Mark 5:7 - Sumi Naga CL (Re-edited) Bible (BSI)

⁷ Eno asütsa kuloghi lono ighamku pi, “O Shishe Akiqheu Alhou Nu Jisü, no ye I lau kiu shikepu ani kea? I no Alhou je lono o qhüiniju ani, I ghime tsü kevilo.”

BAIBEL (BSI)

⁷ eno asutsa kumgha lono ighaghi pi, “O Jisu, shishe Akiqheu Lhou Nu, noye ikughape kiu shivetsu niye ani kya? Alhou jekuno ino ovilo iniju anike, ishikighime kevilo!”

Sümi Tiqhelimi Bible

⁷ Pa no asütsa kuloghi lono ishi igha ghi pi, “Shishe Akiqheu Lhou Nu Jisü, no ye I lau no kiu avehupu shi ani kea? Alhou je lono I shikighime tsü kevilo!”

Mark 5:7 Referans Kwoze

MATTHEW 8:29

Paikhavi pama no igha thuve, “O Alhou Nu, no ye ni lau kiu shikepu ani kea? Ado tomphi lono no ye ni ghimeni ke ighive akeshea?”

Apostolmi 16:17

Li no Paul ngo ningu papesü ighamku, “Timi hipaqo ye shishe Akiqheu Lhou qemie, panongu no nongu lau xakulupu laghi sheshu ani.”

Jude 1:6

Eno kungumi khunono pano kungo-a kuchou qhive no kükagha peitha move keno, küghakütha tsala kije ighi moke kutolo, Pa no aküzü kutho lo lhokta yikichhe pesü tipaqo tshüpe qhivae.

MATTHEW 26:63

Ikemu Jisü no inaqhoi ngove. Achinetou no itaghi pa vilo pi, “Aküxüpu Lhou je lono I no ashoqhi tsa o vilo piani, no ye Alhou Nu Messiah kemo keno ni vilo pilo.”

Piyeküsü 12:12

Tighenguno alovilo, O nongu kungugha lo akeqo! Ikemu nongu ayeghi lo eno azüghi lo akeqo hasapuae, kughengu tüghami ye pa do ikhonheive keu ithi no shishe axuidesü nongu lau iqivae!”

Apostolmi 19:13

Jewmi khami iqhoiqi aghawu haphe chekeqo ghi tüghaküsa ghungu akeqo shou Ampeu Jisü je kuno haphe ghi pi, “Paul no pikülha chekeu Jisü je lono I no azah o tsü ani.”

Luke 8:28

Pa no Jisü ithulu püzü ighamku pa zülo ikiqive no asütsa kuloghi lono pi, “O Shishe Akiqheu Alhou Nu Jisü, no ye I lau kiu shikepu ani kea? I no o qhüiniju anike I shikughuju kevilo.”

Mark 3:11

Kugho kughomu mithekumo ghawuqo no pa ithulu kelo, panoqo no pa zülo ikiqive no ighamku pi, “No ye Alhou Nue.”

MATTHEW 4:3

Tileno ghukujuu no ighi no pa vilo pi, “Nono Alhou Nu shiaghi aye, atu hipaqo pesü asho kughulhoveni keu za tsüju lo.

1 John 3:8

Khukhumu axine kümla shiche keu ye tüghami laumi, kughengu tüghami ye abothu lono axine shisü ighivae. Alhou Nu no ipeghi keu kiqi ye tüghami kümlaqo kütsave tsüniye ke.

2 Peter 2:4

Kughengu kungumi thotsü axine shive kelo Alhou no süchile mono panoqo pesü küghakütha tsala tomoke kutolo ayikha no tshüpe aküzü qokutho lo qhive aye;

Mark 1:24

“O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu ke.”

MATTHEW 16:16

Simon Peter no khochile, “No ye aküxüpu Lhou nu Messiah ke.”

HOSIYA 14:8

O Ephraim, Ni ye ajulho pesü kiu shive tsüni kea? O khochile eno o jukuto chekeu ye I no ke. Ni ye xüthilei keu cypressbo toi ke; I launo o xathi ithulu cheni.

KUKAMI ATUGHIU 22:16

Ikemu akükau no pa vilo pi, “Ni ye ghuthu khije nono Ampeu je lono pi kelo, kuchou nguno kütau ye pipemo nike o pelo ashoqhi shipeni kea?”

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

IBRIMI 7:1

Kughengu Salem kükau, Akiqheu Lhou chineu Melchizedek hipau no Abraham no aghüla wuno kükami ghiqhi püzü woche kelo pa sasü kusholu no kümghatsü,

IBRIMI 2:14

Ikehu atianuliqo no ashi eno aji xapu aketoi, pa ampi ghi panoqo kimihi shi thokha küsaje ke, tishianguno pa kithi vecheo tüghami khuu no akithi küka ache keno kütsave niye ke,

Apostolmi 8:36

Pama no wuche kelo azü ake-a lo ighi, eno shoko huno pi, “Julo, azü hi ani! I no baptiz shinike kiuala no I lakha kepu anio?”

John 20:31

ikemu hipaqo yepüa keu ye nongu pelo Jisü ye Khristo, Alhou Nu, kepi pülülu peniye, eno pülülu keu vecheo Pa je lono aküxü apeniye ke.

Luke 6:35

Ikemu no ghümi kimiye lo, akivi mla lo, ithulu chileni keu kiumu lajumo no püna lo, eno nongu jume ye kije shi nani, nongu ye Shishe Akiqheu tianuli shi nani, kughengu Pa ye amlo lo shikimthikütsü küha kemi eno alhoksami lau ghi kimiyeqhiyi cheni.

Luke 4:34

“O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu.”

Luke 1:32

Pa ye kije shi nani eno Shishe Akiqheu Nu ipi ku nani. Ampeu Alhou no pa sü David kükalakhü pa tsü nani,

Mark 14:61

Ikemu Jisü no inaqhoi ngove no kiumu khochilemo. Achinetou no itaghi Pa vilo ighiju, “No ye Kükümghau Nu Messiah keshea?”

Rommi 16:20

Aloino keu Lhou no kighithe nongu pukhu philono Satan nedaqhi nani. Ni Mpeu Jisü Khristow küpükini no nongu gholo apeniu.

Mark 5:6

Pa no pishipuwo Jisü ithulu kemtsa mtazü posü ighi no pa zülo qhoqhünhe luve.

Mark 5:8

Kughengu Jisü no, “Pa launo ipeghive lo, no mithekumo ghawu!” ipi azah pa tsü ake.

James 2:19

Alhou ye lakhi likhi kepi nono pülü cheni; ti ye aloe. Tüghamiu ghi pülü cheni—eno khokhoshi msa cheni.