MATTHEW 10:17 - Sumi Naga CL (Re-edited) Bible (BSI)

¹⁷ Timiqo jukuto lo, kughengu panongu no nongu sasü pano hoho zülo wunani eno sinagog lono akighikipili pesü nongu heqhi nani,

BAIBEL (BSI)

¹⁷ Timiqo jukutokupuyi alo, kughengu panonguno nongu sasu kughakutha-alo sawu nani eno panonguno Sinagog lono nongu ghaqhi nani.

Sümi Tiqhelimi Bible

¹⁷ Nolikhi nongu khekuto alo; nongu pesü no-a lo mijetsümiqo u lo sǘve no synagogqo lono nongu heqhi nani.

MATTHEW 10:17 Referans Kwoze

Mark 13:9

“Ikemu nongu ye jukuto khelo. Kughengu nongu küghape hoho u lo süvetsü nani, sinagog lono nongu heqhi nani, eno I je ghenguno nongu no angh ngo kükamiqo zülo thopimi shi puthugho nani.

MATTHEW 23:34

Ikehu I no nongu lau tungkupmi, alokütsümi, eno akükütsümi puwu nani, tipaqo khami ye nongu no pithive tsü nani, khami ye kros lono yedave nani, eno khami ye now sinagog lono heqhi no mishiphu atsütsü lo tipaqo hakuqoqhi nani,

Apostolmi 26:11

Ghuthu kutomo I no sinagog lono panoqo ghime, Alhou thaigha penike pükapütsa, eno axukighide lono inaghami phughi kutolo panongu ghime wuke.

John 16:2

Panongu no sinagog lono nongu haphe nani. Mtsüqheino khunono nongu pithiluni keno, pa ye Alhou huthulu ani kepi kümsüni keu tüqhüdo hu cheni.

Luke 12:11

Kughou timiqo no nongu sünhepe sinagog lo, momu yepemi eno küghaküthami lau sawuni keno, nongu ye kishi nongu süshoni momu kiu pini kelapi amlo kütakihi kevilo,

MATTHEW 5:22

Ikemu I no nongu vilo piakeu ye khukhumu pa thiküzümi shou amloide keu ye küghaküthapu lo ilo nani; eno pa thiküzümi thaigha keu ye hoho lau khochile masa nani; eno itaghi khukhumu kütami vilo ‘No aghüzüu’ ipikeu ye aghimepu mi pesü küghatha nani.

Apostolmi 22:19

I no pi, ‘Ampeu, sinagog atsütsü lo khunoqo o pülü aghi keno, tipaqo I no küghape akughu shino heqhi chekeu panongu ampi no ithi ani.

MICAH 7:5

Akisüghüu pükhübe kevilo; aküsau lau pülükibe akevilo; o umlo lo ihozü chekeu totimi launo o kichi hukikha khelulo;

IBRIMI 11:36

Khami ye ghushoqhi eno heqhi buqhi, tshüluve eno akughu shive.

2 Tim. 4:15

No ampi ghi pa launo kutokupui lo, kughengu pa ye akumtoshi ningu kükütsü küla püani.

FILIPIAMI 3:2

Khunono alhoksa kümla, aphi-ashi ghakütha khuaye pecheni keno, ti atsüqo tsükhüi jukuto alo.

John 11:47

Ikehu Achinetomi ngo Phariseemi hoho no kumqo no pi, “Ningu ye kiu shikepu kea? Kughengu timi hipau no amchipu kümla kutomo shi auvae.

Mark 13:12

Athiküzüu no athiküzüu pithive penike thechu nani, titoi apu no atianuli lau shinani, eno atianuli no apuaza sasü kumjo kichighi no pithive penike timi u lo süvetsü nani.

MATTHEW 26:59

Jisü pithive niye achinetomi ngo hoho mpemi kümtsü no kichile thopi phuae,

Apostolmi 17:14

Tileno athiküzümi no mtazü Paul küghüzü puwuve eno Silas ngo Timothy no ngovepe.

MATTHEW 20:19

eno ashiaye kütami pelo thogha eno heqhi püzü yedave penike tsüve nani. Tishino pa ye aküthüni no xüputhu nani.”

MATTHEW 10:18

nongu sünhe sasü angh ngo kükamiqo lau wunani, ti ye panoqo eno Jewkumomi zülo I je ghenguno ashepe shilu peniye ke.

Apostolmi 9:2

Damascus sinagog lo tsüpuwu kepu yesü khu, tishianguno khuana Alaghi laumi, kiptimi na totimi namu, pa no phulu aye küghape Jerusalem lo ighi niye ke.