Mark 7:10 - Sumi Naga CL (Re-edited) Bible (BSI)

¹⁰ Kughengu Moses no pike, ‘O pu ngo o za gihulo’; eno, ‘Khukhumu apuaza thaigha keu ye mtsüqheino thinani.’

BAIBEL (BSI)

¹⁰ Kughengu Muse no ishi ahza tsu puani, ‘Opu eno oza gihulo’ eno ‘Khuno apu aza lhoksa pinikeno pa pithivelo.’

Sümi Tiqhelimi Bible

¹⁰ Kughengu Moses no ishi pi, ‘O pù eno O zá gihu lo,’ eno, ‘Khukhumu papù momu pazá ghusho aye pìthíve kepue.’

Mark 7:10 Referans Kwoze

IPEKULU 21:17

“Khukhumu pa puaza ghusho keu ye pithiveni.

IPEKULU 20:12

“O puaza gihulo, tishianguno Ampeu o Lhou no tsü akeu yeghi lo o tsala ye kushuo shilu nani.

ZAKINIU 5:16

“‘Ampeu nongu Lhou no azah tsüke toi o pu ngo o za gihu lo, tishianguno no ye axüshu nani, eno Ampeu o Lhou no o tsü akeu yeghi lo no ye thokha kümtsü akivipu shilu nani.

ACHINE 20:9

Khukhumu pa puaza ghusho keu ye pithiveni; pa kithi ye pa makho shini.

MATTHEW 15:4

Kughengu Alhou no azah tsüke, ‘O pu ngo o za gihulo,’ eno ‘Khukhumu apuaza ghusho keu ye mtsüqheino thive masae.’

Mark 10:19

Nono azakütsü ithi ani noshi: ‘Ghiqhi kevilo, Shupu-salha kevilo, Püka kevilo, Akimki thopi tsü kevilo, Pishiqhipe süxaluve kevilo, O pu ngo o za gihulo.’”

AHOLE 30:17

Apu jukünatha eno aza thaigha chekeu nhethi ye akhila lo aghaqo no mighijo pewuve tsünani eno küzüva lhuquqo no chuve nani.

AHOLE 20:20

Apuaza ghusho aye o küxü ye akulu tsüqü pinheve tsü ketoi aküzü kutho lo ilove nani.

ZAKINIU 27:16

“‘Khukhumu pa puaza gihumo keu ye müsüinivae.’ Eno timi kümtsü no ‘Amen,’ ipini.