MATTHEW 10:6 - Sumi Naga CL (Re-edited) Bible (BSI)

⁶ ikemu Israel lagha lo püha püakeu mbeloji lau wulo.

BAIBEL (BSI)

⁶ ikemu Israilmi gholo puhavekeu bheriqo lau wulo.

Sümi Tiqhelimi Bible

⁶ Tishini ke züqhu Israelmi ambe toi pühape akemi lau wulo.

MATTHEW 10:6 Referans Kwoze

JEREMIYA 50:6

“Iw timiqo ye pühave keu mbeqo toivae. Pano khemi no pano saküghüzüvae eno naghutoqo lo pühave peke. Naghuto lono atoghi lo itsüsü wuve, eno panongu ye pano loji kümsümavae.

1 Peter 2:25

Kughengu nongu ye ala vepimi wuvekeu mbe toi cheke, ikemu itehi ye nongu ngulho Kheu eno Jukükütsüu lau idechile ighivae.

Apostolmi 13:46

Paul ngo Barnabas pama no amlo kumtoshi pi, “Alhou tsa ye nongu vilo paghi pi masa kepu shiae. Ikemu nongu no ti ye kileve no nongu ampi ye lhokta küxü ithulu küzüpu kumovae pi xathave akeke ningu ye Jewkumomi lau wuniae.

EZEKEL 34:6

I mbeqo ye apanagha khavae; panongu ye naghuto eno atoghi kümtsü lo itsüsü wuvae. I mbeqo ye ayeghi kümtsü lo apanagha khavae, panoqo phuwu momu juwuni kemi khumu kühavae.

ISAIAH 53:6

Ningu kümtsü no ambe toi ala kumo lo wuveke; kümtsü pütüta lalo wukhave; ikemu Ampeu no pa shou ni ghime pukuve tsüe.

LESHELE 119:176

Pühave keu mbe toi ni ye ala vepimivae; O qeu phu tsülo, kughengu ni ye O zakütsüqo kümsümave moke.

Apostolmi 3:26

Alhou no now kixikila lono sachile ighi no nongu kümgha tsüniye Pa qeu saputhupe atüghüshi nongu lau puwuke.”

MATTHEW 18:10

“Mthamini nongu ye hi kititiqo gholo lakhi mu jukünathalu nosake tsükhüi lo, kughengu I no nongu vilo piani, panoqo kheu kungumi ye pülhapuju I Pu kungugha lo akeu zülo acheni.

EZEKEL 34:8

I no xüake toi, Ampeu Alhou no asheshu, mtsüqheino I mbeqo ye tsüqhi chuniye shivae, I mbeqo ye tüghashiqo chuqupu shivae, kughengu ambekhemi khumu kühavae, eno I mbekhemi no I mbeqo phusaghi movae, ikemu ambekhemi ye pano ampi likhi loji auvae, eno I mbeqo loji movae,

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Apostolmi 18:6

Jewmi no pa küla eno pipütha kelo, Paul no pa phimini kuthove no pi, “Nongu ji no nongu kütsü lo ikughi nani! Ni ye akipimi kühae. Hinguno hilau ni ye Jewkumomi lau wuniae.”

Luke 24:47

eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae.

EZEKEL 34:16

I no pühave keqo phuwu nani, eno I no itsüsü wuve keqo sachile ighi nani, izapusü akeqo khakide küdai tsü nani, miqemlei keqo shikumto tsü nani, eno atha pubeyi akeqo ngo akumto shi akeqo ye I no kütsave nani. Achipiu lono I no panoqo loji nani.

JEREMIYA 50:17

“Israel ye abongshuu no haleve keu mbe toivae. Atüghüshi Assyria kükau no Israel kütsave, eno itehi Babylon kükau Nebuchadnezzar no panoqo saghi tsachheve tsüae.

EZEKEL 34:4

Nongu no miqemlei kemi shikumto tsümoe, aküsüu shipivi moe, aghüza kupuu khakide küdai tsümoe, itsüsü wuve keqo sachile ighimoe, pühave keqo phuwu moe, eno mkamihi panoqo shou ayepeke.

MATTHEW 18:11

[Kughengu Timi Nu ye pühave keqo xaluni ke ighie.]