MATTHEW 12:30 - Sumi Naga CL (Re-edited) Bible (BSI)

³⁰ Khunono I gholo kumo keno I külami, eno khunono I sasü hekumqo tsümo keno kütami hapupove cheni.

BAIBEL (BSI)

³⁰ “Khunono igholo kumo keno ighumie, eno khuno ipelo hekutsu pemo keno paye kutholeve anie.

Sümi Tiqhelimi Bible

³⁰ “Khunoqo no I gholo chemo keno I mujochile ani, eno khunoqo no I gholo hekütsümoni keno panapaghaive nani.

MATTHEW 12:30 Referans Kwoze

Mark 9:40

Kughengu khuu no ni küla moni keno ni ngulami ke.

Luke 11:23

Khukhumu I gholo shimo kemi ye I külami, eno I gholono hekütsümo kemi ye apanaghave tsü cheni.

Luke 9:50

Ikemu Jisü no pa vilo pi, “Pa lakha kevilo, kughengu khuu no nongu külamo keno pa ye no ngulami ke.”

MATTHEW 6:24

“Khunomu ampeu kini qeküqha mlae, kughengu pa ye lakhi mithive no lakhiu kimiye nani, momu lakhi qhoqhü no lakhiu thogha nani. Nongu ye Alhou ngo küakini qeküqha mlae.

JOSHUA 24:15

Ampeu qekeu no o ghenguno axine shive aghi aye, nono khuu qeni keno ishi tsala lono kishelu lo, nongu puasüqo no Aghoki kukuu qe chekeu lhouqo qeni keo, Amorimi khuno yeghi lo itehi nongu no küghüna ani keno pano lhouqo qeni kea? Ikemu ni eno I kibo ye Ampeu qeni.”

1 John 2:19

Panongu ye ni gholono ipeve kemi, ikemu azüu nomu niqomi kumoe, kughengu niqomi keaye ni gholo kuloji aghini cheke. Ikemu panongu no ipeve keu lono pano ye niqomi kumo kepi mtsüqheive peniye ke.

JOSHUA 5:13

Kughou Joshua no Jericho kupunu ighi keno, pa no ju kelaye timi lakhi azütakikihi pa u lo pesü aghi keu ithulu. Joshua no pa lau wuno pi, “No ye ni laumi keo, ni ghümi laumi kea?”

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

John 11:52

eno shiye ghengu likhi kumono Alhou nuli apanagha akeqo kumqo sawo lakhi shini keu ghengu ghike.

HOSIYA 1:11

Eno Judah ngo Israel nuliqo ye kümtsa hekütsü nani, panongu no pano ghenguno akütsü lakhi süküsü shi nani. Eno panongu no hipau yeghi lono iqhove nani kughengu Jezreel tsala ye kije shi nani.

AHOLE 11:24

Khami ye kümsano tsüve namu alau kinimi shi, khamiu ye tsükepu shi akeu süchileve keghi aqüagha shi cheni.

MATTHEW 12:29

Momu milakhi no akumtomi ki xüleni kelo pa ye atüghüshi aki mpeu akumtou tshüpe qhive moke loye kishino püka luni kea? Pa no hi shiluke thiu no xülelu nani.

LESHELE 94:16

Khuu no I ghenguno kixikilami lachile ithughini kea? Khuu no I ghenguno alhoksami lachile ithughini kea?