Luke 9:50 - Sumi Naga CL (Re-edited) Bible (BSI)

⁵⁰ Ikemu Jisü no pa vilo pi, “Pa lakha kevilo, kughengu khuu no nongu külamo keno pa ye no ngulami ke.”

BAIBEL (BSI)

⁵⁰ Ikemu Jisu no Johan ngo akhopemi vilo pi, “Pa lakha kevilo; kughengu khuno nongu sasu kichekiyi shimono aghini keno tiye nolaumike.”

Sümi Tiqhelimi Bible

⁵⁰ Ikemu Jisü no pi, “Pa lakha kevilo; kughengu khukhumu nongu lachilemo kemi ye nolaumi ke.”

Luke 9:50 Referans Kwoze

Luke 11:23

Khukhumu I gholo shimo kemi ye I külami, eno I gholono hekütsümo kemi ye apanaghave tsü cheni.

MATTHEW 12:30

Khunono I gholo kumo keno I külami, eno khunono I sasü hekumqo tsümo keno kütami hapupove cheni.

1 Kor. 12:3

Tighenguno ni ye nongu pelo ithi penishi ani, Alhou Ghungu lono atsa pi kemi khunomu, “Jisü ye müsüinivae!” ipi chemoe eno khunomu Aghungu Kimthe no sachemo aye, “Jisü ye Ampeu” ipi mlae.

Luke 16:13

Aqeu khumu ampeu kini qe küqhamlae, pa ghengu ye lakhi mithive no lakhiu kimiyeveni keo, lakhi gholu no lakhiu jukünathani keno lakhi kishelu masae. Nongu ye Alhou eno küakini qe küqhamlae.”

Mark 9:41

Kuchou no I no nongu vilo piani, nongu no Khristo laumike ghenguno khuu no azü ajukhu lakhimu nongu piyeni keno, pa saxü ye kiu gholau nomu pühave monani.

MATTHEW 17:26

“Inami launoe,” ipi Peter no khochile kelo Jisü no pa vilo pi, “Imaye aghakhumi ye tsümo kepuke.

JOSHUA 9:14

Ikehu Israelmi no panongu chuqupu hami ikhiluve, ikemu tipau ghili Ampeu lau iniju move.

MATTHEW 17:24

Kughou panongu no Capernaum lo ighi keno, asüqha küqhami no Peter lau ighi no pi, “Nongu shikükau ye asüqha tsü chemo keshea?”

Mark 9:38

John no Jisü vilo pi, “Shikükau, ningu no milakhi o je lono tüghami haphe aghike ithulu, eno pa ye ni papemi kumo kehu ningu no pa lakha niye shie.”