MALAKI 3:1 - Sumi Naga CL (Re-edited) Bible (BSI)

¹ “Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

BAIBEL (BSI)

¹ Aqokitikhi MPEU no khochiletsu ani, “Ighenguno alaghi kutope nike ino ighinikishiu puwu nani. Tileno nonguno huqheju akeu MPEU ye zuleleno pa chinekilo ighi nani. Nonguno junishiqhiyi achekeu ghinikishiuno ighi nani eno iw puloshoqhi pesu asheshu nani.”

MALAKI 3:1 Referans Kwoze

MALAKI 4:5

“Julo, atsala kije eno aküighüpu ighikumo züu I no Elijah tungkupu nongu lau puwu nani.

Luke 1:76

Anu, no ye Shishe Akiqheuw tungkupu kepi ku nani; kughengu nono Ampeu züuno pa laghi kuto tsünike wunani,

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

Apostolmi 19:4

Paul no pi, “John baptizkishi ye timiqo vilo milakhi pa thiu chekeu, ti ye Jisü, shou pülübe lo pikeu, axine lono xaidekeu baptizkishi ke.”

MALAKI 2:7

Kughengu achinemi lakhi kichi loye akighithi tsa pükha phetsü masa, eno timiqo ye pa tsapi lono akükütsütsa phu masae, kughengu pa ye aqokitikhi Mpeu tsapeu ke.

IPEKULU 23:20

“Julo, ala lo nongu khekuto sasü I no kuto püakeu-a lo ighi peniye I no kungumi nongu züu puwu ani.

Luke 19:47

Jisü no tsalakipe achineki lono shika ae. Achinetomi ngo Ayezah shikükami eno ampemi no pa pithive nike kuchughua,

LESHELE 110:1

Ampeu no I Mpeu vilo pi: “I no o ghümi pesü o pukhu kinepu shitsü moke kutolo I u ajeu iqalo.”

Apostolmi 7:38

Pa ye asayeqha lo aqoaho gholo ae, Sinai Toghi lo kungumi sasü küptsa eno ni puasüqo pütsa keu huye pa ke. Pa no ni tsüniye aküxüpu tsape ikhilue.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

Luke 2:46

Atsala küthü thiu pa no achineki lo shikükami gholo iqa no panoqo tsa ini eno panoqo vilo ighikuju tsa iniju ake lono pama no wo phulu.

Luke 2:38

Tipau süchedo lo li no panoqo lau ighi no Alhou shikimthi thuve, eno khunono Jerusalem xachile luni keu tsala khelho chekeno kümtsü vilo anu ghili pesü pi thuve.

Luke 2:11

Kughengu ishi tsala lono nongu lau Xakuluu, khuu Khristo Ampeu keno, David phughi lono punuvae.

MATTHEW 11:14

eno nongu no tipaqo tsape ikhilu aye, John huno ighi nanie piche keu Elijah ke.

HAGAYI 1:13

Ikehu Ampeu tsapeu Haggai no timiqo vilo Ampeu tsa pesü pi, “Ni ye nongu gholo ani, ipi Ampeu no sheshu ani.”

MALAKI 2:4

Tishikeu lono azah hipau ye I no nongu tsü kepi nongu no ithi nani, eno Levimi lau Iw puloshoqhi ye puthugho lu nani, aqokitikhi Mpeu no pi.

IPEKULU 23:21

Pa lau amlo tsüqhiyi shilo eno pa tsa gholulo; pa hebide kevilo, kughengu pa ye nongu kipimi qhitsümo nani, kughengu pa lolo I je ani.

ISAIAH 40:10

Julo, Ampeu Alhou no Pa kükakumto lono ayepe nike cheni; julo, Pa no xaphelu keu timiqo, asaxü shi ghi Pa no sasü cheni.