Mark 10:21 - Sumi Naga CL (Re-edited) Bible (BSI)

²¹ Tile Jisü no pa kimiyeqhiyi juno pi, “No ye thime lakhi no mikhe ani: wulo, nono aghi keu kümtsü jepe kumlhomi tsüve lo, eno no ye kungugha lo küakini aniae; tishino I pape ighilo.”

BAIBEL (BSI)

²¹ Jisu no anhe sukuqumono paju puzu amloighiqhiyive eno pa vilo ishi pi, “Noye avehu lakhi shikepushi aphie, wolo, nono akeu kumtsu jevelo eno jelukeu pesu kumlhomi tsuvelo eno noye kungughalo kinikulu shi nani, tishieno ighi puzu ipapelo.”

Sümi Tiqhelimi Bible

²¹ Jisü no pa ju no ighono pa kimiyeve, eno ishi pi, “No ye thime lakhi kupu mphie, wolo eno O mheghi kümtsü jeve no kumlhomiqo tsüvelo, eno no ye kungugha lo O kinikhuki lo akiní ania ke. Tisheno ighi püzü I papelo.”

Mark 10:21 Referans Kwoze

Piyeküsü 2:4

Ikemu Ni ye o shou xube kepu hi ani, no ye o kikimiye atüghüu hu phevae.

Luke 10:42

ikemu thime lakhi avehupu shi ani. Mary no asaje aloke kishe luvae, eno li launo ti luve tsümo nani.”

James 2:10

Kughengu Ayezah kümtsü pelu anamu lakhi pemlave aye, tino kümtsü lo küqüvae.

Apostolmi 2:45

Panongu no pano mheghi ngo tinhemgha kümtsü jeve no avehupu shi aghi kemi lau küsaje che.

Luke 18:22

Kughou Jisü no hi chilu keno, pa no pi, “No ye thime lakhino kupu mphi kena. Nono akeu thime kümtsü jepe kumlhomi kijeve tsülo, eno no ye kungugha lo akinikhuki aniae; tishino ighi no I papelo.”

MATTHEW 16:24

Tishino Jisü no pa khopemi vilo pi, “Khukhumu I papeni keu ye pa ampi milive no paw kros xapu I papelo.

Piyeküsü 2:20

Ikemu Ni ye o shou xube kepu hi ani: Jezebel, khuu ampi no li ye tungkupliu ipi cheni keno, li no I qemi pelo shupu-salha eno asüatu julho mllave keu chuqupu chusho peniye shikabide eno müsü kutho chekeghi nono juzüve tsü cheni.

Piyeküsü 2:14

Ikemu Ni ye thime hami pesü o shou xube kepu ani: timi khami khunono Balaam kükütsü pape cheni keno tilau o gholo ani. Balaam no Israelmi zülo apukhu küpsüpu qhitsüni ye Balak kipe, tishianguno panongu pelo asüatu julho mllave keu chuqupu chuno shupu salhauve peniye ke.

IBRIMI 10:34

Nongu no akughumi gholo ime küqha, eno alokivishi no küakini ghi sükishe luvetsü peke, kughengu nongu ye küakini akiviu eno pülhapuju acheni keu thime aphi kepi nongu no ithi ake.

Luke 12:33

Nonguw tinhemghaqo jepe aveküsami tsülo. Nongu ampi sala kungugha lo pepüha moni keu kinibo, khile küpkami no ighimla eno apila no tsapüha mla keno, tilau pighi lulo.

Mark 8:34

Tithiu Jisü no akhopemi gholono aqokitikhi pa lau kukütsü no pi, “Khuana no I papenishi aye pa ye pa ampi milive no paw kros xapu I pape masae.

AHOLE 23:23

Kuchou qhülulo eno je kevilo, alokütsü, akükütsütsa eno vethakulu qhülulo.

Luke 19:41

Kughou Jisü no kupunu ighi no Jerusalem ithulu keno, pa no tipa ghenguno mloqa

Luke 9:23

Pa no timi kümtsü vilo pi, “Khukhumu I papeni shi aye, pa ye pa ampi milive no tsalakipetsü paw kros xapusü I pape masae.

MATTHEW 19:21

Jisü no pa vilo pi, “Nono kupukülai lunishi aye wulo, nono aghi keu kümtsü jepe kumlhomi tsüvelo, no ye kungugha lo o küakini aniae; tishino ighi püzü I papelo.”

2 Kor. 12:15

I no aghikeu eno I küxü ghi pesü nongu ngulho ghenguno alokivishi tsüve nani. I no alaushi nongu kimiye ke ghenguno nongu ye akimkheu shi I kimiyeni keshea?

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

John 12:26

Khuu no I qeni keno pa ye I pape masae; I no khile ani keno I qemi ghi tile anani. Khuu no I qeni keno I pu no pa gihu nani.”

Luke 16:9

I no nongu vilo piani, ayeghi lo küakini pesü nongu ghenguno aküsami shikile lulo, tishianguno kughou no ti kühaveni keno, lhokta kungo-a lo alokivi shi nongu sasü nani.

2 Tim. 3:12

Kuchou no Khristo gholo xükimepe Alhou sükümsa küxü xünishi kemi kümtsü shikimighi nani;

BOTHUBO 34:19

Eno apumi huye hipa vehu shini keu lo munuve moe, kughengu pa ye Jacob nga lau alokiqi ae. Pa ye pa pu kilo kütami kümtsü nguno alau agigihu akemi.

Mark 10:22

Hipa tsa no anhü thizümüipe pa ye agi khümüi wove, kughengu pa ye akini kütsasa acheke.