MALAKI 1:7 - Sumi Naga CL (Re-edited) Bible (BSI)

⁷ Kitiqeve keu chuqupu I kümlla khache lono mlla keu vecheo ke. Ikemu nongu no pi, ‘Ningu ye kishi O jukünathave kea?’ Ti pikeu lono Ampeu khache shikitiqeve peniye ke.

BAIBEL (BSI)

⁷ Achine kitiqevekeu chuqupu pesu imlla chekeu khachelo sughi cheni. Nonguno ishi iniju cheni, ‘Ningu ye kishi puzu osumsa move kya?’ Ino nongu vilo pinike, imlla chekeu khache jukuchhube keu lonoke.

MALAKI 1:7 Referans Kwoze

MALAKI 1:12

Ikemu kughou nongu no Ampeu kümlla khache ye shikitiqevae ipini keno tileno nongu no I je shikitiqe ani, eno tipau lo xathi, ti ye achuqupu, jukünatha peniye ke.

1 Kor. 10:21

Nongu ye Ampeu jukhu lo sho püzü tüghami jukhu lo ghi shomlae. Nongu ye Ampeu ghulhu lüpa lo chuno tüghami ghulhu lüpa lo ghi chumlae.

MALAKI 1:8

Kughou nongu no anhethi kighiche lhoxü pesü aghashi mllani keno, ti ye küsakügha kekumo? Eno nongu no lhonima momu aküsü lhoxü pesü mlla keu ye küsakügha kekumo keshea? Tipau pesü nonguw Angh agho chhejulo; pa ye nongu ikhilu momu kimiye tsü nani keshea? ipi aqokitikhi Mpeu no pi.

EZEKEL 41:22

asü no mlakeu akümlla-khache kimihi ae, ti ye akiqhelau auxakuchho lakhi tüxa, akushulau auxakuchho lakhi, eno akijelau auxakuchho lakhi. Tipau cheku, aboqha, eno akuptuqo ye asü no shike. Pa no I vilo pi, “Hi no aghulhu lüpa Ampeu zülo akeu ke.”

ZAKINIU 15:21

Ikemu lhoxü tino tukutiye aghi, apukhu kinita, anhethi iche, momu kiukiu tukutiye mu aghi aye, ti ye Ampeu nongu Lhou lau aghashi moni.

ACHINE 21:6

Panongu ye pano Lhou lau akimthe shini eno Pa shipütha moni. Kughengu panongu no Ampeu chuqupu kümllagho pesü mlla cheni kehu akimthe shini.

ACHINE 2:11

“Ampeu lau akümllagho jeli süghi keu lakhi lomu kholaqhi sümoni, kughengu kiukiu ghakishi lomu kholaqhi momu akhingozü ye akümllagho shi pitipe Ampeu tsümlae.

ACHINE 3:11

Eno Ampeu lau achuqupu kümllagho shi achineu no ti kümtsü ikhipe akiptia lono pitiveni.

ACHINE 21:8

Achinemi ye akimthe kepi kihilo, kughengu pa no achuqupu kümllagho pesü nongu Lhou tsücheni; nongu shikimthe chekeu Mpeu ye akimthe kehu achinemi ye akimthe kepi kihilo.

EZEKEL 44:16

Panongu no I kimtheki lo iloghi no I huthuni ke I ghulhu lüpa lo ighi nani, eno I yezah pape nani.

MALAKI 1:13

Ikemu nongu no, ‘Hi ye kiu makho kelae,’ ipi no akuchhoma shi cheni, aqokitikhi Mpeu no pi. Nongu no ngukangugha lono luvetsü keu eno kiu no lhonima momu aküsü akeno tipau pe akümllagho shi süghi ke! Tipaqo ye I no nongu u lono ikhilu kepu keshea? ipi Ampeu no pi.