Mark 2:5 - Sumi Naga CL (Re-edited) Bible (BSI)

⁵ Kughou Jisü no panoqo küpülü ithulu keno, pa no anhükithiu vilo pi, “Anu, o kipimi qhive tsüae.”

BAIBEL (BSI)

⁵ Kughou Jisu no timi hipaqo kupulu ithulu keno, pano anhukithiu vilo ishi pi, “Apumi, oxineqo pevetsuae.”

Sümi Tiqhelimi Bible

⁵ Kughou Jisü no panongu küpülü ithulu keno, pa no aphimpi ithamlave keu vilo ishi pi, “Anu, O xinéqo qhivetsüae.”

Mark 2:5 Referans Kwoze

MATTHEW 9:2

Eno julo, timi khami no anhüküsüu aphiau thive kemi lakhi awophe lono xapusü ighi. Kughou Jisü no panoqo küpülü ithulu keno, pa no aküsüu vilo pi, “I nu, o ghüthi püxülu lo; o xine qhive tsüae.”

James 5:15

Aküpülü lono inikhu kelo aküsüu ye vive nani, eno Ampeu no atho puthotsü no pa no axine shipüaghi aye pevetsü nani.

MATTHEW 9:22

Jisü no tsüghü ighi no li ithulu kelo ishi pi, “O ghüthi püxülu lo anga, o küpülü no o shipivivae.” Eno tipa mtsa totimi huye viluve.

Ephesiami 2:8

Kughengu nongu ye aküpülü vecheo küpükini lono xaluvae; eno hi ye nongu ampi ka-agha lono kumoe; ikemu Alhou no tsükeu gho ke,

Apostolmi 5:31

Alhou no pa pesü Sakipheu eno Xakuluu shi Pa u ajeu süqhepe qhino Israelmi pelo xaidelu no axine qhikütsü ithulu peniye ke.

John 5:14

Athiuno Jisü no achineki lo timi hu ithulu no pa vilo pi, “Julo, no ye vivae! Hinguno hilau ye kiuala alhoksa o shou ighi pemoni ke axine shikithe kevilo.”

Luke 5:20

Kughou Jisü no panoqo küpülü ithulu keno, pa no pi, “Athiküzüu, o xine qhive tsüae.”

Kolosiami 3:13

Lakhino lakhi lau kheakulu shino mopi kepu aghi namu akipimi pevetsü kilelo, Ampeu no nongu kipimi qhive tsüke toi nongu ghi lakhino lakhi kipimi qhitsü masae.

2 Kor. 2:10

Nongu no timi kipimi pevetsü keno, ni ghi pa kipimi pevetsü ani. Kuchou no I no akipimi pevetsü püaghi aye, I no kiu pevetsü akeno, ti ye Khristo zülono nongu ghenguno ke,

1 Kor. 11:30

Hi ghenguno nongu kutomo no qeinai eno küsükini shi ani eno khami ye thivae.

Apostolmi 14:9

Pa no Paul no pikeu tsa inia. Paul no tsaqüi pa jukelo, pa ye shipivi luve kepu küpülü akeu ithulu kehu,

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

John 2:25

Pa ye timi ghili ithi nike thopi khumu avehupu shimoe, kughengu pa ampi no timi lolo kiu akeno ithi ae.

Luke 8:48

Jisü no li vilo pi, “Angao, o küpülü no o shipivivae; aloino wolo.”

Mark 5:34

Jisü no li vilo pi, “Angao, o küpülü no o shipivivae; aloinoqhiyi wolo, eno o küsü lono vilulo.”

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

ISAIAH 38:17

Kuchou no I no kukhukimji kije sholu keu ye I kivipu akehu kena; Nono I kimiye kelauno akumo ki lono I küxü xaphe tsüno I xine kümtsü pesü O thiu vepuwove tsüe.

LESHELE 103:3

Pa no o xine kümtsü pevetsü eno o küsü kümtsü shipivi tsü,

BOTHUBO 22:12

Pa no pi, “O nu shou o u be kevilo momu pa lau kiumu shi kevilo, kughengu nono I launo o nu lakhi likhi akeu süchile move keu ithulu kelo no ye Alhou sümsa chenie pi itehi ye I no ithivae.”

MATTHEW 9:5

‘O xine qhive tsüae,’ pikeu no keo, ‘Ithughi no alachelo’ pikeu khikhiu no mlalei kea?

Mark 2:6

Tile Ayezah shikükami khami no pano mlo lono ishi ighiju kuto ae,