Luke 8:8 - Sumi Naga CL (Re-edited) Bible (BSI)

⁸ Ikemu hami ye ayeghi kivi lo ilolu no thuikughi püzü aqhe piqi pithilu.” Jisü no atsa hipaqo pi akelo ighamku asheshu, “Khukhumu chikulupu kini pu akeu no chilulo.”

BAIBEL (BSI)

⁸ Apiti hamiye ayeghi kivilo vesulu eno lho ipeghino alothi aqhe kutolo pithilu.” Jisu no hipaqo piveno ighamuku pi, “Nonguno chikulupu kini aghi aye, inilo!”

Sümi Tiqhelimi Bible

⁸ Tishimu apitì hami ye aghüma kivi lo ikiqi ilolu. Tino lhoipeghi no apitì vesü keu nguno alau aqhe kutólo küghüsü ghi pithílu.” Jisü no hipaqo pive, eno müghachhoi shi püzü pi, “Khunoqo no chilu nishi ani keno panoqo pelo chilu pelo!”

Luke 8:8 Referans Kwoze

MATTHEW 11:15

Khuu no chikulu kini ani keno pa no chilulo.

Piyeküsü 2:11

Khuu no akini ani keno Aghungu no akukuhouqo lau piakeu chilulo. Khuu no theqhi luni keno pa ye akiniu kithi huno ghüzamla nani.’

Piyeküsü 2:7

Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’

Mark 4:20

Ikemu timi khami ye ayeghi aloke lo iloluke toi atsape chilu püzü ti ikhilu no axathi hami no shighi, hami no lhotsügho eno aqhe piqi, pithi cheni.”

Mark 4:8

Ikemu apiti hami ye ayeghi aloke lo ikiqi ilo no athi pithilu, tipaqo no thuikughi no kughukolu eno hami no shighi, hami no lhotsügho eno aqhe piqi pithilue.”

MATTHEW 13:23

Ayeghi kivi lo vesülu keu piti ye Atsa chilu no ithikuthulu keu timi ke. Pa ye kuchou no athi pithi cheni, eno xokütsü kelo hami no aqhe piqi ithulu cheni, hami no lhotsügho, eno hami no shighi.”

AHOLE 20:12

Chikulu kini eno ithukulu nhethi kinikujo Ampeu no mla tsüke.

Luke 8:15

Ikemu khikhi ayeghi kivi lo ilolu keno, tipaqo ye Atsa chilu püzü panow kuchou eno akivi mlo lo tsatsai qhiluve chekemi, ikehu pano ye kheakulu shikeu lono axathi pithilu cheni.

JEREMIYA 13:15

Akini kughopuwo inilo; qheza kevilo, kughengu Ampeu no pivae.

AHOLE 8:1

Alokütsü no ku anike kumo? Vethakulupu kighithi no asütsa süqhe igha anike kumo?

BOTHUBO 26:12

Isaac no tipa yeghi lo apiti qüsü eno tipa mpe lo ghile ghuthu aqhe no küghüsü ithulu. Ampeu no pa kümghatsüe,

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

JEREMIYA 25:4

Nongu ye Ampeu no tamo mithe Pa qemi tungkupmi nongu lau puwu akeghi nongu no inike kumono nongu kinimu kugho puwomoe,

Mark 4:23

Khuu no chikulu kini pu ani keno pa no chilu pelo.”

Mark 7:16

Khukhumu akini pu akeu no chilu lo.”

Luke 8:7

Apiti hami no asahuli lo ikiqi ilove, eno asahubo no tipa gholono thuikughi no ghüsüve.

Luke 14:35

Ti ye ikhipe peveni keu likhia thono ayeghi momu aghüma mu ala shitsü mlae. Khuu no chikulupu kini ani keno pa pelo chilu pelo.”

Piyeküsü 3:6

Khuu no akini ani keno Aghungu no akukuhouqo lau piakeu chilulo.’

Piyeküsü 3:13

Khuu no akini ani keno Aghungu no akukuhouqo lau piakeu chilulo.’

Piyeküsü 13:9

Khukhumu akini akeu no chilulo: