MATTHEW 13:23 - Sumi Naga CL (Re-edited) Bible (BSI)

²³ Ayeghi kivi lo vesülu keu piti ye Atsa chilu no ithikuthulu keu timi ke. Pa ye kuchou no athi pithi cheni, eno xokütsü kelo hami no aqhe piqi ithulu cheni, hami no lhotsügho, eno hami no shighi.”

BAIBEL (BSI)

²³ Ayeghi kivi shou apiti vesulukeu huye asutsa hu chilu puzu ti ithikuthulu kemiqoke. Panonguye kuchouno athipithitsu cheni, hamino aqhe, hamino lhotsugho eno hamino shighi ishi pithi chenie.”

Sümi Tiqhelimi Bible

²³ Ikemu apitì aghüma kivi lo ikiqi ilo keu kiqi ye khunoqo no Alhou tsa chilu püzü ti vethalu keno tipau kiqi ke. Hipaqo no athi pithí tsü cheni, apitì vesü keu lo hami no aqhe no küghüsü, hami no lhotsügho no küghüsü eno hami no shighi no küghüsü ishi pithílu cheni.”

MATTHEW 13:23 Referans Kwoze

FILIPIAMI 1:11

Jisü Khristo launo ighikeu mikucho xathi huno nongu shepichhi pe Alhou juküvü eno shekiqhe shilu penie.

John 15:16

Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

MATTHEW 12:33

“Asübo lakhi ye pa xathi lono ithi cheni kehu akivishi asübo mlaphe no axathi kivi pithilu pelo, tikumo aye asübo alomo keu huno axathi ghi lhoksa pithi nani.

MATTHEW 13:8

Apiti hami no aghüma kivi lo ilolu eno athi pithilu, hami no aqhe piqi, hami no lhotsügho, hami no shighi.

Kolosiami 1:6

Atsakiviu khikhi nongu lau ighive akeno, nongu no ti chilu no kuchou lono Alhouw küpükini vethalu keu tsala lono athi pithi eno ikowo aketoi ayeghiqha kümtsü lo tishi ani.

MATTHEW 3:8

Aküxü xaidelu keu michipu shi axathi pithilo.

Luke 13:9

Tishino tokuu athi pithilu aye akivi eno alovae; ikemu tishimo aye yeqhiveni.’”

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

IBRIMI 8:10

Ampeu no sheshu, hipa thiu I no Israel kibolomi sasü puloshoqhi shinikeu ye hike: I no I Yezah pesü pano kükümsü lo sütsü nani, eno pano mlo lo yepukutsü nani, I no panongu Lhou shi nani, eno panongu no Iw timi shi nani.

IBRIMI 4:2

Kughengu panoqo lau toi ningu lau ghi atsakiviu ighi, ikemu panongu no chilu keu tsape ye pano lapu shimove, ti ye panongu no aküpülü süno ti chilu kemi sasü küqhalu moke.

2 Thes. 2:10

eno kixikila pishikiqhi jeli pesü pühave niye akemi pishiqhi nani, kughengu panongu no kuchou kimiye no xaluve peni keu milive ke.

1 Thes. 4:1

Ashekha shi athiküzümiqo, Ampeu Jisü je lono nino nongu qhüiniju eno hakite ani, nongu no ni launo kishi Alhou lopu shi xükepu keno ithuluve ketoi, ti ye nongu no itehi xüake toi, itaghi tinguno alau shi xülo.

FILIPIAMI 4:17

Ni ye agho laju anike kumoe; ikemu nongu no kike achekeu lo alau kighishelu penike phucheni.

2 Kor. 9:10

Khuu no apiti pesü apiti kiveu tsü eno asho pesü achuqupu shitsü keno, Pa no xusü kepu piti tsüno kughukotsü nani eno nongu mikucho ghile küghüsü tsü nani.

Apostolmi 17:11

Jewmi hipaqou ye Thessalonica lo akeqo nguno tsaqüi kemi; panongu no khekulhoshi atsa ikhilu, eno hi ye tishi kemo keno ithi niye tsalakipetsü Kuchoyesü phukide jue.

Apostolmi 16:14

Ningu tsa chilu kemi totimi lakhi ye Thyatira ghami Lydia, hughaike phimini jeche kemi, li ye Alhou kümllami. Ampeu no li mlo xükho tsüno li pelo Paul no pikeu lo amlo tsüqhiyi lupe.

John 8:47

Khunono Alhou laumi keno pa no Alhou tsa chilu cheni. Nongu no chimla keu kiqi ye nongu ye Alhou laumi kumoe.”

Luke 8:15

Ikemu khikhi ayeghi kivi lo ilolu keno, tipaqo ye Atsa chilu püzü panow kuchou eno akivi mlo lo tsatsai qhiluve chekemi, ikehu pano ye kheakulu shikeu lono axathi pithilu cheni.

Mark 10:15

Kuchou no I no nongu vilo piani, khukhumu itimi toi Alhou yekipe ikhilumo keu ye khilemu tile ilomla nani.”

Mark 4:20

Ikemu timi khami ye ayeghi aloke lo iloluke toi atsape chilu püzü ti ikhilu no axathi hami no shighi, hami no lhotsügho eno aqhe piqi, pithi cheni.”

MATTHEW 3:10

Itehi mu amüghü ye asübo philo qhipüani, eno axathi kivi pithimo keu sübo ye yeqhipe ami lo vesüve nani.

EZEKEL 36:26

I no amlo kithe nongu tsü nani, eno aghungu kithe nongu lolo sütsü nani. I no nongu lolo atu mlo ikhive tsüno ashi mlo pesü tsü nani.

EZEKEL 18:31

Nongu no axine shive keu kümtsü nongu launo pevelo, eno nongu ampi no amlo kithe eno aghungu kithe shilu lo! O Israel laghami, nongu ye kushiye thiveni kea?

IBRIMI 6:7

Kughengu khipa yeghi no ghuqhi kelo papashi tsütsüghu mighelu püzü azü yitsüpe avehupu shilu peniye asütsüni thuipeghi lupe cheni keno, Alhou launo kükümgha ithulu cheni.

Luke 8:8

Ikemu hami ye ayeghi kivi lo ilolu no thuikughi püzü aqhe piqi pithilu.” Jisü no atsa hipaqo pi akelo ighamku asheshu, “Khukhumu chikulupu kini pu akeu no chilulo.”