilo wupuzu akha kumsupu yi lakhi vesulo, eno akha musulu tughiu sunhephe puzu tipau kichi sukhoju aye tile pisa aghi nani; ike tipau ikhilulo eno ighenguno ngo nongu ghenguno Achineki suqha panoqo tsuvelo.”

Sümi Tiqhelimi Bible

²⁷ “Ikemu panongu shikulosümo nike ghenguno, ayizükucho lo wulo eno akha kümsüpú yì lakhi vesülo. Akha atüghiu küghalu keu tipau kichí sükhoju aye tile ghükayi bidí aghí nani ke. Tipau ikhilulo eno I ghenguno ngò nongu ghenguno zame panoqo tsüvelo.”

MATTHEW 17:27 Referans Kwoze

2 Kor. 6:3

Timi khuu laghi lomu ningu ye lakükha qhitsü chemoe, tishianguno ni kümla lo akipimi kiumu phulu pemo niye ke,

2 Kor. 8:9

Kughengu nongu no Ampeu Jisü Khristow küpükini ithi anike Pa ye kinimi shi akeghi nongu ghenguno kumlhomi shive ke, tishianguno Pa qüagha vecheo nongu pelo kinimi shilu peniye ke.

1 Kor. 8:9

Ikemu nongu chipiu hipau no aküpülü lo miqemlei kemi pukhu küpsüpu shi nosake kutokupuilo.

1 Kor. 8:13

Tighenguno achuqupu no I thiküzümi pelo küpxa lupe aghi aye, ni ye khilemu ashi chumo nani, tikumo aye I no I thiküzümi küpxalu nosae.

JONAH 1:17

Ampeu no Jonah munove peniye akha kije lakhi puwu. Jonah ye pucho tsala küthü eno putho tsala küthü akha polo ngove.

LESHELE 8:8

atsütsü lo aghau, eno azüghi lo akha, azüghi lo lhoxü kümtsü pesü pa pukhu philo qhive tsüae.

KUKAMI ATUGHIU 17:4

No ye aghoki tipau zü yelo eno agha pelo o loji penike I no azah tsüvae.”

Rommi 14:21

Ashi na aji namu momu kiu kiumu o thiküzümi no küpxa luve kepu thime ye chusho move keu pavie.

JONAH 2:10

Tileno Ampeu no akha pütsa, eno tino qhaike yeghi lo Jonah puqule pheve.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

BOTHUBO 1:28

Eno Alhou no panongu kümghatsü, Pa no panoqo vilo pi, “Athi pithilu no kughukolu lo, ayeghi nhakhalu no qhasülu lo, eno azüghi lo akha shou, atsütsü lo aghauqo shou, eno ayeghi lo itikiche lhoxü kümtsü shou qhasülu lo.”

1 Thes. 5:22

Alhoksa jeli kümtsü lono putosü lulo.

John 6:61

Jisü no pa khopemi ye hi ghenguno nhenheshi akeu ithive no panongu vilo pi, “Hino nongu mlo pünave akeshea?

MATTHEW 5:29

O nhethi ajeu no o pelo axine shipe cheghi aye chixejope pevelo. Kughengu o phimpi kuchopu amiyizü lo ilove kepu ye o philo asaje lakhi pühave keu pavi.

MATTHEW 5:30

Tsala o u ajeu no o pelo axine shipe cheghi aye ghithape pevelo. Kughengu o phimpi kuchopu amiyizü lo ilove kepu ye o philo asaje lakhi pühave keu pavie.

MATTHEW 17:26

“Inami launoe,” ipi Peter no khochile kelo Jisü no pa vilo pi, “Imaye aghakhumi ye tsümo kepuke.

MATTHEW 18:6

ikemu khunono I pülü chekemi itimi hipaqo gholo lakhi pelomu küpxa luve peni keno, pa ghengu ye akuo lo athi kütsüghü tuqu tshüqhi pusü azüghi kutho lono pütsüqhive keu pavi nani.

MATTHEW 18:8

O u momu o pukhu no o pelo axine shipe aghi aye michepe pevelo. O ghenguno apukhu momu au xapusü alhomi lo vesüve pekepu ye apukhu momu au lakhi kühano aküxüpu lo ilove keu pavie.

Mark 9:42

“Khuu no I pülü chekemi itimi hipaqo gholo akitilau pelomu küpxape axine lo ilove peni keno, pa ghengu ye athikütsüghü tuqu kije pesü pa kuo lo tshüqhi pipe no azüghi lo vesüve pekeu pavi nani.

Mark 9:43

Ikehu o u no o pelo axine shipe cheghi aye micheve lo. O ghenguno au kini xapusü ghapinhe kümlapu miyizü lo ilove kepu ye au kinitave no aküxüpu lo ilolu keu pavi.

Luke 17:2

Pa vecheo hi kititiqo lakhi nomu küpxave aye pa ghengu ye athi kütsüghü tuqu pesü pa kuo lo tshüqhi pipe püzü azüghi lo vesüvepe keu pavie.