MATTHEW 12:50 - Sumi Naga CL (Re-edited) Bible (BSI)

⁵⁰ Kughengu khukhumu I pu kungugha lo akeu pulou shikeu huno I thiküzümi ngo I chelimi eno I zake.”

BAIBEL (BSI)

⁵⁰ Kughengu timi khuuno iPuh kungughalo akeu ghoapulou shini keno tipaqono ithikuzumi, ichelimi eno izake.”

Sümi Tiqhelimi Bible

⁵⁰ Kughengu khunoqo no I pù kungugha lo akeu pulou shi cheni keno tipaqo no I thiküzüu, I chepu eno I zá ke.”

MATTHEW 12:50 Referans Kwoze

Luke 8:21

Ikemu pa no khochile, “Khunono Alhou tsa chilu no ti pecheni keno, pano no I za eno I thiküzümie.”

Mark 3:35

Kughengu khunono Alhou pulou shi cheni keno, pa no I thiküzü I chelimi eno I za ke.”

John 15:14

I no kiu azah tsü keno nongu no pape aye, nongu ye I küsami ke.

John 6:29

Jisü no khochile, “Pa no khuu puwu keno, nongu no pa pülü luvelo, hi no Alhou kümla ke.”

MATTHEW 28:10

Jisü no panoqo vilo pi, “Msa kevilo; wulo eno I thiküzümi vilo Galilee lo wulo pilo, eno tilano panongu no ni ithulu nani.”

Rommi 8:29

Timi khunoqo Alhou no azünatha ghi ithi akeno panongu pelo Pa Nu julho kimihi shiluve peniye Pa no panoqo kishe kütüta shive, tishianguno athiküzümi kutomo gholo Anu pelo amsüu shi peniye ke.

John 6:40

Kughengu I Pu pulou ye hike: khunono Anu shou jupuku no pa pülübeni keno kümtsü pelo lhokta küxü apeniye ke, eno I no ashekha tsala lo pa xüputhu nani.”

1 John 2:17

Ayeghiqha ye akiminepu jeli gholono wove cheae, ikemu khunono Alhou lopu shikeno alholo acheni.

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

1 Tim. 5:2

topumiqo no o za toi eno ilimiqo no achepu toi mqhamqhiyi ikhilu lo.

1 Peter 4:2

tishianguno ashi phimpi xapu xüake tivilo pitipüza keu xine lono kumono Alhou pulou lono xüniye ke.

Galatiami 6:15

Kughengu aphighüyiko ghana ghamo namu kiumu akiqi kühae, ikemu lhoxü kithe shiluve keu no akhotou ke.

John 20:17

Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

Kolosiami 3:11

Hipau loye Greekmi eno Jewmi, aphighüyiko ghave kemi eno ghamo kemi, ayekümthami, tüghashi toi xükemi, aqemi eno ililai kemi kühae; ikemu Khristo no thokha ke, eno kümtsü lo ani.

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

Apostolmi 17:30

Mthake ghuloki loye Alhou no jukümghale ighivae, ikemu itehi ye Pa no aqha kuchopu lo timi kümtsü vilo xaide lopi azah tsü ani,

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

LESHELE 22:22

I no O je pesü I thiküzümi vilo pini; aqoaho lono I no O sheqheni:

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

2 Kor. 11:2

Ni ye aküpülü lono nongu ghenguno anheshu ani, kughengu athathelimi lakhi pesü akimi lau küsükha tsü keshi ni ye nongu sawo Khristo tsüniye shike.

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

MATTHEW 25:45

Tileno panoqo vilo pa no pi nani, ‘Kuchou no I no nongu vilo piani, nongu no hipaqo gholo akitilau lau kiu shimove keno, nongu ye I lau shitsü movae.’

1 Kor. 9:5

Apostolmi kütami eno Ampeu thiküzümi ngo Cephas no shiche ketoi ningu ye anipu sasü izüwuni keu chipiu küha keshea?

ALE KIMCHI 4:12

Aghutu khatha püakeu huno I chepu, Iw külaliu, li ye akhadu süve keu züpuki ke.

MATTHEW 12:49

Pa khopemi küdau pa u chhopuwo no pi, “I za eno I thiküzümi ye hile akhanie!

MATTHEW 13:1

Tipani Jisü no aki lono ipeve no azüghi phivilo ngoa.