MALAKI 1:6 - Sumi Naga CL (Re-edited) Bible (BSI)

⁶ “Anu no apu gihu, eno aqeu no ampeu gihu cheni. Tsala I no apu lakhi shi aghi aye, I gigihupu ye khile ani kea? Eno tsala I no ampeu shi aghi aye, I sümsa keu ye khile ani kea? ipi aqokitikhi Mpeu no nongu achinemi, khunoqo no I thaigha cheni keno tipaqo vilo pi. Ikemu nongu no pi, ‘Ningu ye kishi O jukünatha kea?’

BAIBEL (BSI)

⁶ Aqokitikhi MPEU no achinemi vilo pi,”Anu lakhiye papu gihu cheni eno aqemi lakhiye pa mipeu gihu cheni. Niye nongu papuke, nonguye kushiye igihumo kya? Niye nongu mipeu ke nonguye kushiye igihumo kya? Nonguno ijumithi cheni eno tishi keghi nonguno ishi inijuke, ‘Ninguye khileno ojumithi cheni kya?’

MALAKI 1:6 Referans Kwoze

Luke 6:46

“Kushiye nongu ye I vilo, ‘Ampeu, Ampeu,’ ipi cheni eno I no nongu vilo pikeu ye pape chemo kea?

ISAIAH 1:2

O atsütsü, inilo, O ayeghi, akini xükholo; kughengu Ampeu no pi ani: “I no atianuliqo tucho no saputhu, ikemu panoqo no I hebide ke.

IPEKULU 20:12

“O puaza gihulo, tishianguno Ampeu o Lhou no tsü akeu yeghi lo o tsala ye kushuo shilu nani.

1 Peter 1:17

Nongu no Apu Khuu agiju mono kümtsü lau pütüta kümla kiqi lono küghathabe cheni keno Pa lau inikhu acheni aye, now kupokiche küxü tivilo Pa sümsaqhiyi keu süqesüli pepulo,

HOSIYA 12:8

Ephraim no pivae, “Ah, ni ye kinimi; I sala küakini phuluvae; I kümla lo panongu ye I kipimi momu I xine ithumlae.”

ISAIAH 64:8

Ikemu itehi O Ampeu, No ye ningu papu ke; ningu ye aghani eno Nono alikümlau ke; Ningu kümtsü Nono mla keqoke.

Ephesiami 6:2

“O pu o za sümsalo” (azakütsü gholo kükümgha akeu atüghüu ye hike),

AHOLE 30:17

Apu jukünatha eno aza thaigha chekeu nhethi ye akhila lo aghaqo no mighijo pewuve tsünani eno küzüva lhuquqo no chuve nani.

MATTHEW 7:21

“I vilo, ‘Ampeu, Ampeu,’ ipi kemi kümtsü no kungugha yekipe lo ilo lunike kumoe, ikemu khukhumu I pu kungugha lo akeu pulou shicheghi keu huno ke.

MATTHEW 6:9

Tishiaye hitoi inikhu lo: “O ni Pu kungugha lo küau, O je akimthe shilo,

AHOLE 30:11

Timi khami ye papu ghusho eno eno paza akishe tsü chemoe.

ZAKINIU 5:16

“‘Ampeu nongu Lhou no azah tsüke toi o pu ngo o za gihu lo, tishianguno no ye axüshu nani, eno Ampeu o Lhou no o tsü akeu yeghi lo no ye thokha kümtsü akivipu shilu nani.

ACHINE 19:3

Nongu ye I no azah tsüke toi pütüta puaza sümsa lo eno Sabbath pelulo: Ni ye Ampeu nongu Lhou ke.

Mark 10:19

Nono azakütsü ithi ani noshi: ‘Ghiqhi kevilo, Shupu-salha kevilo, Püka kevilo, Akimki thopi tsü kevilo, Pishiqhipe süxaluve kevilo, O pu ngo o za gihulo.’”

MATTHEW 19:19

o pu o za gihulo, eno o likhi o toi o kisüghümi kimiyelo.”

HOSIYA 4:6

Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

EZEKEL 22:26

Li chinemi no I yezah shou ngukangugha shivae eno Iw akimthe thimeqo shikitiqevae. Panongu no akimthe ngo balha dolo kishe kütüta shimoe, momu mithekumo ngo akimthe dolo kiyeqü keu shika tsümoe, eno Iw Sabbath gihu tsümoe, ikehu panongu gholo Ni shikitiqevae.

JEREMIYA 23:11

“Tungkupmi ngo achinemi ye Alhou kümthami; I kilou ghi Ni ye panongu lhoksa ithulu püani, ipi Ampeu no asheshu.

