Mark 4:15 - Sumi Naga CL (Re-edited) Bible (BSI)

¹⁵ Ala lo Atsa ikiqi iloke toi kughou timi khami no atsape chiluni keno, Satan no paikhavi ighi püzü pano lolo xusü püakeu hu ikhipe wuve tsü cheni.

BAIBEL (BSI)

¹⁵ Alalo vepukuve keqoye khunoqo shou Atsa vesukeno panonguno ti chilu kemtsa Satan no ighieno panoqo lolo atsa vesupuakeu hu pewuvetsu.

Sümi Tiqhelimi Bible

¹⁵ Timi khami ye alaphe lo apitì ikiqi iku keu toi Alhou tsa vesü ke. Ikemu panongu no Alhou tsa chiluve kemtsa, Satan no ighino Alhou tsa panongu lolo vesü püakeu ikhipe wuve cheni.

Mark 4:15 Referans Kwoze

1 Peter 5:8

Tsükhüi lo; jukuto lo. Nongu ghümi tüghami ye abongshuu no igha chekeshi khukhumu tsüqhi luveni ke phucheni.

MATTHEW 13:19

Kughou khuana no Ayekipe Tsa chilu püzü ithikuthu moveni keno, alhoksau no ighi no pa mlo lo yisü mlano akeu piti süxape wuve cheni. Hi no khikhi alaphe lo vesülu keno apiti huke.

2 Kor. 2:11

tishikeu lono Satan pelo ningu shoqave pemo niye ke; kughengu ningu ye pa mqü mthake kumoe.

Luke 8:12

Ala lo ikiqive keqo ye Atsa chiluve keqoe; tileno tüghami no ighi no pano mlo lono Atsa hu ikhi süwuve tsü cheni, tishikeu lono panongu pelo pülülu no xalu pemo niye ke.

Mark 4:4

Pa no apiti veche kelo hami no ala lo ikiqive, eno aghauqo no yeighi no mighive.

Apostolmi 5:3

Ikemu Peter no pi, “Ananias, kushiye Aghungu Kimthe pishiqhi niye Satan no o mlo lo iloghive no ayeghi jekulu pisa hami o sala qhiluve kea?

ISAIAH 53:1

Ni launo chilu keu khuu no pülü kea? Eno Alhou u khuu piye kea?

Piyeküsü 20:10

Eno panoqo pishiqhive keu tüghami huye khile tüghashi eno kichile tungkupu akeno, amiyizü eno amichu iqüke-a lo küghape vesüve, tilau no panoqo ye putho pucho pülhapuju eno alholo ghimeqhi anani.

Piyeküsü 20:7

Kughou ampe qhethonhe kishekhani keno Satan ye pa kughuki lono khaqhi pheve nani

IBRIMI 2:1

Tighenguno ningu no kiu chiluve akeno tipau lo amlo tsüshe masae, tikumo aye ningu ye putosüve nosae.

2 Thes. 2:9

Ayezah heküxau ikighi ye Satan kümla lono ke, pa no aküka, eno kichile michipu ngo akichiqhipu kümla peitha nani,

MATTHEW 22:5

Ikemu panongu no iniküküzüi chekhave, lakhi no pa lulo huve, lakhi no paw lhidi-a lo wuve,

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

MATTHEW 4:10

Tileno Jisü no pa vilo pi, “Chevelo, Satan! Kughengu ishi yepüani, ‘No ye Ampeu o Lhou mlla lo eno pa likhi huthu lo.’”

ZEKHARIA 3:1

Tithiu pa no achinetou Joshua no Ampeuw kungumi zülo puthugho aghi keu, eno Satan no pa u ajeu puthugho no pa nguku aghi keu I piye.

BOTHUBO 19:14

Ikehu Lot no ipe püzü pa makishimi, pa nongaqo sasü akibo shiniye akemi vilo pi, “Ithulo! Hipa-a lono ipevelo, kughengu Ampeu no mishighüna hipau kütsave niye shivae.” Ikemu amalimi no pa ye ghava shi ani küghashi kümsüve.

IBRIMI 12:16

Esau no ana akhu lakhi ghenguno pa punu chipiu jeveke toi alhoksa eno mithekumo shive nosake kutokupuilo.

Apostolmi 17:32

Kughou panongu no kithimi xüchilekulu chilu keno, khami no junuqhi. Ikemu khamiu ye pi, “Hipa tsa lo ningu no o launo chilu kitheni.”

Mark 4:14

Apitikiveu no Atsa hu xusüe.

Mark 4:16

Timi hipaqo no atuli lo Atsa ilolu keu mihi ke: panoqo ye kughou no atsape chiluni keno, sü-i khavi alokivi shi ikhiluve cheni.