Mark 14:62 - Sumi Naga CL (Re-edited) Bible (BSI)

⁶² Jisü no khochile, “Iyei, eno nongu no Timi Nu Aküka kughushuu u ajeu iqa no kungugha lo khüngküsü lono chekeu ithulu nani.”

BAIBEL (BSI)

⁶² Jisu no pi, “Iye, nike; eno nonguno ni Timi Nu huye Akughushu Lhou u-ajeu iqa akeu eno kungu-u khungkusu lono ighikeu ithulu nani.”

Sümi Tiqhelimi Bible

⁶² Ikelo Jisü no pi, “Tihu Ni ke! Eno nongu no Timi Nu hu ye Akughushu Lhou u ajeu iqave no atsütsǘ lo khüngküsü lono ighi keu ithulu nani.”

Mark 14:62 Referans Kwoze

LESHELE 110:1

Ampeu no I Mpeu vilo pi: “I no o ghümi pesü o pukhu kinepu shitsü moke kutolo I u ajeu iqalo.”

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

Mark 13:26

Tileno Timi Nu ye aküka eno ajuküvü kuloghi shi khüngküsü lono chekeu kümtsü no ithulu nani.

MATTHEW 24:30

Tileno Timi Nu michipu atsütsü lo ipeghi nani, ayeghi lo ashiaye kümtsü no mloqa nani, eno Timi Nu no khüngküsü lo aküka eno ajuküvü kije lono chekeu timiqo no ithulu nani.

MATTHEW 26:64

Jisü no pa vilo pi, “Nono pivae. Ikemu I no nongu vilo piani, hinguno hilauye Timi Nu no Akumtou u ajeu iqa no atsütsü lo khüngküsü lono ipe cheghi keu nongu no ithulu nani.”

Luke 22:69

Ikemu itehi Timi Nu ye Alhou küka kumto u ajeu küghüqa niae.”

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

Mark 16:19

Ikehu Ampeu Jisü no akhopemi pütsave kethiu, pa ye kungugha lo saikuve no Alhou u ajeu küghüqave.

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

IBRIMI 8:1

Ningu no pi akeu tsa akhotou ye hike: ningu ye kungugha lo Kükanguagha lakhü ajeu iqa akeu chinetou hitoike ani,

IBRIMI 8:10

Ampeu no sheshu, hipa thiu I no Israel kibolomi sasü puloshoqhi shinikeu ye hike: I no I Yezah pesü pano kükümsü lo sütsü nani, eno pano mlo lo yepukutsü nani, I no panongu Lhou shi nani, eno panongu no Iw timi shi nani.

Luke 23:3

Pilate no pa vilo iniju, “No ye Jewmi kükau keshea?” Pa no khochile, “Nono pivae.”

Mark 15:2

Pilate no Jisü vilo ighiju, “No ye Jewmi kükau keshea?” Jisü no khochile, “Nono pivae.”

MATTHEW 27:11

Jisü no Angh zülo puthugho akelo Angh no pa vilo pi, “No ye Jewmi Kükau keshea?” Jisü no khochile, “Nono pivae.”

2 Peter 1:16

Kughengu kughou nino ni Mpeu Jisü Khristo küka eno Pa ikighi ghili nongu lau kilethitsü keno, ningu ye mqümgha shi iqüphe keu küghakiche tsa papemoe, ikemu ningu ye Pa kükanguagha thopimi ke.