Mark 6:12 - Sumi Naga CL (Re-edited) Bible (BSI)

¹² Ikehu akhopemi no wu püzü timi kümtsü no xaide masa keu tsa pesü sheshu.

BAIBEL (BSI)

¹² Ike akhopemino wuno timiqo vilo axine lono xakideluvelo pi asheshu.

Sümi Tiqhelimi Bible

¹² Panongu no chewu püzü timiqo vilo amlo pebide masa keu tsa kütsüe.

Mark 6:12 Referans Kwoze

MATTHEW 4:17

Hipa ghuloki lono huthusü Jisü no ishi kütsü thuve, “Xaidelo, kughengu kungugha yekipe ye kunupu khoivae.”

Apostolmi 20:21

Jewmi eno Greekmi vilo ghi Alhou lau xaide ighi no ni Mpeu Jisü Khristo pülü penike thopi shi püani.

Apostolmi 11:18

Panongu no hi chilu kelo inaqhoive, eno Alhou sheqhe ghi pi, “Tishiaye Alhou no Jewkumomi lau ghi aküxüpu lo wulu kepu xaidekulu tsüvae.”

Apostolmi 2:38

Peter no panongu vilo pi, “Nongu xine qhivetsü kepushi xaideghi no Jisü Khristo je lono baptiz shilulo, eno nongu no Aghungu Kimthe gho ithulu nani.

Luke 13:3

Moe, I no nongu vilo piani; ikemu nongu no xaidemo kelo nongu kümtsü titoi pühave nani.

Luke 11:32

Küghakütha tsala lo Nineveh phughimi no ithu no hipa tiqhelimi akipimi tsü nani, kughengu panongu ye Jonah shekushu lono xaidelue, ikemu julo, Jonah nguno akijeu kiuala hile ani.

MATTHEW 3:8

Aküxü xaidelu keu michipu shi axathi pithilo.

MATTHEW 3:2

“Xaidelo, kughengu kungugha yekipe ye kupunuvae.”

EZEKEL 18:30

“Tighenguno, O Israel laghami, timi lakhikhi shou pütüta laghi kiqi lono I no küghatha nani, Ampeu Alhou no asheshu. Xaidelo, eno nongu xine kümtsü lono tsüghüve lo, tikumo aye axine no nongu kütsakungove nosae.

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,

Luke 24:47

eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae.

Luke 15:10

Tihutoi I no nongu vilo piani, axinemi lakhi no xaidelu keu lo Alhouw kungumi gholo ghi alokivi kije acheni.”

Luke 15:7

Tihutoi I no nongu vilo piani, kungugha lo amikuchomi lhotoku-toku khuno müzülo xaidekulu avehupu shimoa keno, tipaqo ghenguno alovi keu nguno axinemi lakhi xaidelu keu lokiviu paje nani.

Luke 13:5

I no nongu vilo piani, kumoe; ikemu nongu no xaidemo kelo nonguu ghi kümtsü titoi pühave nani.”

Mark 1:15

“Ado ye kupuvae, eno Alhou yekipe ye kupunuvae, xaidelo eno atsakiviu pülü lulo.”

MATTHEW 11:20

Tishino Jisü no aphughi khipaqo lo pa no akümzapu kümla shipüa keno, tipaqo no xaidemo kehu sakiyi thuve.

MATTHEW 9:13

Hi ye kiu kiqi keno wuno shika lulo: ‘Ni ye kimiyekini laju ani thono aghakishi kumoe.’ Kughengu I no ighikeu ye amikuchomi kumono axinemi kuni ke ghenguno ke.”

Luke 9:6

Panongu no aphuqo lo atsakiviu sheshu eno shikipivi kümla shisü aqha kümtsü lo wuve.

Mark 1:3

Yenguyi ke-a lo milakhi no ighamku ani: ‘Ampeu ghenguno ala kutolo; Pa laghi müzüchoi shitsü lo,’”

MATTHEW 11:1

Kughou Jisü no pa khopemi chighikini lau akükütsütsa tsüve keno, pa ye tileno chesü aphughiqo lo shika eno kütsü nike wuve.