MATTHEW 15:19 - Sumi Naga CL (Re-edited) Bible (BSI)

¹⁹ Kughengu amlo lono alhoksa kükümsü ipeghi cheni, ghikiqhi, asalha, ghaghu ghale, aküpka, akimki shepe, xikishi.

BAIBEL (BSI)

¹⁹ Kughengu timi mlo lono alhoksa kukumsu ipeghi puzu ghiqhi chenipe, kutuqhakile chenipe, salha chenipe, puka chenipe, akimki shepe shichenipe eno kutami xishi chenipe.

Sümi Tiqhelimi Bible

¹⁹ Kughengu amlo lono alhoküsa kükümsüqo—ghikiqhi, shupu keu, kipito xüküpsa, aküpüka, kichileu shepe eno pipütha keu ipeghi cheni.

MATTHEW 15:19 Referans Kwoze

JEREMIYA 17:9

Amlo ye thime kümtsü nguno pishikiqhiue, shipivimla kepushi sü ani; khuu no ti vethakulupu kea?

AHOLE 4:23

O kükümsü kütsü kiyipe jukuto alo, kughengu tipau lono aküxü züpuki ipeghi cheni.

BOTHUBO 6:5

Ampeu no ayeghi lo timiw küsakügha kije ithulu, eno pano kükümsü kupulo ye alhokuthu lo küsakügha likhie.

JEREMIYA 4:14

O Jerusalem, o xalu pekepu shi o mlo lono alhoksa qhuvelo. Khitohi o lolo kixikila kükümsü pekütsü püani kea?

Apostolmi 8:22

Tighenguno o lhoksa hipau lono xaidelo, eno Ampeu vilo shikulupu shi aye o mlo lo kümsüpu akeu kipimi qhivetsü penike inikhu lo.

ISAIAH 59:7

Panongu pukhu no alhoksa lau powu cheni, eno mighimghai pimihami pithive cheni; panongu kükümsü ye kixikila kükümsü; hexapinyi keu ngo kütsakungoni keu no pano laghi ke.

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

AHOLE 6:14

chighichilai keu mlo xapu alhoksa kuchughu, tamomithe aküküpna xusü cheni;

LESHELE 119:113

Amlo kini kupumi ye I no mithi ke, ikemu ni ye O yezah kimiye cheni.

Rommi 7:18

I no ithi anike ashi lhoaye lo ni ye I lolo akivi kiumu kühae. Kughengu, kiu no achipi keno I no shinipi kümsü anamu ni ye shikulupu küka kühave cheni.

MATTHEW 9:4

Ikemu Jisü no panoqo kükümsü vethalu akehu pi, “Kushiye nongu mlo lo alhoksa likhi kümsüpu acheni kea?

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

AHOLE 24:9

Anikhami no kuchughu chekeu ye axine ke, thoküghami ye timi kümtsü kimthibo ke.

AHOLE 22:15

Itimi mlo loye alhoaye lono mbomzü shikeu acheni, ikemu sakiyi keu küsü huno tipau hapheve tsü cheni.

AKIKIHI 22:29

Balaam no pi, “Kughengu nono mbomzümi toi I peitha ani. I u lo azütakikihi aghike aye ni ye o ghiqiveni cheke.”

MATTHEW 5:28

Ikemu I no nongu vilo pi akeu ye khuu no mineqhiyi kütami nipu juni keno pa mlo lou no li sasü kütüqhavae.

MATTHEW 15:20

Hipaqo no timi shikuchhube cheni kethono au mütsü mono chusho keu no kumoe.”