Mark 12:31 - Sumi Naga CL (Re-edited) Bible (BSI)

³¹ Akiniu no hike: ‘O likhi o toi o kisüghümi kimiye lo.’ Hinguno azakütsü akijeu kütau kühae.”

BAIBEL (BSI)

³¹ Tipau shelo akhotouye hike, ‘Olikhi otoi okitomi qhuivu masae.’ Ayezah tsupuakeu gholo hikuma nguno akhotou kutau kuhae.”

Sümi Tiqhelimi Bible

³¹ Akiniù no hipau ke: ‘O likhi O toi O kisüghümi kimiye lo.’ Hinguno azakütsü akijeu ye küha ke.”

Mark 12:31 Referans Kwoze

MATTHEW 22:39

Eno akiniu no: No ye o likhi o toi o kisüghümi kimiyeni.

ACHINE 19:18

No ye amkhülu moni momu now timi mithi moni, ikemu o likhi o toi o kisüghüu kimiyelo: Ni ye Ampeu ke.

Luke 10:27

Timi huno khochile, “O mlo kuchopu, o ngulho kuchopu, o kumto kümtsü, eno o kükümsü kümtsü pesü Ampeu o Lhou kimiye lo, eno o likhi o toi o kisüghüu kimiye lo.”

MATTHEW 7:12

“Ikehu kütami pelo o lau kiu shipenishi kümsü cheni keno, nou ghi titoi panoqo lau shilo, kughengu hi no Ayezah ngo Tungkupu kaku shekuho tsake.

Galatiami 5:14

Kughengu Ayezah kuchopu atsathi lakhi lono shikupuvae: “O likhi o toi o kisüghümi kimiyelo.”

1 John 4:21

Ningu no Alhou launo azakütsü ithulu keu ye hike: khunono Alhou kimiye cheni keno pa thiküzümi ghi kimiye masae.

ACHINE 19:13

“No ye o kisüghüu nedaqoda momu pükaqhi kevilo. Nono piqe akemi jume kijili lakhi ghenguno pinamu süchileve kevilo.

Mark 12:32

Ayezah shikükau no Jisü vilo pi, “No ye achipi, Shikükau. Nono kuchou no Pa ye lakhi, eno Pa nguno alau ye khumu kühae pivae.