Mark 2:2 - Sumi Naga CL (Re-edited) Bible (BSI)

² Ikelo timi kutomo ighi kumqo luve keu lono a-a kitila mu kühave no ahukikha lou ghi kikiyi kuchope ngove, Jisü no panoqo vilo Alhou tsa piae.

BAIBEL (BSI)

² Ike timi kutomo ighieno kumqoluve kehu tile a-a kuhave eno ahukikha phivilomu a-a kuhave. Jisu ye timiqo vilo Alhou tsa pi ae.

Sümi Tiqhelimi Bible

² Timi kutomo kumqove kehu achebo lo a-a kühave püzü ahukikha khalau kutólo ghí a-a kühave, tisheno Jisü no Alhou tsa pesü panongu kütsüe.

Mark 2:2 Referans Kwoze

Mark 2:13

Jisü no itaghi khalau azüghi phivilo wuve, ikelo aqokitikhi no pa lau ighive kehu tileno pa no panoqo shika ae.

Mark 1:45

Ikemu pa no wuve no hipa tsa zaleuve eno pikülha thuve, ikehu hipa thiu Jisü ye aphughi khalau yenguyi ke-a lo kumo aye pekiphe shi aphughi lo ilo mlave, ikemu timiqo no akuaqha lono pa lau ighi.

2 Tim. 4:2

ado ghuloki akivi na monamu atsa pesü sheshulo, thokha lo kutuukulu eno shiküka pesü shikithetsü, sakiyi eno shikumto tsülo.

Rommi 10:8

Ikemu hi ye kiu piani kea? “Atsa huye o phivilo ani, o kichi lo eno o mlo lo ani” (ti ye ningu no sheshu chekeu aküpülü tsa piani ke);

Apostolmi 16:6

Asia lo atsakiviu pinike Aghungu Kimthe no hakhave kehu Paul ngo Silas pama ye Phrygia ngo Galatia qhalo wuve.

Apostolmi 14:25

Kughou pama no Perga lo atsa pesü sheshuve keno Attalia lo iqive.

Apostolmi 11:19

Stephen pithive kelono kijipüsa thuve kehu Phoenicia, Cyprus, eno Antioch kutolo apanagha pove keqo no atsa pesü kütami vilo pimono Jewmi vilo likhi pie.

Apostolmi 8:25

Pama no Ampeu tsa pesü ashepe shive kethiu, Jerusalem lo idewo chekelo Samariami phu kutomo lo atsakiviu pesü sheshue.

Luke 12:1

Tishi akelo, kughou timi qhethonhe piqi kumqove keu lono khami no khami nedauve keno, Jisü no atüghüshi pa khopemi vilo pi, “Phariseemiw kholaqhi, ti ye keghilishi keu, jukuto lo.

Luke 8:11

Kimghikipiye kimji ye hike: Apiti ye Alhou Tsa ke.

Luke 8:1

Tithiu Jisü no Alhou yekipe tsakiviu sheshusü mishighüna eno aphuqo lo wu. Akhopemi chighikini no pa gholo wu,

Mark 1:37

kehu pa ithulu kelo panoqo no pi, “Kümtsü no o phu cheni.”

Mark 1:33

Eno aphughi lo küxümi aqha no aki khala lo kumqo luve.

Mark 1:14

John kügha luve kethiu Jisü no Alhou tsakiviu pesü Galilee lo asheshu ighi,

MATTHEW 5:2

Tileno pa kichi xükhope pa no timiqo kütsüshika thuve:

LESHELE 40:9

Ahoho kije lono I no xaphekulu lokivi tsa pive tsüae; O Ampeu, Nono ithi aketoi, ni ye I mütsü lakha püamoe.

Luke 5:17

Ghuthu lakhi lo Jisü no shika akelo Phariseemi ngo Ayezah shikükami, khunoqo Galilee lo aphuqo eno Judea ngo Jerusalem lono ighi akeno, panongu ghi tile ae, eno shipivilu kepu Ampeu küka no pa gholo ae.

Mark 6:34

Kughou Jisü no axüsa tokeno, pa no aqokitikhi kije ithulu, eno panoqo ye akheu küha keu mbeqo toi aghi kehu pa mlo ighiqhiyive. Pa no thime kutomo pesü panoqo shika thuve.

Mark 2:1

Atsala hami thiu kughou Jisü no Capernaum lo ide ighi keno, pa ye aki lo anie pi timiqo no chiluve.