Luke 9:56 - Sumi Naga CL (Re-edited) Bible (BSI)

⁵⁶ Eno panongu no aphu kütau lo wuve.

BAIBEL (BSI)

⁵⁶ eno panongu aphu kutau wuve.

Sümi Tiqhelimi Bible

⁵⁶ Tisheno pa eno pa khopemiqo ye aphu kütau lo wuve.

Luke 9:56 Referans Kwoze

Rommi 12:21

Alhoksa no nongu theqhivepe kevilo ikemu akivi pesü alhoksa theqhilo.

MATTHEW 20:28

Timi Nu thotsü huthu peniye ighike kumoe, ikemu huthu niyeke, eno timi kutomo ghenguno pa küxü pesü xakipheme shi tsüniye ighike.”

John 3:17

Kughengu Alhou ye ayeghi lomi shou küghathabeni ye Pa Nu puwuke kumoe, ikemu Pa vecheo ayeghi lomi xalu niye ke.

John 10:10

Küpkami ye püka, heqhi eno kütsani ke ghengu likhino ighi cheni. I no ighi keu ye panongu pelo aküxü apeniye eno ti kupukuno shi apeniye ke.

Luke 19:10

Kughengu Timi Nu ye pühave no akemi phuni ke eno xaluni ke ighie.”

MATTHEW 18:10

“Mthamini nongu ye hi kititiqo gholo lakhi mu jukünathalu nosake tsükhüi lo, kughengu I no nongu vilo piani, panoqo kheu kungumi ye pülhapuju I Pu kungugha lo akeu zülo acheni.

1 Tim. 1:15

Hi ye pükhübekulupu eno ikhikulupu tsae: Khristo Jisü no axinemi xalu nike ayeghi lo ighikeu gholo ni ye axinemi kümtsü nguno alhoksau ke.

John 12:47

Khunono I tsa chilu no pemlani keno, ni ye pa shou küghathabe monani; kughengu ni ye ayeghi lomi shou küghathabeni ke ighike kumoe ikemu ayeghi lomi xaluni ke ighie.

Luke 23:34

Jisü no pi, “Apu, panongu ye kiu shi ani keno ithiamo ke akipimi qhive tsülo.” Panongu no pa phimini kije luveni ye asaqhi.

Luke 22:51

Ikemu Jisü no pi, “Tavelo!” Eno pa no timi tipau kini buno shipivive tsü.

MATTHEW 5:39

Ikemu I no nongu vilo piani, alhoksami mjochile kevilo. Ikemu khuana no o gimuchu ajeu ghatsü aye, tüxau ghi pa lau kugho puwo tsülo.

Luke 9:55

Ikemu pa no tsüghüwo panoqo lomipi.

Luke 9:57

Panongu no ala lo chekelo, milakhi no pa vilo pi, “Nono khile khile wumu I no o papeni.”

MATTHEW 18:11

[Kughengu Timi Nu ye pühave keqo xaluni ke ighie.]