Luke 8:10 - Sumi Naga CL (Re-edited) Bible (BSI)

¹⁰ pa no pi, “Nongu ye Alhou yekipe tuqhou ithi penike tsüvae, ikemu kütami ghengu ye kimghikipiye lono ke, tishianguno ‘panongu no ithulu animu ithikuthu monani, eno chilu animu vethamla nani.’

BAIBEL (BSI)

¹⁰ pano pi “Alhou yehkipe tuqhouqo ithipe nike nongu tsupe puani; ikemu kutami ghenguye ahole lonoke, tishikehu panonguno jupulaghi ithumla nani, eno ini pulaghi vetha mula nani.”

Sümi Tiqhelimi Bible

¹⁰ Jisü no pi, “Alhou kükaphuw tuqhou ghili ithukulupu pesü nongu tsüvae; ikemu ni ye kütami lau ye kimghi pìye keu lono pi cheni, tishianguno, “ ‘panongu ye ju pülaghi ithumla nani, eno ini pülaghi vethamla nani.’

Luke 8:10 Referans Kwoze

ISAIAH 6:9

Pa no pi, “Wulo, eno timi hipaqo vilo pilo: “‘Ini-ni alo, ikemu vethamlae; ju-ju alo, ikemu ithumlae.’

Mark 4:11

Pa no panoqo vilo pi, “Alhou yekipe tuqhou ithi penike nongu tsüvae, ikemu khalau akemi ghengu ye thokha kimghikipiye lono pikepu shi ani,

MATTHEW 11:25

Tipa tüqhüdo lo Jisü no pi, “Apuo, kungugha eno ayeghi Mpeu, I no O shikimthi ani, kughengu nono thime hipaqo pesü ayeghi lo lokütsümi ngo ithikuthu kemi launo küsüve no hi itimi kititiqo lau pephe tsüke;

JEREMIYA 5:21

“Hi inilo, O mbomzü eno akükümsü küha kemi, anhethi animu ithumla kemi, akini animu chimla kemi.

ISAIAH 44:18

Timi tipaqo ye panongu no kiu shi ani keno mthae eno vethalu chemoe; kughengu panongu nhethi nhavetsü kehu ithumla eno panongu kükümsü nhavetsü kehu vethamla ke.

Kolosiami 2:2

tishianguno panongu mlo shikumtolu, kikimiye lo ghoküqha luno Alhouw tuqhou kighithi, ti ye Khristo, thebei eno kupukuno shi ithikuthulu penie.

Rommi 16:25

Itehi ye I tsape, I no Jisü Khristo ghili pikülha chekeu vecheo nongu shikumtokütsü Lhou sheqhe ani; ti ye ado kushuo tuqhou shi küsü püache keu tsa pephe piyeni keu kiqi lono ke,

MATTHEW 16:17

Jisü no pa vilo pi, “Jonah nu Simon, no ye akümghapue! Kughengu timi shi aji no o lau hi pephe piyeke kumoe, ikemu I Pu kungugha lo akeu noke.

LESHELE 25:14

Ampeu ye Pa sümsa chekemi sasü shou-pau shicheni, eno Paw puloshoqhi pesü panoqo pelo ithipe cheni.

ZAKINIU 29:4

Ikemu ishi kutolo Ampeu no vethalu kepu mlo, anhethi eno akini nongu tsümoe.

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

1 Kor. 12:11

Hi kümtsü Aghungu lakhi eno athono tsü püani, eno Pa pulou lono Pa no lüthü lakhikhi lau tsü püani.

John 12:40

“Pa no panoqo nhethi kighicheve tsü eno pano mlo shikümkave tsü, tikumo ye pano nhethi no ithulu, pano mlo no vethalu no xaide kelo I no pano shipivilu nosae.”

ISAIAH 29:14

tighenguno julo, I no itaghi timi hipaqo lau ishokibe akichiqhipu kümla shini; eno panongu gholo alokütsümi lokütsü pühave tsüni, vethakulumi lotsü küsüve tsüni.”

EZEKEL 12:2

“Timi nu, no ye hekibide kibo lo xüanie. Panongu ye anhethi animu ithulu chemo, akini xapu animu chilu chemoe, kughengu panongu ye hekibide kibolomi ke.

Mark 4:12

tishianguno “‘panongu no ithulu animu ithikuthulu pemo, eno chilu animu vethalu pemo niye ke, tikumo aye pano no tsüghü ighi kelo akipimi qhitsülu nosake.’”