Mark 15:43 - Sumi Naga CL (Re-edited) Bible (BSI)

⁴³ Arimatheami lakhi, hoho mpemi agigihu küami khuu ampi no Alhou yekipe ghi laju chekeno, Joseph ipikeu no amlo kuloghi shi püzü Pilate lau wuno Jisü sükumo khu.

BAIBEL (BSI)

⁴³ Ike Arimathia noghami Josef no ighi. Paye Judami Hoho lo kihikusumi lakhi eno kutamino qhoqhughi achekemi eno pa ghi Alhou yehkipe ighinikeu juachekemi, ikehu pano amlo kuloghishi puzu Pilat lau wuno Jisu sukumo khu.

Sümi Tiqhelimi Bible

⁴³ Arimathea nó ghami Joseph no amlo kumto shi Pilate lau wu püzü Jisü sükumo khue. Joseph ye Mijetsümi mqo lo akhotomi lakhi eno pa ye Alhou kükaphu ighi nikeu ngokhe acheke.

Mark 15:43 Referans Kwoze

Luke 2:38

Tipau süchedo lo li no panoqo lau ighi no Alhou shikimthi thuve, eno khunono Jerusalem xachile luni keu tsala khelho chekeno kümtsü vilo anu ghili pesü pi thuve.

Luke 2:25

Jerusalem lo timi lakhi Simeon ipikeu ache, pa ye amikucho eno amlo tsüqhiyi Israel lokughuno tsüni keu tsala khelho chekemi, eno Aghungu Kimthe no pa gholo ache kemie.

Luke 23:51

Ikemu pa ye aqomi xakütha lo pulomo no Alhou yekipe laju cheke.

Apostolmi 17:12

Tighenguno kutomo no pülü luve, Greekmi totimi aqoaho lo akhotomi eno kiptimi ghi pülü luve.

John 19:38

Hipa thiu Arimatheami Joseph no Jisü kumo pewuve nike Pilate qhüiniju, pa ye Jewmi msa kehu küsüuno Jisü khopemi shiche, eno Pilate no pewu penike azah tsüve kehu pa no ighi no pewuve.

MATTHEW 27:57

Kughou avelau shive keno, Arimathea lono kinimi lakhi Joseph ipikeu ighi, pa ghi Jisü papemi lakhie.

FILIPIAMI 1:14

Eno I no akughu shikeu lono athiküzümi kutomo no Ampeu lau pükhübe luve kehu itehi ye msa mono Atsa pikülha nike alau mto kithe ani.

Apostolmi 13:50

Ikemu Jewmi no Alhou sükümsami totimi aqoaho lo chuqumghai kemi ngo mishighüna lo timi akhotomi chuxu, eno Paul ngo Barnabas ghimeni ke xukutho thuve no tipa cheaxü lono pama hapupove.

Mark 14:54

Peter no putou no papesü achinetou kikhala alou kutolo iloghi. Pa ye ghukhemi gholo iqa ghi ami pügha ae.

MATTHEW 20:16

Ikehu ashekhami no atüghümi shive nani eno atüghümi no ashekhami shive nani.”

MATTHEW 19:30

Ikemu khunono atüghümi keno kutomo no ashekhami shive nani, eno ashekhami no atüghümi shive nani.”

Mark 15:44

Pilate no Jisü thive aghi keu chilu kelo akümzave. Pa no aqhe zatsüu kuno thebeive nike kighinikile.

Luke 23:50

Jewmiw mishiphu Arimathea lono ighi keu timi kivimi eno amikuchomi lakhi Joseph ipikeu ache, pa ye Jewmi Hoho lo kihimpemi.