Mark 6:6 - Sumi Naga CL (Re-edited) Bible (BSI)

⁶ Timiqo küpülü küküha ghenguno pa ye akümza qhiyive. Tileno pa ye acheaxü lo aphuqo lo itsü kütsüshika wuve.

BAIBEL (BSI)

⁶ Pano ghami kupulukumo jupesu Jisu ye akumzaqhiyive. Jisu no tipa che-axulo akeqo phulo kutsusu wuve.

Sümi Tiqhelimi Bible

⁶ Pa ye panongu küpülü küküha ju pesü akümzave ke. Tisheno Jisü ye ache-axü lo aphu lakhi lono lakhi lo kütsüsü wue.

Mark 6:6 Referans Kwoze

MATTHEW 9:35

Jisü no aphughi eno aphu kümtsü lo wuno sinagog lono timiqo kütsü eno kungugha yekipe tsakiviu pesü sheshu no aküsü ghime jeli kümtsü shipivi tsüe.

MATTHEW 8:10

Jisü no hi chilu kelo ighono pa kümza qhiyive no pa papeche keqo vilo pi, “Kuchou no I no nongu vilo piani, Israel lo hitoi keu küpülü akemi ni ye khumu ithulu mphi.

Luke 13:22

Jisü no Jerusalem küdau wuche kelo aphu eno mishiphuqo kathasü itsü shika che.

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

ISAIAH 59:16

Pa no ju kelaye milakhi mu alakishi shitsüni keu ithumlae; tileno Pa u no xaphelue, eno Pa chipiu-mikucho no Pa süqheke.

John 9:30

Timi huno khochile, “Ya, ti ye akichiqhie! Pa ye khilano ighi keno nongu ye mthae, ikeghi pa no I nhethi xükhove tsüe.

MATTHEW 4:23

Jisü no Galilee qha kümtsü lo wuno sinagog lono timiqo shika, kungugha yekipe tsakiviu pesü sheshu, eno aküsü aghime jeli kümtsü shipivi tsü.

JEREMIYA 2:11

Shiye lakhi ye alhou kumomu pano lhouqo kilive cheni keshea? Ikemu Iw timiqo ye pano jekipi pesü ala küha keu küsükilivae.

Luke 4:44

Pa ye Judea lo sinagog lono sheshu che.

Luke 4:31

Tishino Pa ye Galilee lo Capernaum phughi lo iqive no Sabbath lo timiqo shika ae.

Mark 1:39

Tishino pa no Galilee qha kümtsü lo wuno sinagog lono kütsü eno tüghaküsaqo haphe.

Mark 10:1

Jisü no tipa-a qhive no Judea eno Jordan kukuu wuve. Itaghi aqokitikhi no pa lau ighi no kumqo luve kehu alhoaye lo pa no shiche ketoi itaghi panoqo kütsüshika ae.