Luke 9:16 - Sumi Naga CL (Re-edited) Bible (BSI)

¹⁶ Pa no asho pungu eno akha kini ikhipe kungugha lo jupuku no tipaqo shou kükümgha inibe. Tishino pa no asho süphope aqokitikhi kijetsü penike akhopemi tsü.

BAIBEL (BSI)

¹⁶ Jisu no asho pungu akha kini ikhiluno kunguu atsutsulo jupukughi tipaqo ghenguno Alhou vilo kumghakeu khuini eno tipaqo suphono tipaqo kijetsupe nike akhopemiqo tsu.

Sümi Tiqhelimi Bible

¹⁶ Jisü no Ashopa pungu eno akha kini ikhiluve no atsütsǘ lo jupuku püzü shikimthi tsü no asho süpho. Tisheno timiqo kijé tsü penike akhopemiqo tsü.

Luke 9:16 Referans Kwoze

MATTHEW 14:19

Tileno timiqo vilo atsüni shou iqalo pi pa no azah tsüve. Ashopa pungu eno akha kini ikhipe pa no atsütsü lo jupuku no Alhou shikimthi tsü. Tishino pa no asho süphope pa khopemi tsüno akhopemi no tipaqo pesü timiqo kijetsü.

Luke 24:30

Kughou pama gholo chuniye iqa keno, pa no asho ikhipe shikimthi kütsü kighini shino süphope pama tsü.

MATTHEW 15:36

pa no ashopa tsüni eno akha ikhipe shikimthi tsüno süphope pa khopemi tsü, eno akhopemi no tipaqo pesü aqokitikhi tsüe.

Rommi 14:6

Khuu no atsala lakhi hu pini cheni keno Ampeu gigihu lono pini cheni. Thokha chuche keu ghi Alhou lau shikimthi tsücheni keke Ampeu gigihu lono chucheni, eno chuchemo keu ghi Alhou shikimthi püzü Ampeu gigihu lono chuchemoe.

Apostolmi 27:35

Pa no hi pive kethiu, asho ikhipe kümtsü zülono Alhou shikimthi tsüno süphope chuuve.

John 6:23

Ampeu no shikimthi tsüno panongu no asho chukeu-a phivilo Tiberias lono ashuka kütauqo ighi.

John 6:11

Tishino Jisü no ashopa ikhilu no shikimthi tsüve kethiu iqa akeqo kijetsü. Titoi akha ghi panongu no lunishi ke thaqhü kijetsü.

Luke 22:19

Tithiu pa no asho ikhilu, eno shikimthi tsüno pa no ti süphope panongu tsüno pi, “Hi ye khikhi nongu ghenguno tsüve keno I phimpi huke. I kümsülu ghi hi shilo.”

1 Kor. 11:24

eno kughou Alhou shikimthi tsü keno Pa no ti süpho eno pi, “Hi ye I phimpi, nongu ghenguno tsüve keu ke. I kümsüchilelu ghi hi shichelo.”

1 Kor. 10:30

I no shikimthi qhiyi chu aye, kushiye I no shikimthi tsükeu ghenguno I pipüsa apeni kea?

Mark 7:34

Tishino kungugha lo juno pa no atuthu akuloghiu shephe no timi hu vilo pi, “Ephphatha,” ti ye, “Khaqhi luvelo.”

SAMUEL ATUGHIU 9:13

Nokujo no mishighüna lo iloghi kelo pa no qhemghaike-a lo chusho niye wumphi lono pa sholu nani. Kughengu pa no aghakishi kümghatsü masa keke pa ighi kumo züu ye timiqo ye chushomo nani; tithiu no khunoqo kusü püani keno panoqo no chusho nani. Itehi wulo, nokujo no lo-i pa sholu nani.”

Luke 9:15

Panongu no titoi timiqo küghüqa khave.

Luke 9:17

Timi kümtsü no chuve no aghapiqive. Tithiu achili eno munomugho kichekütsü kelo, ashoghi chighikini ipeghi.