MATTHEW 12:42 - Sumi Naga CL (Re-edited) Bible (BSI)

⁴² Küghakütha lo Apeu kükaliu no ithu hipa tiqhelimi akipimi tsü nani, kughengu li ye ayeghi shekhau no Solomon lokütsü tsa ininike ighi, eno julo, Solomon nguno akijeu kiuala hile anie.

BAIBEL (BSI)

⁴² Kughakutha tsalalo Apeu Akukaliuno puthugho puzu hipa tiqhelimi ngukuno kideqhive nani. Kughengu lino Solomonw alokutsu ininiaye ayeghi halau lono izu-susu ighi; eno jukutolo, Solomon nguno akijeu kiuala hilehi anike!”

Sümi Tiqhelimi Bible

⁴² Küghakütha tsalà lo apéu Kükaliu no hipau tiqheli gholo no ithughi no tiqheli hipau kiléqhive nani; kughengu li no ayeghi shekha küdau no Solomon lokütsü ini nike ighie, ikelo itehi ye kiu kela Solomon nguno akijeu hilehi anie.

MATTHEW 12:42 Referans Kwoze

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

KUKAMI ATUGHIU 10:24

Ayeghi kümtsü lono Alhou no pa mlo lo sütsü keu lokütsü inini ke ighiche.

KUKAMI ATUGHIU 5:12

Ampeu no Pa shoqhi kiqi lono alokütsü pesü Solomon tsü. Hiram ngo Solomon dolo külakishi ache eno pama no visho ghi qhive.

KUKAMI ATUGHIU 4:34

Ayeghi lo shiye eno kükami khunono pa ghili chilu keno kümtsü no pa lokütsü tsa inini ke ighi che.

KUKAMI ATUGHIU 4:29

Alhou no alokütsü ngo vethakulu kimghimla kepushi Solomon tsü, eno azüghi mkülo asaye jehi akükümsü kuthoküzü pesü pa tsü,

KUKAMI ATUGHIU 3:28

Israelmi kümtsü no akükauw xakütha hipau chilu no agigihu pa tsü, kughengu pa ye achipiu shinike Alhou lokütsü pa lolo anipi panongu no ithive.

KUKAMI ATUGHIU 3:12

julo, I no o tsa kiqi lono shitsüni. I no alokütsü eno kimchi kulupu o tsüni, eno o züu o thiu khunomu o toi ipeghimo nani.

KUKAMI ATUGHIU 3:9

Tighenguno timiqo shou achipiu eno kiviküsa kimchilu no ayepelu penike alokütsü I tsülo. Tishimo aye ow timi hijeje shou khuu no ayepe luni kea?”

MATTHEW 12:41

Küghakütha lo Nineveh phughimi no ithu hipa tiqhelimi akipimi tsü nani, kughengu panoqo ye Jonah shekushu vecheo xaide ke, eno julo, Jonah nguno akijeu kiuala hile ani.

MATTHEW 12:6

I no nongu vilo piani, kiukela achineki nguno akijeu lakhi hile ani.

ZAKINIU 30:13

Momu ti ye azüghi tüxau ani püzü, ‘Nino ti chilu no papeni kehu khuu no ni züqhushi azüghi katha wuno süghi tsüni kea?’ ipi kepu vehu kumoe.