Mark 13:9 - Sumi Naga CL (Re-edited) Bible (BSI)

⁹ “Ikemu nongu ye jukuto khelo. Kughengu nongu küghape hoho u lo süvetsü nani, sinagog lono nongu heqhi nani, eno I je ghenguno nongu no angh ngo kükamiqo zülo thopimi shi puthugho nani.

BAIBEL (BSI)

⁹ “Ikemu nonguye nongu likhi nongu shelo jukutoluve masae. Kughengu timino nongu kughaluve nani eno kughakilo nongu sawu nani. Sinagog lo nongu ghaqhi nani eno nonguye ayehkipemi ngo kukami zulo ije pichekeu ghenguno sawo qhi nani, tiye panongu zulo alokiviputsa pilupeniye ke.

Sümi Tiqhelimi Bible

⁹ “Nongu ye nolikhi nongu khekuto amoayesae. Nongu pesü no-a lo mijetsümiqo u lo sǘve no synagogqo lono nongu heqhi nani. Eno I je ghenguno nongu ye angh eno kükamiqo zülo puthugho no panongu lau I shepe shi nani.

Mark 13:9 Referans Kwoze

John 16:2

Panongu no sinagog lono nongu haphe nani. Mtsüqheino khunono nongu pithiluni keno, pa ye Alhou huthulu ani kepi kümsüni keu tüqhüdo hu cheni.

Mark 13:5

Jisü no panoqo vilo pi thuve, “Khunomu nongu saküghüzüve pemoni ke ithilo.

Piyeküsü 2:13

“‘Nono khile acheni keno ti ye Satan kükalakhü kepi I no ithi ani. Tishimu nono kuchou shi I je tsüqüpe puthugho ke, eno I shepekishiu, pükhü kulupu Antipas khuu nongu gholono sawo Satan no achekeu-a lono ghiqhive tsü keno, tipa ghuloki lo pinamu no ye I shou pükhübe chekeu phevemo ke.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

Piyeküsü 1:9

Jisü laumi shino aghime kitikhi shi Alhou kükaqha ghenguno kutuokutuu puqhe chekeu nongu küsau eno athiküzüu, ni John, ye Alhou tsape eno Jisü shepekishi ghenguno Patmos ipikeu züdoyeghi lo ake.

2 Thes. 1:5

Hi kümtsü Alhouw küghakütha ye achipi kepi mtsüqhei shitsü ani, tishianguno nongu no Alhou yekipe ghenguno ime akeu lo tile ilolu peniye ke.

FILIPIAMI 1:29

Kughengu Khristo je ghenguno nongu ye Pa pülüni keu likhi kumono Pa ghenguno imeni keu do kivi ghi kophepe nongu tsüvae,

Apostolmi 21:11

Pa no ighi no Paul pokha ikhipe pa pukhu ngo au tshüve no pi, “Aghungu Kimthe no ishi piani, ‘Apokha hipau mpeu ye Jerusalem lo Jewmi no hitoi phedape Jewkumomi u lo süvetsü nani.’”

Apostolmi 9:16

Pa ye I je ghenguno khijehi ime masa keno I no pa piye nani.”

Apostolmi 7:54

Kughou panongu no hi chilu keno, panongu ye axuideve no pa jupe ahu tsüghü.

John 15:20

I no nongu vilo pikeu tsa kümsü lulo: ‘Aqemi ye pa mpeu nguno akijeu kumoe.’ Panongu no I pishipuju aye, nongu ghi pishipuju nani. Panongu no I tsa pelu aye, nongu tsa ghi pelu nani.

Luke 9:5

Khile khilemu nongu sasümo keu-a loye kughou nongu no mishiphu tipau qhiveni keno, pano kipimi shikeu michipu shi nongu pukhu lo ayeghimkhu kutolo kukhu qhivelo.”

Mark 6:11

A-a lakhi lo nongu sasümo eno nongu tsa ini tsümo aye, tileno wuche kelo pano shou thopi shi nongu pukhu lo ayeghimkhu kutolo kukhu qhivelo.”

Mark 1:44

eno pi, “Khuu vilomu kiu tsa mu pi kevilo. Ikemu wuno o mpi pesü achineu piyelo, tishino o shikimthe luve keu ghenguno timi zülo thopi shi kepushi Moses no azah tsü ketoi akümllagho tsülo.”

MATTHEW 5:22

Ikemu I no nongu vilo piakeu ye khukhumu pa thiküzümi shou amloide keu ye küghaküthapu lo ilo nani; eno pa thiküzümi thaigha keu ye hoho lau khochile masa nani; eno itaghi khukhumu kütami vilo ‘No aghüzüu’ ipikeu ye aghimepu mi pesü küghatha nani.

Mark 13:8

Shiye lakhi no lakhi sasü aghüshi nani, titoi kükaqha kini dolono aghüshi nani. Ayeghi küghütha a-a kutomo lono ipeghi nani; püqümiye ighi nani. Hipaqo ye apunu küsü hukuthu likhi aphie.

2 John 1:8

Nongu jukutolo, tishianguno nino nongu ghenguno kiu mla püani keno pühave mono nongu no asaxü qhoi ithulu nani.