MATTHEW 15:6

pa ye papu gihu amasa kelau kumoe.’ Ikehu nongu khuaye ghenguno Alhou tsa abokümsa shive tsüae.

MALAKI 2:8

Ikemu nongu ye mtsüqhei keu laghi lono tsüghü wuvae. Nongu kükütsütsa vecheo timi kutomo no küpxavae. Nongu no Levimiw puloshoqhi shipüsavae, aqokitikhi Mpeu no pi,

Luke 10:29

Ikemu timi huno pau no achipiu ipi penishi kehu Jisü vilo pi, “Maye khuu no I kisüghüu kea?”

Luke 6:36

Nongu Papu no kimiyekini no chhitoi ketoi nongu ghi kimiyeqhiyi lo.

Mark 7:10

Kughengu Moses no pike, ‘O pu ngo o za gihulo’; eno, ‘Khukhumu apuaza thaigha keu ye mtsüqheino thinani.’

JEREMIYA 31:9

Panongu no qasü ighi nani, I no panoqo saghi kelo kimiye tsü penike qhüiniju nani, I no panongu sasü aghoki phivi lono chewu nani, panongu no akümzü la lo küpxamo no wunani, kughengu Ni ye Israel Papu eno Ephraim ye I nu anoghiu ke.

Luke 18:20

Nono azakütsüqo ithi anie: ‘Salha kevilo, Ghiqhi kevilo, Püka kevilo, Akimki thopi shi kevilo, O pu ngo o za gihulo.’”

MATTHEW 15:4

Kughengu Alhou no azah tsüke, ‘O pu ngo o za gihulo,’ eno ‘Khukhumu apuaza ghusho keu ye mtsüqheino thive masae.’

HOSIYA 5:1

Hi inilo, O achinemiqo! Amlo tsüqhiyilo, O Israelmi! Akini xükholo, O akükau limi! Kughengu küghakütha ye nongu ghenguno ke; kughengu Mizpah lo nongu no alichhe ilhouve ke, eno Tabor shou akhame sükhope qhike.

ZAKINIU 1:31

Apu lakhi no pa nu khape cheke toi, Pa no kishi asayeqha lono nongu xapusü hipa-a kutolo ighi keno nongu no ithuluve ake.’

LESHELE 123:2

Julo, aqemi nhethi no pano mpeu u lo jupuku aketoi, aqelimi nhethi no pano mpeliu u lo jupuku aketoi, Pa no ningu shou kimiyeqhiyi tsümoke kutolo Ni nhethi no Ampeu ni Lhou lau jupuku anie.

AHOLE 17:6

Kitemi kütsükuqho ye pa tilimiqo ke, eno atianuliqo kijivilepu no panongu papuqo ke.

ISAIAH 43:23

Nongu ye I lau akipti kümllagho shi nongu mbe tsümoe; eno aghashi pesü I gihu moe. Ni ye akümllagho tsülopi nongu pünaqhi püamoe, momu müsüghüta tsülopi nongu züpüzü püamoe.

JEREMIYA 3:4

No ye itehi I vilo, ‘I Pu, No ye I lhothe lo küsaue, ipike kumo?

JEREMIYA 35:16

Rekhab nu Jonadab kughuko ye pano pasü no azah tsükeu pelu ikemu timi hipaqo ye I gholumoe.

ZEFANIA 3:4

Liw tungkupmi ye lhelheshi, pishikiqhimi ke; achinemi no akimthe pesü kitiqe; eno ayezah hexa cheni.

MALAKI 2:1

“Itehi, O achinemiqo, azah hipau ye nongu ghenguno ke.

MALAKI 2:10

Ningu kümtsü Apu lakhi anike kumo? Alhou lakhi no ningu lhophe kekumo keshea? Imaye kushiye ningu ye lakhi no lakhi pükhübemla no ningu puasüqow puloshoqhi shipüthave kea?

ZAKINIU 32:6

Nongu mbomzü eno akükümsü küha keqo, hitoi Ampeu lochileni keshea? Pa ye nongu Papu, Pulhoküsüu, nongu iqhikumto tsüke kumo?

ISAIAH 45:10

Timi khuu no papu vilo, ‘No ye kushiye ishi I lho kea?’ momu aza vilo, ‘No ye kiu ghenguno ime ani kea?’ ipini keno pa ye müsüinivae.”

ISAIAH 64:7

Milakhi mu O lau ighamku moe, eno milakhimu O süije nike wumoe, kughengu Nono ni launo itshüvae eno ni pelo ni xine lo tsüma auve peke.

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.