Mark 10:14 - Sumi Naga CL (Re-edited) Bible (BSI)

¹⁴ Ikemu kughou Jisü no ti ithulu keno, pa ye aghaideve no panoqo vilo pi, “Itimiqo pelo I lau ighi pelo; panoqo lakha kevilo, kughengu Alhou yekipe ye hitoi keqo salae.

BAIBEL (BSI)

¹⁴ Jisu no kughou ti ithulu keno axuideveno pa khopemi vilo ishi pi, “Itimiqo pelo ilau ighi pelo, panongu lakha kevilo, kughengu Alhou yehkipeye itimi hitoikeqo wuke.

Sümi Tiqhelimi Bible

¹⁴ Kughou Jisü no ti ithulu keno, pa ye aghaideve. Pa no panongu vilo pi, “Itimiqo pelo I lau ighi pelo eno panongu lakha kevilo, kughengu Alhou kükaphu ye hitoi kemiqow ke.

Mark 10:14 Referans Kwoze

MATTHEW 19:14

ikemu Jisü no pi, “Itimiqo lakha kevino panoqo pelo I lau ighi pelo, kughengu Kungugha yekipe ye hitoi kemi salake.”

MATTHEW 18:10

“Mthamini nongu ye hi kititiqo gholo lakhi mu jukünathalu nosake tsükhüi lo, kughengu I no nongu vilo piani, panoqo kheu kungumi ye pülhapuju I Pu kungugha lo akeu zülo acheni.

MATTHEW 18:4

Khukhumu pa ampi kuchunipe itimi hipau toi shikeu no Kungugha yekipe lo kümtsü nguno akijeue.

1 Peter 2:2

Anileshi punu keu ngaqo toi aghungu lo tsüghükhüi keu kichhizü yenishi keu tüghü shilo, tipau vecheo nongu no thuiku xakulupu lo ilolu nani,

2 Tim. 3:15

nono iti küxü lono kishi Kuchoyesü ithiche keno, tino Khristo Jisü lau aküpülü akeu vecheo xakulupu küdau o sawu kepu lokütsü tsünani.

Piyeküsü 14:5

eno pano ye tichetighepu küha kehu pano kichi lono akimki tsapi chilumoe.

2 Tim. 1:5

Ni ye o mlo tsüqhiyi keu küpülü kümsülu acheni, khikhi atüghüshi o püza Lois ngo o za Eunice pama gholo ache keno, eno itehi ye, o lolo aküpülü tipau ani kepi, I no pülü ani.

Ephesiami 4:26

Amloide lo, ikemu tino axine shive kevilo; o mlo kighide lono tsüküzü hasü kevilo,

1 Kor. 14:20

Athiküzümiqo, nongu kükümsü lo itimi toi kevilo. Alhoksa loye itimi toilo ikemu akükümsü loye tekhoi lo.

1 Kor. 7:14

Kughengu aküpülü kumo akimi huye pa nipu vecheo akimthe shiluve nani, eno aküpülü kumo anipu huye li kimi vecheo akimthe shiluve nani. Tikumo aye no tianuli ye mithekumo shiniae, ikemu itehi panongu ye ikhikulupu shiani.

Rommi 11:28

Itehi panoqo ye nongu Jewkumomi ghenguno Atsakiviu ghümi shi ani. Ikemu Alhou no kishephelu keu tsa loye pano puasüqo ghenguno panongu ye Alhou mlokuchuu ke.

Rommi 11:16

Asho kümllagho lo amsüu ikhiphetsü chekeu no akimthe shi aghi aye, amqo kuchopu akimthe ake, eno akuhu no akimthe shi aghi aye, alokaqo ghi akimthe ke.

Apostolmi 3:25

Nongu ye tungkupmi nuli, eno Alhou no nongu puasüqo sasü puloshoqhi shikeu nuliqo ke. Pa no Abraham vilo pi, ‘O polo kughuko vecheo ayeghi lo alagha kümtsü kümghatsü nani.’

Apostolmi 2:39

Kughengu ashoqhi ye nongu eno no tianuli eno khunoqo putou ani keno, Ampeu ni Lhou no Pa lau kulu kemi kümtsü ghenguno ke.”

Mark 8:33

Ikemu Jisü no tsüghü wo akhopemi juno Peter sakiyi ghi pi, “I launo chevelo, Satan! Kughengu no ye Alhou gholau no kumono timi gholau no o lomsü ani.”

Mark 3:5

Pa no amlo vimoqhiyi ighowo panoqo juno pano mlo kümka jupe ighono pa mlo pünaqhive, tishino pa no timi hu vilo pi, “O u xachholo.” Timi huno pa u xachho, eno ti ye kuchou no athoputho luve.

ISAIAH 65:23

Panongu kümla ye adou shivemo nani, momu kütsakungove nike atianuli punu keu shimo nani, kughengu panongu ye Ampeu no kümghatsü kemi kughukomi shi nani, eno panongu lagha ghi akümghami ke.

LESHELE 78:4

Pano tianuli launo ningu ye tipaqo küsüve moni, ikemu Ampeu juküvüpu kümla ngo Pa kughushu, eno akümzapu kümlaqo khikhi Pa no mla keno tipaqo pesü ighini keu tiqhelimi vilo pini.

ZAKINIU 4:37

Pa no nongu puasüqo kimiye kehu pano polo kughukomi kishelu no Pa küka kije lono Pa ampi no Egypt lono nongu saipeghi.

AKIKIHI 14:31

No tianuli hakho luvetsü nanie pi nongu no pi kemu I no panoqou sailo nani, eno panongu no akütsashi nongu no milive keu yeghi lo ngove nani.

BOTHUBO 17:7

I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

SAMUEL ATUGHIU 1:22

Ikemu Hannah ye wumove kughengu li no li kimi vilo pi, “Anu no asatheve kethiu no I no pa sawuni, tishianguno no pa ye Ampeu zülo wuno pülhapuju tilau acheuve peni.

SAMUEL ATUGHIU 1:11

Li no ashoqhi lakhi shino pi, “O aqokitikhi Mpeu, tsala Nono o qeliu ghime jutsü eno o qeliu kümsümave tsümo no anu lakhi pesü o qeliu tsü aye, I no pa pesü aküxü kupuju ghenguno Ampeu lau tsüveni eno aqe pesü pa kütsü lo bemoni.”

MATTHEW 5:3

“Aghungu lo kumlhomi shikemi kümghapue, kughengu kungugha yekipe ye panow ke.

MATTHEW 5:10

“Achipiu mikucho ghenguno khuno ghimeni keno akümghapue, kughengu kungugha yekipe ye panow ke.

John 3:3

Jisü no pa khochile, “Kuchou no I no o vilo piani, timi lakhi no punu kithemo keloye Alhou yekipe ithumlae.”

John 3:5

Jisü no khochile, “Kuchou no I no o vilo piani, milakhi no azü eno Aghungu lono punu kithemo keloye Alhou yekipe lo ilomlae.

JOSHUA 8:35

Ahoho lo Israelmi akemi, totimi eno itimi ngo kachenami kümtsü lau Moses no azah tsükeu lakhimu qhimono Joshua no kümtsü phisüe.