MATTHEW 11:28 - Sumi Naga CL (Re-edited) Bible (BSI)

²⁸ Khunono akho kimshi xapu akulho shive akeno kümtsü I lau ighilo, eno I no akulhokiqhi nongu tsüni.

BAIBEL (BSI)

²⁸ “Nongu akhokimshi xapu lhovekemiqo kumtsu ilau ighilo, ino nongu kulho qhitsu nike.

Sümi Tiqhelimi Bible

²⁸ “Nongu amakho kimishí xapu lhove kemiqo kümtsü I lau ighilo, I no nongu kulhoqhi tsü nike.

MATTHEW 11:28 Referans Kwoze

MATTHEW 11:29

Iw kuokhasü ikhipe xapulo, eno I launo shikalu lo, kughengu ni ye ivünhei eno aqhokighemi, eno nongu ngulho ghenguno nongu no akulhokiqhi ithulu nani.

John 7:37

Aghulhu tsala ashekhau, kümtsü nguno akhotou tsala lo Jisü no puthugho no ighamku pi, “Khukhumu tüghüthi aghi aye, I lau ighi no yelulo.

John 6:37

I Pu no I tsükeu kümtsü I lau ighi nani, eno I lau ighi keqo ni ye khilemu hapheve monani.

Galatiami 5:1

Khristo no ningu pesü ililai keu lo kuqho phevae. Ikehu mtotoi puthugho lo, eno itaghi aqüaxemi kuokhasü xapu kithe kevilo.

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.

JEREMIYA 6:16

Ampeu no ishi piani; “Alaghila lo puthugho no julo, khaghi laghiqo ighiju lo eno akivi la khila keno tila chewulo, eno nongu ngulho no akulho qhilu nani. Ikemu panongu no pi, ‘Ningu ye tipa la lo chewu moe.’

LESHELE 116:7

O I ngulho, O kulhokiqhi-a lo ideighilo; kughengu Ampeu no nibonilei o lau mlave tsüae.

ISAIAH 28:12

panoqo vilo Pa no khaghi no pi, “Hino akulhokiqhi eno iqünhei keu ke; qeinaive kemi kulhoqhi tsülo”; ikeghi panoqo no ini tsümoe.

MATTHEW 23:4

Panongu no puqhe kümla kho kimshi pesü timi xapipe cheni, ikemu panou ye auloti mu chhopuwo ti peqhetsü chemoe.

IBRIMI 4:1

Tighenguno Alhou kulhokiqhi-a lo iloni ke piqhi püakeu tüqhüdo lo ningu msaighüni nolo, tikumo aye kutou milakhi nomu ti tomlave nosae.

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

LESHELE 38:4

Kughengu I kipimi no I kütsü shou ikughivae; akho kimshi toi, ti ye I ghenguno ighono mishisheivae.

2 Thes. 1:7

eno aghime sholu akemi ngo ningu lau ghi Pa no alokughuno tsü nani. Hi ye kungugha lo Ampeu Jisü, Paw kungumi akumtomi gholo pephe kelono tishi nani.

ISAIAH 11:10

Tipa ghuloki lo shiye kütami no Jesse kuhu, khuu ashiayeqo ghenguno amchipu shi ithughi nani keno, pa jekipi kungo-a lo pa phusü ighi nani.

LESHELE 94:13

aveküsa tsala lono Nono akulhokiqhi pa tsü, küsaküghami kitime nike ghenguno aqo lakhi chhuke.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

YETSAPIU 1:8

Thokha kümtsü angaghai ke; ti ye timi no piphe khamlae; anhethi ye khilemu ju aghaqive keu kühae; akini ye khilemu chilu khave chemoe.

YETSAPIU 4:8

thilimi lakhi anu mu athiküzümi mu kühano ache, ikeghi tamono akaghashi mlache eno pa ye küakini jupe aghaqimo kelau ishi pijumoe “Ni ye khuu ghenguno akaghashi mla eno I lopivini keu milive acheni kea?” Hi ghi adou eno alokivi vehu kumoe.

Apostolmi 15:10

Imaye, nongu ye kushiye Alhou peju ghi küpülümi shou ni puasü eno ningu no puqhemla keu kuokhasü betsü ani kea?

JOB 5:7

ikemu ami no kunguu mpa iku ketoi timi ye aveküsa lo punusü cheni.

LESHELE 32:4

Kughengu putho pucho I shou O u mishishei ikughi; mütsü lo khetsünhe no pügha pühave ketoi I küka ye qhaivae.

YETSAPIU 1:14

Ayeghi lo shiakeu kümtsü I no ithulu khavae, eno hi ye amülhü küghaju püha cheke toi eno kümtsü adou ke.

ISAIAH 1:4

Aha, axine shikicheu shiye, akipimi pekimshi xapu chekemi, alhoksa shiche kemi tianuliqo, amikuchokumo shiche kemi! Panongu ye Ampeu phevae, Israelmiw Akimtheu jukünatha eno ithithai no tsüghüsü athiu idewovae.

JOB 14:1

“Totimi no punu kemi thaqhü ye aveküsa eno alho ikhoke pachie.

JEREMIYA 31:25

Kughengu I no qeinaive kemi eno kulhokughomi ghapiqi tsüno aghüthi püxütsü nani.”

Apostolmi 20:35

I no thokha lo nongu piyeve ake ningu ye ichheime mlano miqemlei kemi kuphu, eno Ampeu Jisü ampi no pikeu tsa kümsülu masae, ‘Tsükeu no lukeu nguno akümghapue.’”

JEREMIYA 35:16

Rekhab nu Jonadab kughuko ye pano pasü no azah tsükeu pelu ikemu timi hipaqo ye I gholumoe.