MALAKI 3:3 - Sumi Naga CL (Re-edited) Bible (BSI)

³ Pa no ghükayi ghukimthe eno thakimthe chekemi toi iqa nani, eno pa no Levi nuliqo shikimthe no ghükayi ngo ameshoyi toi panoqo ghukimthe nani, eno panongu no achipiu mikucho lono Ampeu lau akümllagho süghi nani.

BAIBEL (BSI)

³ Paye tsandiyi ghukimthe eno thakimthe chekeu toi kughatha nike ighi nani. Ayikiyiqimino tsandiyi ngo shunayi ghukimthe ketoi AMPEU ghinikishiuno achinemi ijokimthe nani, tishianguno panonguno AMPEU lau akumllagho achipiu jeli sughikepu shi nani.

MALAKI 3:3 Referans Kwoze

ISAIAH 1:25

I no nongu shou I u ghapukuni eno nongu baghu kümtsü ayi ghukimthe keshi pitive tsüni.

AHOLE 17:3

Ameshoyi ngo ghükayi ghukimthe kepu ami kümgha acheni, ikemu timi mlo ye Ampeu no peju cheni.

IBRIMI 12:10

Kughengu ayeghi lo ningu papuqo ye ado ikhonhei ghenguno pano pulou shi peniye ningu sakiyi qoputhu cheni, ikemu Alhou ye ni kivipu ghenguno shi cheni, ti ye ni pelo Pa kimthe küsaje peniye ke.

DANIEL 12:10

Kutomo no pano ampi shikimtheve no metsüghoi luve eno thakimthe luve nani, ikemu kixikilami ye kixikila shi anani. Eno kixikilami khunomu vethalumo nani, ikemu khunono alokütsümi keno panongu no vethalu nani.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

LESHELE 66:10

Kughengu, O Alhou, Nono ningu chhejuvae; ghükayi toi ningu shighuvae.

Piyeküsü 3:18

I kükümsü hipau o tsü ani, no ye kinikülü shilu kepushi ami lono ghukimtheve keu ameshoyi I launo qhülu lo, eno akukujopu shi o phikümsa shi akeu ithulu pemo nike o nhalu kepu phi kimiye qhülu lo, itaghi o pelo ithuluve penike anhethi lo nupu chekeu küsüvi qhülu lo.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

Luke 3:16

John no kümtsü khochile pi, “I no azü pesü nongu baptiz shitsü ani, ikemu I nguno akumtou lakhi cheni, khuu pukhukuqho kighi mu ni ye kuqho küzüpu kumo keno, pa no Aghungu Kimthe eno ami pesü nongu baptiz shitsü nani.

AHOLE 25:4

Ghükayi lono abaghu ikhivelo eno ayikiyiqiu ye jukivipu thime mlaphelu kepu auvae,

LESHELE 4:5

Achipiu ghakishi tsülo, eno Ampeu lau now pükhükibe qhilo.

Piyeküsü 1:6

Pa Lhou eno Apu huthu peniye ningu pesü achinemi kükaqha lakhi toi shitsü keno, Pa lau alholo eno pülhapuju ajekipi eno aküka apelo. Amen.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

2 Tim. 4:6

Kughengu niu ye atsaizü kümllagho toi I küghape leqhi ayae, eno ni ye wuve kepu do tovae.

Rommi 15:16

Alhou tsakiviu kümlapu lo achinemi lakhi shi Jewkumomi lau Khristo Jisü tsapeu shi peniye ke, tishianguno panongu ghi Aghungu Kimthe vecheo shikimtheve no akümllagho toi ikhikulupu shi peniye ke.

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

ISAIAH 48:10

Julo, I no nongu thakütsüghüvae ikemu ghükayi toimoe; I no aghime kitikhi miphoki lono nongu pejuvae.

LESHELE 116:17

I no shikimthikütsü ghakishi O lau mllani eno Ampeu lau inikhuni.

LESHELE 50:23

Khuu no shikimthikütsü pesü akümllagho shi tsüni keno I je süqhe tsü ani; khuu no pa laghi kithikiyi qhini keno I no Alhouw xakulupu piye nani!”

FILIPIAMI 4:18

Nongu no I tsüpuwu keu eno tinguno alau ghi ithuluvae. Nongu no Epaphroditus launo agho tsüpuwu keu ithulu ke ni ye lukümkha shivae, ti ye axokütsüngü kümllagho, Alhou lau ikhikulupu eno Pa pulou ghakishi ke.

ISAIAH 61:6

Nongu ye Ampeu chinemi kepi ku nani, panongu no nongu ye Ni Lhou qemiqo kepi ku nani; nongu no shiye kütamiw kinikülü peitha nani, eno panongu jekipi shou no, nongu no akijivile nani.

Piyeküsü 5:10

eno panoqo pesü kükaqha eno achinemi shi ghi ni Lhou lau tsüve kehu panoqo no ayeghi lo ayepe nanie.”

LESHELE 50:14

Shikimthikütsü ghakishi pesü Alhou mlla lo, eno Akughushuu lau o shoqhi shikeu shikupu lo,

LESHELE 51:19

tishianguno No ye achipiu ghakishi, akipti kümllagho eno kuchopu kipti kümllagho shou alokiqi shilu ani, eno amshitsü pesü O kümlla khache lo mllalu nani.

JEREMIYA 9:7

Tighenguno aqokitikhi MPEU no ishi piani: “Jualo, I no panongu thakütsüghü eno pejuni, Iw timiqo ghenguno Ni ye kiu shilo pi kea?

EZEKEL 20:38

Nongu dolo hekibidemi eno I mjochile ghi axine shi chekemi ye I no ikhive nani. Ayeghi khile panongu no kachena shicheni keno tile no I no panoqo saipeghive nani, ikemu panongu ye Israel yeghi lo ilolumo nani. Tileno nongu no Ni ye Ampeu kepi ithi nani.

DANIEL 11:35

eno alokütsümi khami ye veqhive nani, tishikeu lono panongu ye ashekha ghuloki tomphi lono thakimthe, shikimthe eno metsüghoi luve peniye ke, kughengu kihikütha do ye khe aphike.

MALAKI 4:1

“Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

AKIKIHI 8:6

“Israelmi gholono Levimi kusawo panoqo shikimthelo.

LESHELE 4:6

Kutomo no pi, “Khuu no akivi ningu piyeni kea? O Ampeu, ningu shou O gi küvü yepüvü tsülo!”